Connect with us

Hi, what are you looking for?

News

စစ်မက်များအောင်မြင်ပြီးမြောက်ပါစေဟု ကရင်နီအမျိုးသားနှစ်သစ်ကူးနေ့သို့ NUG သဝဏ်လွှာပေးပို့ဆုတောင်း

စစ်ကောင်စီတပ်များကို ကရင်နီတပ်မတော် (KA)၊ ကရင်နီအမျိုးသားများကာကွယ်ရေးတပ် (KNDF)၊ ကရင်နီဒေသတွင်း ပြည်သူ့ကာကွယ်ရေးတပ်ဖွဲ့(PDF)များနှင့် အခြားတော်လှန်ရေးအင်အားစုများ ပူးပေါင်းကာ စစ်ကောင်စီတပ်ကို ခုခံတိုက်ခိုက်လျက်ရှိသည်။

(ယနေ့ ကျရောက်သည့် (၂၇၆၁) နှစ်ပြည့် ကရင်နီအမျိုးသားနှစ်သစ်ကူးနေ့ အခမ်းအနားကို ထိုင်း-ကရင်နီနယ်စပ်တစ်နေရာတွင် အကျဥ်းချုပ် ကျင်းပ​နေစဥ် ။ ဓာတ်ပုံ - KnlC)

အမျိုးသားညီညွတ်ရေးအစိုးရ(NUG)က ကရင်နီအမျိုးသားနှစ်သစ်ကူးနေ့သို့ ပေးပို့သည့် သဝဏ်လွှာတွင် စစ်မက်များ အောင်မြင်ပြီးမြောက်ကာ ဘေးလွတ်လုံခြုံမှုများ လျင်မြန်စွာရရှိနိုင်ပါစေဟု ဖော်ပြခဲ့သည်။

ယနေ့ကျရောက်သည့် (၂၇၆၁)ခုနှစ်မြောက် ကရင်နီအမျိုးသားနှစ်သစ်ကူးနေ့တွင် ကရင်နီလူမျိုးများအပါ အဝင် ပြည်ထောင်စုမြန်မာနိုင်ငံသူနိုင်ငံသားအပေါင်း ကိုယ်စိတ်နှစ်ဖြာကျန်းမာလုံခြုံကြပါစေကြောင်း၊ နှစ်သစ်ကူး နေ့သည် နှစ်ဟောင်းကာလ၏ အဆိုးအညံ့များကုန်ဆုံး၍ နှစ်သစ်အတွက် အကောင်းအသစ်များကို ကြိုဆိုကြရသည့်အချိန်ကာလဖြစ်ကြောင်း ဖော်ပြထားသည်။

ယခုအခါ အာဏာသိမ်းစစ်ကောင်စီ၏ လူမဆန်သောလုပ်ရပ်များကြောင့် ကရင်နီပြည်နယ်တစ်ခုလုံး စစ် တလင်းပြင်ကဲ့သို့ဖြစ်နေရပြီး၊ ပြည်နယ်တွင်းရှိ လူဦးရေတစ်သိန်းနီးပါး ပြည်တွင်းနှင့် အိမ်နီးချင်းထိုင်း နိုင်ငံထဲသို့ နေရပ်စွန့်ခွာထွက်ပြေးတိမ်းရှောင်နေကြရကြောင်း NUGက ဆိုသည်။

ထို့အပြင် အာဏာသိမ်းစစ်ကောင်စီတပ်ဖွဲ့ ဝင်များက အပြစ်မဲ့ပြည်သူများအား ဖမ်းဆီးသတ်ဖြတ်ခြင်း၊ ခရစ်ယာန်ဘုရားကျောင်းများအပါအဝင် ဘာသာ ရေးအဆောက်အဦများနှင့် နေအိမ်များအားမီးရှို့ဖျက်ဆီးခြင်းများကို ပြုလုပ်လျှက်ရှိနေသည်ဟုဆိုသည်။

