မကွေးတိုင်း၊ မြိုင်မြို့နယ် လက်ယက်မစံပြကျေးရွာအား စစ်ကြောင်းထိုး မီးရှို့ဖျက်ဆီးပြီးနောက် တပ်ပြန်ဆုတ်လာသော စစ်ကောင်စီတပ်ကို မဟာမိတ်တပ်ပေါင်းစုမှ တိုက်ခိုက်ခဲ့ရာ အကြမ်းဖက်စစ်သား ခုနှစ်ဦးသေဆုံးကြောင်း Earthquake People`s Defense Force က ယနေ့ ထုတ်ပြန်သည်။
ယမန်နေ့ ညနေ ၄ နာရီခန့်တွင် ကျေးရွာမီးရှို့ ပြီးပြန်ဆုတ်လာသော စစ်ကောင်စီတပ်ကို ကြည့်ကန်ကျေးရွာမြောက်ဘက် တောတိုက်အရောက်တွင် တပ်ပေါင်းစုများမှ လက်နက်ကြီးလက်၊ နက်ငယ်များဖြင့် ဆက်တိုက်ပစ်ခတ်ခဲ့သည်ဟု ဆိုသည်။
“တိုင်ပွဲက နာရီဝက် နီးပါးလောက်ကြာတယ်။ကျွန်တော်တို့ ဒီနေရာမှာ ရန်သူစစ်တပ်ကို ပြောလိုတာက ကျွန်တော်တို့ နဲ့ထိပ်တိုက်ရင်ဆိုင်ပစ်ဖို့ပါပဲ။ပြည်သူတွေ နေအိမ်ကို မီးရှို့တာတွေ ပြည်သူတွေကို သတ်ဖြတ်တာတွေ မလုပ်ဖို့၊မယုတ်မာဖို့လိုတယ်”ဟု မြိုင် PDF မှ ဗိုလ် Cross က People’s Springသို့ ပြောသည်။
စစ်ကောင်စီစစ်ကြောင်းနှင့် တိုက်ပွဲတွင် ကျေးလက်ဒေသပြောက်ကျားတပ်ဖွဲ့ (မြိုင်)၊နဂါးနီတပ်ဖွဲ့၊ မြိုင်မြို့နယ်ပြည်သူ့ကာကွယ်ရေးတပ်မတော်၊ Myaing Village Revolution Front (MVRF)၊ ဂဠုန်ပြောက်ကျားတပ်ဖွဲ့ (မြိုင်)၊ ပခုက္ကူမြို့ပြပြောက်ကျား တပ်ဖွဲ့ (PUGF)၊ ကိုခိုင်လေးလက်နက်ကြီးတပ်ဖွဲ့၊ တမာမြေပြောက်ကျားတပ်ဖွဲ့၊ PKU North PDF၊ YSO North PDF နှင့် YSO Southern PDFတို့ပါဝင်ကြောင်း ထုတ်ပြန်ချက်၌ ဖော်ပြသည်။
Public Service Announcement
တိုက်ပွဲတွင် ပြည်သူ့ရဲဘော်များအားလုံး ဘေးကင်းစွာဆုတ်ခွာနိုင်ခဲ့သော်လည်း တိုက်ခိုက်ခံခဲ့ရသည့် စစ်တပ်သည် ပိတောက်ကန် ကျေးရွာမှ ပြည်သူငါးဦးကို သတ်ဖြတ်ပြီး နေအိမ် ၁၇လုံးကို ယမန်နေ့ ညပိုင်းက မီးရှို့ခဲ့ ကြောင်းလည်း သိရသည်။
ထို့နောက် ထန်းတောမရွာတွင် ညအိိပ်တပ်စွဲကာ ယနေ့ နံနက်တွင် ထန်းတောမ ရွာအရှေ့ဘက်သို့ စစ်ကြောင်းစတင်ထွက်နေသည်ဟု ဒေသခံများက ပြောသည်။
လက်ရှိမြိုင်မြို့နယ်တွင် အကြမ်းဖက်စစ်ကောင် စီတပ်က အင်အား ၂၀၀ ကျော်ဖြင့် စစ်ကြောင်းနှစ်ခု ထိုးနေပြီး ကျေးရွာငါးရွာထက်မနည်း မီးရှို့ခံထားရကာ အိမ်ခြေ ရာနှင့်ချီမီးလောင်ပြာကျနေသည်။
ထို စစ်ကြောင်းကို မေလ ၂ ရက်ကစ၍ ၅ ရက်အထိ ပြောက်ကျားတိုက်ခိုက်မှုနှင့်အတူ မေလ ၁၂ရက်က မိုင်းအလုံး ၁၀၀ခန့်ဖြင့် တိုက်ခိုက်ခဲ့ရာ စစ်ကောင်စီတပ်သား ၃၀ ထက်မနည်း သေဆုံးကြောင်း ဒေသခံပြည်သူ့တပ်ဖွဲ့များက အသိပေးထားသည်။
