YUG အဖွဲ့သည် မတ်လ ၁၆ ရက်နံနက်က သပိတ်လူငယ်များကိုဖမ်းဆီးရာတွင် ပါဝင်ကူညီ သည့် အကြမ်းဖက်စစ်ကောင်စီ လက်အောက်ခံကြည့်မြင်တိုင် မြို့နယ် သရက်တော(တောင်) ရပ်ကွက် အုပ်ချုပ်ရေးမှူး၏ အိမ်အတွင်းသို့ လက်ပစ်ဗုံးပစ်ကာ ကားကို ချိန်ကိုက်ဗုံးတပ်ဆင် ဖောက်ခွဲသည့် တိုက်ခိုက်မှုများပြုလုပ်ခဲ့သည်။
“ဒီတစ်ခါ ဖြစ်စဉ်မှာ အုပ်ကြီးမသေသွားတဲ့အတွက် ပြည်သူလူထုက သတိပေးရုံပဲမလုပ်ပဲနဲ့ အပြီးလုပ်ပါလို့ တောင်းဆိုလာကြတာတွေ့ရပါတယ်။ ပြည်သူလူထုရဲ့ နာကြည်းချက်နဲ့ သဘောထားကို ဒီဖြစ်စဉ်မှာ မြင်တွေ့နိုင်ပါတယ်။ ပြည်သူ့ဘက်မှာမရပ်ပဲ အကြမ်းဖက် စစ်တပ်ဘက်မှာ ရပ်တည်မယ်ဆိုရင် ကျွန်တော်တို့က ပြတ်ပြတ်သားသား တုန့်ပြန်သွားမယ်လို့ ထပ်မံပြောဆိုလိုက်ပါတယ်”ဟု YUG မှတာဝန်ရှိသူက ပြောသည်။