Connect with us

Hi, what are you looking for?

LuduNwayOo

News

KNU ဥက္ကဌ ကို စစ်ခေါင်းဆောင်က ဘွဲ့တံဆိပ်ပေးအပ်တာဟာ သွေးခွဲဖို့ဖြစ်တယ်လို့ ပဒိုစောတောနီးပြော

လက်ရှိမှာ စစ်ကောင်စီက ကေအဲန်ယူထိန်းချုပ်နယ်မြေတွေထဲမှာ စစ်အင်အားအလုံးအရင်းနဲ့ ထိုးစစ်ဆင်တိုက်ခိုက်တာတွေလုပ်ဆောင်နေတဲ့ကြားကနေ အခုလို ကေအဲန်ယူဥက္ကဌအပေါ် ဘွဲ့တွေပေးအပ်တဲ့လုပ်ရပ်ဟာ အတော်ထူးဆန်းတဲ့ကိစ္စပဲဖြစ်တယ်လို့ ပဒိုစောတောနီးက ဆိုပါသေးတယ်။

ကရင်အမျိုးသားအစည်းအရုံး(KNU) ဥက္ကဌ ဗိုလ်ချုပ်ကြီးစောမူတူးစေးဖိုးကို စစ်ခေါင်းဆောင်က ဘွဲ့တံဆိပ်ပေးအပ်တာဟာ ကေအဲန်ယူကို သွေးခွဲဖို့ဖြစ်ပြီး စည်းလုံးညီညွတ်ပျက်ပြားအောင် နည်းမျိုးစုံနဲ့ လုပ်နေတာဖြစ်တယ်လို့ ကေအဲန်ယူပြောခွင့်ရသူ ပဒိုစောတောနီးက ပြောပါတယ်။

စစ်အာဏာရှင်အဆက်ဆက်က ကေအဲန်ယူ-ကရင်အမျိုးသားအစည်းအရုံးအပေါ် သွေးခွဲစနစ်နဲ့ တလျှောက်လုံးလုပ်ဆောင်တာဖြစ်ပြီး ဒီလို ကေအဲန်ယူ ဥက္ကဌဗိုလ်ချုပ်ကြီးစောမူတူးစေးဖို့အအပေါ် ဘွဲ့တံဆိပ်ပေးအပ်တာဟာ ဘာမှသက်ရောက်မှုမရှိဘူးလို့ ပဒိုစောတောနီးက ဆိုပါတယ်။

“ဒီနေ့ဒီကာလမှာ ကျနော်တို့နေရာဒေသအသီးသီးမှာ ထိုးစစ်ဆင်နေတဲ့ကိစ္စနဲ့ တိုက်ပွဲတွေ နေ့တိုင်းလိုလိုဖြစ်နေတဲ့အခါမျိုးမှာ အဖွဲ့အစည်းရဲ့အမြင့်ဆုံးခေါင်းဆောင်တစ်ယောက်ကို သွားပြီးတော့ ဘွဲ့ပေးတာက ဒါက လားလားမှမအပ်စပ်တဲ့ဟာလေ။ သွေးခွဲရေးစနစ်ဆိုတာက တောက်လျှောက်လုပ်နေတယ်လေ။အခုမှမဟုတ်ဘူး တောက်လျှောက်ပဲလုပ်နေတဲ့အခါ တဖက်ကနေပြီးတော့ အပစ်အခတ်ရပ်စဲရေးလုပ်ချင်တယ်။ လုပ်တယ် လုပ်နေတဲ့အထဲမှာပဲ ထိုးစစ်ကဆင်နေတယ်။ အဲ့ဒါမျိုးပေါ့နော်။ ဒီဟာမျိုး တောက်လျှောက်ပဲလုပ်နေကျတယ်။ ကျနော်တို့အတွက်တော့ သိပ်အထူးအဆန်းတော့မဟုတ်ပါဘူး” လို့ ပဒိုစောတောနီးက ဆိုပါတယ်။

လက်ရှိမှာ စစ်ကောင်စီက ကေအဲန်ယူထိန်းချုပ်နယ်မြေတွေထဲမှာ စစ်အင်အားအလုံးအရင်းနဲ့ ထိုးစစ်ဆင်တိုက်ခိုက်တာတွေလုပ်ဆောင်နေတဲ့ကြားကနေ အခုလို ကေအဲန်ယူဥက္ကဌအပေါ် ဘွဲ့တွေပေးအပ်တဲ့လုပ်ရပ်ဟာ အတော်ထူးဆန်းတဲ့ကိစ္စပဲဖြစ်တယ်လို့ ပဒိုစောတောနီးက ဆိုပါသေးတယ်။

Public Service Announcement

Public Service Announcement

ကေအဲန်ယူဥက္ကဌ ဗိုလ်ချုပ်ကြီးစောမူတူးစေးဖိုးနဲ့ ကေအဲန်ယူကနေ ခွဲထွက်သွားတဲ့ အဖွဲ့အစည်းက ခေါင်းဆောင်တွေအပြင် တခြားတိုင်းရင်းသားလက်နက်ကိုင်အဖွဲ့အစည်းအက ခေါင်းဆောင်တချို့ကိုပါ စစ်ကောင်စီက သင်္ကြန်နှစ်ဆန်းတစ်ရက်နေ့က ၀ဏ္ဏကျော်ထင်ဘွဲ့ကို ပေးအပ်ခဲ့တာဖြစ်ပါတယ်။

ဆက်စပ်သတင်းများ

သတင်း

ကျောက်ညှပ်-ဝါလူ(ခမရ ၄၅၄) ၊ တာဘူကျိုး (ခမရ(၄၃၄)၊ ပန်ဟိုက်-ကဟီးကျိုး(ခမရ ၄၃၄)၊ လယ်တိုး (ခလရ-၁၉)နှင့် နတ်တောင်-မောဖိုးကျိုး(ခမရ - ၄၃၀) စသည့် အခြေချ စခန်း ၅ခု အပြီးအပိုင် ပြန်လည်ရုတ်သိမ်းခဲ့ကြောင်း တပ်မဟာ(၅)က ထုတ်ပြန်သည်။

သတင်း

ထိုင်းနိုင်ငံ ဝန်ကြီးချုပ်ဟောင်း သက်ဆင်က မြန်မာ့အရေး နှင့်ပတ်သက်ပြီး ကြားဝင်ဆောင်ရွက်ရန် ကြိုးစားနေမှု အပေါ် KNU၏ သဘောထားကို မေးမြန်းစဉ် ယခုကဲ့သို့ တုန့်ပြန်ခဲ့ခြင်းဖြစ်သည်။

သတင်း

စစ်ကောင်စီသည် KNUနယ်မြေများအတွင်းရှိ အရပ်သား ပြည်သူများကို လေကြောင်း တိုက်ခိုက်မှု လက်နက်ကြီးပစ်ခတ်မှုများ ဆက်တိုက်ပြုလုပ်လျက်ရှိသည်။

သတင်း

စစ်မြေပြင်၌ ခွဲခြားရန်ခက်ခဲသော်လည်း အရှင်ဖမ်းဆီးရရှိသည့် စစ်သုံ့ပန်းများထဲမှ အဓမ္မ စစ်မှုထမ်းရသူများအရေးကို စိစစ်ဆောင်ရွက် ပေးလို့ရကြောင်း ၎င်းက ပြောသည်။