Connect with us

Hi, what are you looking for?

LuduNwayOo

News

လေယာဉ်၊ ရဟတ်ယာဉ်၊ တိုက်ရေယာဉ်နှင့်တကွ ပြည်သူ့ရင်ခွင့်ခိုလှုံပါက ကျပ်သိန်းတစ်​သောင်း(ဒေါ်လာ ၅သိန်း)ဆုငွေချီးမြှင့်မည်ဟု NUG ကြေညာ

အကြမ်းဖက်စစ်ကောင်စီသည် ပြည်သူ့အခွန်ဘဏ္ဍာငွေဖြင့် ဝယ်ယူထားသော ပြည်သူပိုင် ပစ္စည်းများဖြင့် ပြည်သူလူထု၏ အသက်အိုးအိမ်စည်းစိမ်ကို ကာကွယ်မှုမပေးသည့်အပြင် အပြစ်မဲ့ပြည်သူလူထု၏ အသက်အိုးအိမ် စည်းစိမ်များအား ရက်ရက်စက်စက် တိုက်ခိုက်ဖျက်ဆီးလျက်ရှိသည်မှာ လုံးဝခွင့်လွှတ်နိုင်ဖွယ်မရှိသော လုပ်ရပ်ဖြစ်သည်ဟု NUG က ထုတ်ပြန်သည်။

(ပြည်သူများအား ပစ်ခတ်ချေမှုန်းနေသော စစ်ကောင်စီ ၏ ရဟတ်ယာဥ် တစ်စီးကို တွေ့ရစဥ်)

▪️ပြည်သူလူထု၏ အသက်အိုးအိမ်စည်းစိမ်ကို ဖျက်ဆီးနေသည့် ယာဉ်ယန္တယားများကို ဖြုန်းတီးအောင်လုပ်ဆောင်နိုင်ပါက ဒေါ်လာ ၃ သိန်း၊ ၂ သိန်း၊ ၁သိန်း စသည့် ဆုငွေများလည်း ထုတ်ပြန်ထား

လေယာဉ်၊ ရဟတ်ယာဉ်၊ တိုက်ရေယာဉ်နှင့်တကွ ပြည်သူ့ရင်ခွင့်ခိုလှုံလာပါက ဆုငွေအမေရိကန်ဒေါ်လာ ၅သိန်း(ကျပ်သိန်း ၁၀,၀၀၀) ပေးအပ်ချီးမြှင့်မည်ဟု အမျိုးသားညီညွတ်ရေးအစိုးရ(NUG)က ယနေ့ ကြေညာလိုက်သည်။

အကြမ်းဖက်စစ်တပ် အသုံးပြုလျက်ရှိသော လေယာဉ်၊ ရေယာဉ်၊ ရဟတ်ယာဉ်၊ စက်ယာဉ်ယန္တယားတို့နှင့်စပ်လျဉ်း၍ ဆုငွေချီးမြှင့်ခြင်းဆိုင်ရာထုတ်ပြန်ကြေညာ ချက်တွင် အဆိုပါ ယာဉ်ယန္တယားများ အကြီးစားဖျက်ဆီးနိုင်လျှင် ဒေါ်လာ ၃သိန်း(ကျပ်သိန်း ၆၀၀၀)၊ ကြားဖြတ် ဖျက်ဆီး၊ ပစ်ချချေမှုန်းနိုင်လျှင် ဒေါ်လာ ၃ သိန်း စသည်ဖြင့် NUG က ဆုငွေထုတ်ထားသည်။

အကြမ်းဖက်စစ်ကောင်စီသည် ပြည်သူ့အခွန်ဘဏ္ဍာငွေဖြင့် ဝယ်ယူထားသော ပြည်သူပိုင် ပစ္စည်းများဖြင့် ပြည်သူလူထု၏ အသက်အိုးအိမ်စည်းစိမ်ကို ကာကွယ်မှုမပေးသည့်အပြင် အပြစ်မဲ့ပြည်သူလူထု၏ အသက်အိုးအိမ် စည်းစိမ်များအား ရက်ရက်စက်စက် တိုက်ခိုက်ဖျက်ဆီးလျက်ရှိသည်မှာ လုံးဝခွင့်လွှတ်နိုင်ဖွယ်မရှိသော လုပ်ရပ်ဖြစ်သည်ဟု NUG က ထုတ်ပြန်သည်။