Public Service Announcement

Public Service Announcement

(ယနေ့ ကျရောက်သည့် (၂၇၆၁) နှစ်ပြည့် ကရင်နီအမျိုးသားနှစ်သစ်ကူးနေ့ အခမ်းအနားကို ထိုင်း-ကရင်နီနယ်စပ်တစ်နေရာတွင် အကျဥ်းချုပ် ကျင်းပ​နေစဥ် ။ ဓာတ်ပုံ – KnlC)

အဆိုပါ စစ်ကောင်စီတပ်များကို ကရင်နီတပ်မတော် (KA)၊ ကရင်နီအမျိုးသားများကာကွယ်ရေးတပ် (KNDF)၊ ကရင်နီဒေသတွင်း ပြည်သူ့ကာကွယ်ရေးတပ်ဖွဲ့(PDF)များနှင့် အခြားတော်လှန်ရေးအင်အားစုများ ပူးပေါင်းကာ စစ်ကောင်စီတပ်ကို ခုခံတိုက်ခိုက်လျက်ရှိသည်။

ကရင်နီအမျိုးသားတိုးတက်ရေးပါတီ(KNPP) ဥက္ကဋ္ဌ ခူဦးရယ်ကလည်း ကရင်နီအမျိုးသားနှစ်သစ်ကူးနေ့သို့ သဝဏ်လွှာပေးပို့ခဲ့ရာ အကြမ်းဖက်စစ်ကောင်စီ အာဏာသိမ်းပြီးနောက်ပိုင်း ကရင်နီပြည်တွင်း၌ ဘေးဒုက္ခအမျိုးမျိုး ရင်ဆိုင်ကြုံတွေ့ခဲ့ရကြောင်း၊ ကရင်နီအမျိုးသားများ၏ ကိုယ့်ကံကြမ္မာ ကိုယ် ဖန်တီးခွင့်၊ ကရင်နီပြည်တွင်းမှ အကြမ်းဖက်စစ်တပ်ကို အမြန်ဆုံး မောင်းထုတ်နိုင်ရန် အရေးကြီးသည့် ကာလဖြစ်ကြောင်းစသည့်အချက်များ ထည့်သွင်းဖော်ပြသည်။

ဆက်စပ်သတင်းများ

သတင်း

လူမျိုးပေါင်းစုံ ချစ်ကြည်ရေး၊လွတ်မြောက်ရေးအတွက် တနိုင်ငံလုံးအတိုင်းအတာနဲ့ ဟန်ချက်ညီညီချိတ်ဆက်ဖို့ အမျိုးသားညီညွတ်ရေးအစိုးရ၊ ယာယီသမ္မတ ဒူ၀ါလရှီးလအပါအ၀င် တော်လှန်ရေးခေါင်းဆောင်တွေ ဆွေးနွေးခဲ့တယ်လို့ ကယန်းအမျိုးသားတပ်မတော် (KNA)ရဲ့အတွင်းရေးမှူး ခွန်းရဲခေါင်က ပြောပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သားဖြစ်သူ ကိုထိန်လင်းတို့ ဖုန်းနဲ့ဆက်သွယ်ပြောဆိုခွင့်ရရှိခဲ့တဲ့အပေါ် အမျိုးသားညီညွတ်ရေးအစိုးရ(NUG)က သဘောထား ထုတ်ပြန်ခဲ့ရာ မိသားစုဝင်တွေ၊ မြန်မာပြည်သူတွေနဲ့ထပ်တူ ဝမ်းမြောက်ကြောင်း ဖော်ပြပြီး ဖြစ်စဉ်တခုလုံးကို အလေးအနက်ထား စောင့် ကြည့်လျက်ရှိဟု ထုတ်ပြန်ပါတယ်။

သတင်း

ကရင်နီဒေသက စစ်ဘေးရှောင်ကလေးငယ်တွေရဲ့ ပညာရေးအတွက် ထောက်ပံ့ပေးမယ့် "Keep Their Dreams Alive Thadingyut Charity Concert 2026" ပွဲကို အွန်လိုင်းကနေ ပြုလုပ်သွားမှာဖြစ်ပြီး တော်လှန်အနုပညာရှင် ဂီတအဖွဲ့ သုံးဖွဲ့က ပါဝင်တင်ဆက်သွားမှာပါ။

Facebook