တော်လှန်ရေးအင်အားစုတွေကိုငွေကြေးထောက်ပံ့တယ်ဆိုတဲ့စွပ်စွဲချက်နဲ့ ထားဝယ်မှာ အသက် ၁၉ နှစ်အရွယ်အမျိုးသမီးငယ်တစ်ဦးကို စစ်ကောင်စီကဖမ်းဆီးပြီး အကြမ်းဖက်ပုဒ်မနဲ့ ထောင်ဒဏ် ၁၀ နှစ်ချလိုက်ပါတယ်။
အသက် ၁၉ နှစ်အရွယ် မဆောင်းနှင်းဖြူ ကို ထားဝယ်တရားရုံးက မတ်လ ၂၈ ရက်က အမိန့်ချ လိုက်တာလို့ ထားဝယ်နိုင်ငံရေးအကျဉ်းသားများကွန်ရက်က ထုတ်ပြန်ပါတယ်။
မဆောင်းနှင်းဖြူ ဟာ ဆယ်တန်းအောင်မြင်ပြီး တက္ကသိုလ်တက်ဖို့ စောင့်ဆိုင်းနေသူ လူငယ်တစ်ဦးလည်းဖြစ်ပါတယ်။
ပြီးခဲ့တဲ့ နှစ် သြဂုတ်လ မှာတော့ နေအိမ်မှာ စစ်ကောင်စီတပ်ဖွဲ့ဝင်တွေရဲ့ဖမ်းဆီးတာကို ခံလိုက်ရပါတယ်။
Public Service Announcement
အဲဒီနောက် တော်လှန်ရေးအင်အားစုတွေကို Kpay ကနေ ပိုက်ဆံလှူတယ်ဆိုတဲ့စွပ်စွဲချက်နဲ့ အကြမ်းဖက်ဥပဒေပုဒ်မ တွေတပ်ကာ တရားစွဲဆိုထောင်ချလိုက်တာပဲဖြစ်ပါတယ်။
