အာဏာသိမ်းစစ်ကောင်စီက စက်သုံးဆီများကိုလိုသလောက်ရောင်းချပေးမည်ဟု ကြေညာပြီး ယနေ့(စက်တင်ဘာ ၂၀ရက်) ရောင်းချရာတွင် နေခင်းပိုင်း၌ စက်သုံးဆီဆိုင်အချို့တွင် ဆီကုန်၍ပိတ်သွားခြင်း ၊ ဆီအမျိုးအစားအချို့ ကုန်ပြီးဝယ်မရတော့ခြင်း များကြုံတွေ့နေကြောင်း ကိုယ်တိုင်ဝယ်ယူခဲ့သူအချို့ကပြောသည်။
ယနေ့ နေ့လယ်ပိုင်းမှ စတင်ပြီး စက်သုံးဆီဆိုင်အများစုတွင် အောက်တိန်း ၉၂ ပြတ်လပ်သွားပြီး အောက်တိန်း ၉၅ ကိုသာရောင်းချတော့ကြောင်းနှင့် အချို့ဆိုင်များတွင် ဆီကုန်၍ဝယ် မရတော့ကြောင်း စက်သုံးဆီသွားဖြည့်ခဲ့သူတစ်ဦးကပြောသည်။
“၉၂ မရတော့ဘူး။ ၉၅ ဘဲရတော့မယ်ဆိုပြီး ရောင်းတယ်။ တချို့ဆိုင်တွေလဲ ဆီမရှိတော့ဘူးလိုပြောတယ်”ဟု ၎င်းကပြောသည်။
ထိုအပြင် ဆီဈေးတက်သွားပြီး ဆီဝယ်မရမည်စိုး၍ ကားများမနက်အစောပိုင်းကတည်းကတန်းစီ၍ စောင့်ဆိုင်းနေကြရကြောင်း ရန်ကုန်မြို့တွင် ကိုယ်တိုင်ဝယ်ယူခဲ့သူတစ်ဦးကပြောသည်။
Public Service Announcement
စက်သုံးဆီဝယ်ယူခဲ့သူတစ်ဦးကလည်ယ မနက် ၅နာရီကတည်းကလ ဆီဆိုင်များတွင် ဝယ်ယူရန်စောင့်ဆိုင်းခဲ့ကြပြီး နေ့ခင်းပိုင်းတွင်တန်းစီသူနည်းသွားသော်လည်းအချို့ဆိုင်များမှာဆီကုန်နေ၍အရောင်းရပ်သွားသည်လည်း ကြုံတွေ့ရသည်ဟု ဝယ်ယူသူများကပြောသည်။
” ဈေးကတော့ ပုံမှန်ထက်ပိုတက်သွားတယ်”ဟု မြောက်ဒဂုံမြို့နယ်တွင် စက်သုံးဆီဝယ်ယူခဲ့သူတစ်ဦးကပြောသည်။
စစ်ကောင်စီက စက်သုံးဆီဈေးကိုလျှော့ရောင်းရန်ဖိအားပေးခြိမ်းခြောက်ထားသောကြောင့်သင်္ကြန်မတိုင်ခင် ဧပြီ ၈ရက် အောက်တိန်း ၉၂ တစ်လီတာကို ၁၇၃၀ကျပ်၊ အောက်တိန်း ၉၅ တစ်လီတာကို ၁၇၉၅ ကျပ်နှင့် ဒီဇယ်တစ်လီတာကို ၁၉၅၀ကျပ် ရှိခဲ့သည်။ ယနေ့တွင် အောက်တိန်း ၉၂ တစ်လီတာကို ၁၉၄၀ကျပ်၊ အောက်တိန်း ၉၅ တစ်လီတာကို ၁၉၈၅ကျပ်နှင့် ဒီဇယ်တစ်လီတာကို ၂၁၅၉ကျပ်အထိ ဈေးမြင့်တက်လာသည်။
နိုင်ငံတွင်း စက်သုံးဆီပြတ်လပ်တော့မည်ဟု သတင်းများထွက်ပေါ်လာပြီးနောက် စက်သုံးဆီဆိုင်များတွင် ဧပြီ ၁၉ ရက်က တစ်ဦးကို ကျပ် ၂၀၀၀၀ ဖိုးအထိသာ အကန့်အသတ်ဖြင့် ရောင်းချခဲ့သည်။ ထိုကြောင့် ဆီဆိုင်များတွင်ဆီဝယ်ယူရန်အလုအယက်တန်းစီဝယ်ယူသူများ ရန်ကုန်၊ မန္တလေးအပါအဝင် နိုင်ငံတစ်ဝန်းတွင် ဖြစ်ပေါ်ခဲ့သည်။
ထိုကြောင့်ဧပြီ ၁၉ ရက်တွင် နေ့လယ်ပိုင်းတွင် အကြမ်းဖက်စစ်ကောင်စီက ဆီလုပ်ငန်းရှင်များကို ခေါ်ယူကာ ပုံမှန်အတိုင်းရောင်းဝယ်ရန်ခြိမ်းခြောက် ဖိအားပေးခဲ့သည်။ ထိုအပြင်ယမန်နေ့ညပိုင်းတွင်စစ်ကာင်စီက သီလဝါရှိဆီလှောင်ကန်နှင့် ဆီသဘော်အချို့ရောက်နေ၍ဆီအလုံအလောက်ရှိပြီး ပြတ်လပ်မည်ကိုမစိုးရိမ်ကြရန် သတင်းထုတ်ပြန်သည်။သို့သော်ပြည်သူအများစုကစစ်ကောင်စီထုတ်ပြန်ချက်ကိုမယုံကြည့်ဘဲအခြေအနေစောင့်ကြည့်ကာ ဆီကိုကားများတွင်ဆီတိုင်ကီအပြည့်ဝယ်ယူနေကြခြင်းဖြစ်သည်။
လက်ရှိတွင်အကြမ်းဖက်စစ်ကောင်စီက၎င်းတို့လက်အောက်ခံဌာနများအတွင်း စက်သုံးဆီသုံးစွဲမှုလျော့ချကန့်သတ်လိုက်ပြီး ဌာနအလိုက် ခွဲတမ်းဖြင့်သာသုံးဆွဲခွင့်ရတော့သည်ဟု ဝန်ထမ်းများထံမှသိရသည်။
