ဇူလိုင်-၁၁၊၂၀၂၆၊ကတ်သရင်းနှင်း/People’s Spring
မန္တလေးတိုင်း၊စဉ့်ကူးမြို့နယ်မှာ စစ်တပ်ကို သတင်းအမှားတွေပေးကာ ကျေးရွာတွေကို လက်နက်ကြီး တွေနဲ့ပစ်ခိုင်းခဲ့တဲ့ စစ်ကောင်စီခန့် အုပ်ချုပ်ရေးမှူး ၂ဦး သေနတ်နဲ့ပစ်ခံရပြီး သေဆုံးခဲ့တယ်လို့ ဒေသခံ တွေက ပြောပါတယ်။
ရွှေဂုံတိုင်ကျေးရွာ အုပ်ချုပ်ရေးမှူး ဦးအောင်ဆန်းမင်းနဲ့ ရေရွှေဂုံတိုင်အုပ်စုတုံးကျေးရွာက အုပ်ချုပ်ရေးတာဝန်ခံဦး ဇော်သန်းတို့ဟာ လက်ဖက်ရည်ဆိုင်ထိုင် နေစဉ် ဇူလိုင် ၈ ရက်မှာ သေနတ်နဲ့ ပစ်ခတ်ခံရကာ သေဆုံးခဲ့တယ်လို့ သိရပါတယ်။
” အဲ့ဒီအုပ်ကြီးတွေက ပြည်သူတွေစီကနေ စစ်မှုထမ်းကြေးဘန်းပြပြီးမတရား ရဲခွေးတွေနဲ့ ပေါင်းပြီး ငွေကြေးကောက်ခံပြီး အဆိုးဆုံးက တော်လှန်ရေးသမားတွေရဲ့သတင်းတွေကို စကစများထံပေးပို့နေလို့။ဖြစ်စဥ်မဖြစ်ခင်က ဒီကောင်တွေက စကစကိုလက်နက်ကြီးနဲ့ဘယ်ပစ်ခိုင်းလိုက်ညာပစ်ခိုင်းလိုက်နဲ့ ။ပတ်ဝန်းကျင်တွေလက်နက်ကြီးပစ်တာမျိုးတွေလည်းရှိတယ်။ပြည်သူအထိခိုက်တွေလည်းရှိတယ်လို့သိရတယ်”လို့ ဒေသခံတဦးက ပြောပါတယ်။
Public Service Announcement
သေနတ်နဲ့ပစ်ခတ်မှုဟာ ဘယ်အဖွဲ့အစည်းကလည်းဆိုတာ တော့မသိရ သေးပါဘူး။
စဉ့်ကူးမြို့နယ်မှာ ဇွန်လ၂၃ ရက်က စစ်တပ်ရဲ့လက်နက်ကြီး ပစ်ခတ်မှုကြောင့် မြေနုကျွန်းရွာက ကလေးတွေ အပါအဝင် ပြည်သူ ၆ ဦး ပြင်းထန်ဒဏ်ရာတွေရခဲ့သလို ဇွန်လ၂၇ ရက်မှာလည်း ကျွန်းဦးကျေးရွာက ကလေးငယ်တွေရဲ့ မိခင်မျိုးသမီး သေဆုံးခဲ့ပါတယ်။
ဇူလိုင် ၈ရက်မှာလည်း လက်နက်ကြီး ပစ်ခတ်မှု ကြောင့် ဆင်သေရွာက ဒေသခံ ၆ဦး ထိခိုက်ဒဏ်ရာတွေရခဲ့တယ်လို့ သိရပါတယ်။
