စစ်ကောင်စီတပ်နှင့် ပျူစောထီး ၃၀ခန့်သေပြီး YRF ရဲဘော်နှစ်ဦးကျဆုံးဟု ထုတ်ပြန်
မကွေးတိုင်း ပေါက်မြို့နယ် ချက်ကန်ကျေးရွာသို့ စစ်ကြောင်းထိုးလာသည့် စစ်ကောင်စီတပ်နှင့် ပျူစောထီးများကို ဒေသတွင်းတော်လှန်ရေးတပ် Young Revolution Front (Y.R.F) က တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်မှုများခဲ့ပြီး YRF မှလည်း ရဲဘော်နှစ်ဦး ကျဆုံးခဲ့သည်။
မေလ ၄ရက် နေ့လယ်ပိုင်းက အင်အား ၇၀ခန့်ပါ စစ်ကောင်စီတပ်နှင့် ပျူစောထီး ပူးပေါင်း စစ်ကြောင်းသည် ဒီးဒုတ်ကွင်းရွာမှ ချက်ကန်ကျေးရွာသို့ စစ်ကြောင်းထိုးလာရာ ထိတွေ့တိုက်ပွဲများ ဖြစ်ခဲ့သည်ဟု YRFက ထုတ်ပြန်သည်။
အကြမ်းဖက်စစ်ကောင်စီ စစ်ကြောင်းသည် YRF ရဲဘော်များမှ အသင့်စောင့်ကြို ထောင်ထားသော မိုင်းများကို အကြိမ်ကြိမ်တိုက်မိကာ အထိအခိုက်၊ အကျအဆုံးများစွာဖြင့် ညနေ ၄နာရီခန့်အချိန်တွင် ပြန်လည်နောက်ဆုတ်သွားခဲ့ကြောင်း၊ ထို့နောက် စစ်ကောင်စီတပ်က လူအင်အား ထပ်မံဖြည့်တင်းပြီး ထပ်မံထိုးစစ်ဆင်လာရာ ကျည်မလုံလောက်ခြင်း ၊လက်နက်အင်အား မမျှခြင်းတို့ကြောင့် နောက်ဆုတ်ပေးခဲ့ကြောင်း YRFက ထုတ်ပြန်သည်။
Public Service Announcement
စစ်ကောင်စီတပ်သည် ချက်ကန်ရွာကိုမီးရှို့ဖျက်ဆီးခဲ့သည်ဟုလည်း YRFက အသိပေးထားသည်။
