မင်းတပ်မြို့နယ် ချင်းဒေသကာကွယ်ရေးတပ်(CDF) အနေဖြင့် မြို့တွင်းစစ်ဆင်ရေးတစ်ရပ်ကို ယနေ့ နံနက်ပိုင်းက ပြုလုပ်ခဲ့ရာ စစ်ကောင်စီတပ်မှ နှစ်ဦးသေဆုံးခဲ့ကြောင်း CDF မင်းတပ် က သတင်းထုတ်ပြန်သည်။
မတ်လ ၂၉ရက် နံနက် ၇နာရီခန့်တွင် မင်းတပ်မြို့ဘ၀သစ်ရပ်ကွက် ၀မ္မသူးမောင်းလမ်း ၊ဗိုလ်မှူးဟာရှိန်းချောက်အနီး အသစ်ပြင်ဆင်နေသောရေကန်၌ လုံခြုံရေးယူထားသော စစစ်ကောင်စီတပ်ဖွဲ့ဝင်များကို ပစ်ခတ်ခဲ့ခြင်းဖြစ်သည်ဟု ဆိုသည်။
စစ်ကောင်စီတပ်သား နှစ်ဦးသေဆုံးခဲ့ရာ အလောင်းများကို ဆေးရုံလူနာတင်ကားဖြင့်ကောက် ယူသွားကြောင်း ဖော်ပြထားသည်။
CDF မင်းတပ်နှင့် စစ်ကောင်စီတပ်တို့သည် မင်းတပ် – မတူပီလမ်း၌လည်း တိုက်ပွဲများ ဖြစ်ပွားနေသည်။ မင်းတပ်မှ မတူပီမြို့သို့ ထွက်ခွာသွားသော စစ်ကောင်စီရိက္ခာပို့ယာဉ်တန်းနှင့် လုံခြုံရေးစစ်ကြောင်းကို မင်းတပ် CDFက မတ်လ ၂၆ရက်မှစတင် တိုက်ခိုက်နေခြင်းဖြစ်သည်။