ထို့အတွက် ပြည်သူလူထု၏ အသက်အိုးအိမ်စည်းစိမ်ကို အကြမ်းဖက် လေကြောင်းတိုက်ခိုက်မှုများ၊ ရေကြောင်းတိုက်ခိုက်မှုများ၊ မြေပြင်ထိုးစစ်များမှ ကာကွယ်နိုင်ရန်အတွက် ယင်းသို့ ဆုငွေချီးမြှင့်ခြင်းဆိုင်ရာအမိန့်အား ထုတ်ပြန်ကြေညာခြင်းဖြစ်သည်ဟု ဆိုသည်။

ထို့အပြင် တိုက်လေယာဉ်ဆီ သိုလှောင်ကန်များအား ထိရောက်စွာ ဖောက်ထုတ်၊ ဖျက်ဆီးနိုင်ပါက တစ်ကန်လျှင် ဆုငွေ ဒေါ်လာ ၁ သိန်း(ကျပ်သိန်း ၂၀၀၀)၊ အကြမ်းဖက်စစ်တပ်၏ လက်နက် တိုက်၊ လက်နက်စက်ရုံများကို ဖောက်ခွဲဖျက်ဆီးနိုင်ပါက ဆုငွေ ဒေါ်လာ ၁ သိန်း စသဖြင့် NUG က ဆုငွေထုတ်သည်။

အဆိုပါ ဆုချီးမြှင့်ငွေများအား အချက်အလက် ခိုင်လုံစွာ တင်ပြနိုင်သည့် အစုအဖွဲ့လိုက်ဖြစ်စေ၊ တစ်ဦးချင်းဖြစ်စေ ခံစားခွင့်ရှိပြီး ချီးမြှင့်သည့် ဆုကြေးငွေများလက်ခံရယူခြင်းနှင့် ဆောင်ရွက်ချက်များအား The Public Property Protection Act-1947 အရ တရားစွဲဆို၊ အရေးယူ၊ အပြစ်ပေးခံရ ခြင်း မရှိစေရဟု NUG ယာယီသမ္မတ ဒူဝါလရှီးလက ထုတ်ပြန်သည်။

You May Also Like

သတင်း

စစ်ကောင်စီသည် ၎င်းတို့ အာဏာတည်မြဲရေးအတွက် နည်းမျိုးစုံဖြင့် လုပ်ဆောင်မည်ဖြစ်ပြီး ပြည်သူများမည်မျှပင် သေဆုံးစေကာမူ နှိပ်စက် ဖျက်ဆီးမည်ဖြစ်ကြောင်း ရိုက်တာ သတင်းဌာနမှတဆင့် နိုင်ငံတကာသို့ ပြောသည်။

နိုင်ငံတကာ

တောင်ကိုရီးယား လေပိုင်နက် အပြင်ဖက်က လေကြောင်း ကာကွယ်ရေးဇုန် သတ်မှတ်ထားရာ ဧရိယာကို တရုတ်လေယာဉ် ၂ စီးနဲ့ ရုရှား လေယာဉ် ၆ စီးတို့ နိုဝင်ဘာ ၃၀ ရက်က ဝင်ရောက် ပျံသန်းခဲ့တာလို့ သိရပါတယ်။

သတင်း

မသောက်မိသော မိုးခါးရေ ရုပ်ရှင်သည် စီဒီအမ်စစ်ဗိုလ်တစ်ဦးအကြောင်းကို အခြေခံရိုက်ကူးထားခြင်းဖြစ်ပြီး ပြည်ပနိုင်ငံ‌ပေါင်း ၂၀ ကျော်၏ မြို့ ၅၀ ကျော်တွင်ပြသခဲ့ရာ ရုံပြည့်ရုံလျှံ အားပေးမှုရရှိထားသည်။

သတင်း

ပြည်ထောင်စုလွှတ်တော် ကိုယ်စားပြုကော်မတီ (CRPH)၊ အမျိုးသားညီညွတ်ရေးအတိုင်ပင်ခံကောင်စီ (NUCC)၊ အမျိုးသားညီညွတ်ရေးအစိုးရ (NUG) ခေါင်းဆောင်များက နော်ဝေနိုင်ငံရေးပါတီများမှ ပါလီမန်အမတ်များနှင့် တွေ့ဆုံဆွေးနွေးခဲ့ခြင်းဖြစ်သည်။