'/%3E%3C/svg%3E){kind=small}
ကေအဲန်ယူ-ဘီးလင်းမြို့နယ် တပ်မဟာ ၁ နယ်မြေ လေးကေကျေးရွာထဲကို ဒီကနေ့ မနက် ၁၁ နာရီအချိန်ခန့်ကစပြီး ညနေပိုင်းအထိ စစ်ကောင်စီက လေကြောင်းတိုက်ခိုက်မှုတွေပြုလုပ်ခဲ့လို့ ဒေသခံအရပ်သားတွေ ထိခိုက်မှုရှိပြီး နေအိမ်တွေလည်း မီးလောင်ပျက်စီးသွားခဲ့တယ်လို့ ဒေသခံတွေဆီကနေ သိရပါတယ်။
မေ ၁ ရက်နေ့ မနက် ၁၁ နာရီအချိန်ခန့်ကစတင်ပြီး ညနေပိုင်းအထိ စစ်ကောင်စီက ရဟတ်ယာဉ် တိုက်လေယာဉ်တွေနဲ့အသုံးပြုပြီး လေးကေကျေးရွာထဲကို ဗုံးကြဲတိုက်ခိုက်မှုတွေပြုလုပ်ခဲ့ကာ ကျေးရွာအတွင်းက နေအိမ်သုံးလုံးနဲ့ ဘုန်းကြီးကျောင်းတွေ ပျက်စီးသွားခဲ့တယ်လို့ ဒေသခံတစ်ဦးထံကနေ သိရပါတယ်။
ဒီလို ဗုံးကြဲတိုက်ခိုက်မှုကြောင့် အရပ်သားသုံးဦး ထိခိုက်မှုရှိတယ်လို့လည်း ဒေသခံတွေဆီကနေ သိရပါသေးတယ်။
လေးကေကျေးရွာမှာ စခန်းချနေထိုင်တဲ့ စစ်ကောင်စီတပ်နဲ့ KNLA တပ်မဟာ ၁ ပူးပေါင်းတပ်တို့အကြား ထိတွေ့တိုက်ပွဲတွေဖြစ်ပွားနေချိန်မှာ စစ်ကောင်စီဘက်က အခုလို လေကြောင်းပစ်ကူအသုံးပြုပြီး တပ်မဟာ ၁ ကို ပထမဦးဆုံးအကြိမ်အဖြစ် လေကြောင်းတိုက်ခိုက်မှုတွေ လုပ်ဆောင်ခဲ့တာပါ။
Public Service Announcement
ဘီးလင်းမြို့နယ် လေးကေနဲ့ ဝင်းတာပန်ကျေးရွာမှာ တပ်စွဲနေထိုင်ထားတဲ့ စစ်ကောင်စီတပ်တွေအနေနဲ့ ပြန်လည်ဆုတ်ခွားပေးဖို့ တပ်မဟာ ၁ က အသိပေးပြီးတဲ့နောက်ပိုင်း စစ်ရေးတင်းမာမှုတွေပိုမိုဖြစ်ပွားလာခဲ့ကာ တိုက်ပွဲတွေကြောင့် ဒေသခံအရပ်သားပြည်သူ ထောင်ချီ ထွက်ပြေးတိမ်းရှောင်နေခဲ့ရတယ်လို့ သိရပါတယ်။
လတ်တလောမှာ လေးကေနဲ့ ဝင်းတာပန်ဘက်ကို စစ်ကောင်စီနဲ့ နယ်ခြားစောင့်တပ်တွေက စစ်ရေးအင်အားတိုးချဲ့မှုတွေ လုပ်ဆောင်နေပြီး ဒီလိုစစ်ရေးလှုပ်ရှားမှုတွေ ဆောင်ရွက်ရာမှာ အရပ်သားပြည်သူ ၁၀၀ ကျော်ကို လူသားဒိုင်းကာနဲ့ ပေါ်တာအဖြစ် အဓမ္မဖမ်းဆီးပြီး ခေါ်ယူအသုံးပြုနေတာဖြစ်ပါတယ်။
