အမျိုးသားညီညွတ်ရေးအစိုးရ(NUG)၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနမှ သက်ဆိုင်ရာ CDMဝန်ထမ်းများဖြင့် ဖွဲ့စည်းထားသော အုပ်ချုပ်မှုကော်မတီများကို ဦးစီးဌာနများအဖြစ် ပြောင်းလဲဖွဲ့စည်းလိုက်သည်။
အဆိုပါဦးစီးဌာနများမှာ ပြည်သူ့အုပ်ချုပ်ရေးဦးစီးဌာန၊ မီးသတ်ဦးစီးဌာနနှင့် လူဝင်မှုကြီး ကြပ်ရေးဦးစီးဌာနတို့ဖြစ်ပြီး ကနဦးတွင် သက်ဆိုင်ရာ CDM ဝန်ထမ်းများပါဝင်သော အုပ်ချုပ်ရေးကော်မတီများကို ဦးစီးဌာနများအဖြစ် ပြောင်းလဲဖွဲ့စည်းခဲ့ခြင်း ဖြစ်သည်။
ဦးစီးဌာနများ ပြောင်းလဲဖွဲ့စည်းခြင်းကို ဧပြီ ၂၄ ရက်တွင် အသီးသီးထုတ်ပြန်ခဲ့ပြီး ထိုသို့ဖွဲ့စည်းရခြင်းမှာ စိုးမိုးနယ်မြေများ၌ စစ်ကောင်စီ၏ ဌာနလုပ်ငန်းများတွင် အစားထိုးတာဝန်ထမ်းဆောင်နိုင်စေရန် ရည်ရွယ်ဖွဲ့စည်းခြင်းဖြစ် ကြောင်း ဖော်ပြသည်။
CDM ဝန်ထမ်းများဖြင့် ကော်မတီများဖွဲ့စည်းခဲ့ရာတွင် အထွေထွေအုပ်ချုပ်ရေးဦးစီးဌာန CDM ဝန်ထမ်းများအုပ်ချုပ်မှုကော်မတီကို ၂၀၂၁ အောက်တိုဘာ ၁၄ရက်တွင် လည်းကောင်း၊ မြန်မာနိုင်ငံလုံးဆိုင်ရာ CDM မီးသတ်ဝန်ထမ်းများ ကိုယ်စားပြုကော်မတီကို ၂၀၂၁ အောက်တိုဘာ ၁၃ တွင် လည်းကောင်း၊ လူဝင်မှုကြီးကြပ်ရေးဦးစီးဌာန CDM ဝန်ထမ်းများ ကိုယ်စားပြုကော်မတီကို ၂၀၂၁ အောက်တိုဘာ ၃၀တွင်လည်းကောင်း အသီးသီးဖွဲ့စည်းခဲ့သည်။
Public Service Announcement
NUG ၏ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနမှ ဦးစီးဌာနများတိုးချဲ့ဖွဲ့စည်းလျက်ရှိရာ အထူးစုံစမ်းထောက်လှမ်းရေးဦးစီးဌာနကို ယနေ့(ဧပြီ ၂၆)တွင် ထပ်မံဖွဲ့စည်းလိုက်သည်။
