Connect with us

Hi, what are you looking for?

LuduNwayOo

News

ကြောက်ရွံ့မုန်းတီးမှုများပပျောက်ရန် LGBTIQ များနှင့် ဆက်လက်တိုက်ပွဲဝင်မည်ဟု NUG ထုတ်ပြန်

မြန်မာနိုင်ငံတွင် အာဏာသိမ်းပြီးနောက်ပိုင်း နိုင်ငံတဝန်း ဆန့်ကျင်ဆန္ဒပြခဲ့ကြသော LGBTIQ အနည်းဆုံး ၁၇ ဦး သေဆုံးခဲ့ရပြီး ၂ ဦးသည် ပြင်းထန်စွာဒဏ်ရာရရှိကာ ၈၅ ဦးထက်မနည်း မတရားဖမ်းဆီးထိန်းသိမ်းခံရကြောင်း NUG က ထုတ်ပြန်သည်။

ဓာတ်ပုံ - ဂျာမနီ၊ ဗြိတိန်၊ ပြင်သစ် သံရုံးများ

▪️LGBTIQများနှင့်အတူ ရပ်တည်ထောက်ခံကြောင်း သံရုံးများပြသ

လိင်စိတ်တိမ်းညွတ်မှုများအပေါ် အခြေပြုသည့် ကြောက်ရွံ့မုန်းတီးမှုများပပျောက်စေရန် LGBTIQ များနှင့်အတူ ဆက်လက်တိုက်ပွဲဝင်သွားမည်ဟု NUG လူ့အခွင့်အရေးဆိုင်ရာဝန်ကြီးဌာနက ကတိပြုထုတ်ပြန် သည်။

ယနေ့ကျရောက်သော လိင်စိတ်တိမ်းညွှတ်မှုများပေါ် အခြေပြုသည့်ကြောက်ရွံ့မုန်းတီးမှုများ ဆန့်ကျင်ရေးအပြည်ပြည်ဆိုင်ရာနေ့တွင် မြန်မာနိုင်ငံ၏ အာဏာရှင်အသီးသီးက ကျူးလွန်ခဲ့ သော လူ့အခွင့်အရေးချိုးဖောက်မှုများကိုခံစားရသည့် LGBTIQ များအပေါ် စာနာနားလည်ကြောင်း အထက်ပါဝန်ကြီးဌာနက ဆိုသည်။

ထို့အပြင် လွတ်လပ်ခြင်း၊ လုံခြုံခြင်း၊ တရားမျှတခြင်း၊ တန်းတူညီမျှခြင်းတို့အတွက် ခေတ်အဆက်ဆက်က အသက်ပေး တိုက်ပွဲဝင်ခဲ့ကြသော၊ တိုက်ပွဲဝင်နေကြသော LGBTIQ များကို ဦးညွတ် အလေးပြုကြောင်းလည်း NUGက ထုတ်ပြန်သည်။

Public Service Announcement

Public Service Announcement

ဓာတ်ပုံ – ဂျာမနီ၊ ဗြိတိန်၊ ပြင်သစ် သံရုံးများ

မြန်မာနိုင်ငံတွင် အာဏာသိမ်းပြီးနောက်ပိုင်း နိုင်ငံတဝန်း ဆန့်ကျင်ဆန္ဒပြခဲ့ကြသော LGBTIQ အနည်းဆုံး ၁၇ ဦး သေဆုံးခဲ့ရပြီး ၂ ဦးသည် ပြင်းထန်စွာဒဏ်ရာရရှိကာ ၈၅ ဦးထက်မနည်း မတရားဖမ်းဆီးထိန်းသိမ်းခံရကြောင်း NUG က ထုတ်ပြန်သည်။

အကြမ်းဖက်စစ်ကောင်စီက ဖမ်း၀ရမ်းထုတ်ထားသည့် စာရင်းတွင်လည်း LGBTIQ ၅၀ ကျော်ပါဝင်ပြီး ၎င်းတို့သည် တိမ်းရှောင်နေရသည်ဟု ဆိုသည်။

ဓာတ်ပုံ – ဂျာမနီ၊ ဗြိတိန်၊ ပြင်သစ် သံရုံးများ

မတရားဖမ်းဆီးခံရ​သော LGBTIQ များကို စစ်ကြောရေး၌ ရိုက်နှက်နှိပ်စက်ခြင်း၊ လျှပ်စစ်ရှော့တိုက်ခြင်း၊ မျက်နှာနှင့် ခန္ဓာကိုယ်များကို မီးပူဖြင့်ကပ်ခြင်း၊ လိင်အင်္ဂါများကို ဆေးလိပ်မီးဖြင့်တို့ခြင်း၊ မဖွယ်မရာလုပ်ဆောင်ခြင်း၊ ယုတ်မာညစ်ညမ်းသောစကားများဖြင့် ပြောဆိုလှောင်ပြောင်ခြင်းတို့ကို အကြမ်းဖက်စစ်ကောင်စီက ရည်ရွယ်ချက်ရှိစွာ ပြုလုပ်ခဲ့ကြောင်းမှတ်တမ်းများရရှိထားသည်ဟု NUG က ထုတ်ပြန်သည်။

ယနေ့ကျရောက်သော လိင်စိတ်တိမ်းညွှတ်မှုများပေါ် အခြေပြုသည့်ကြောက်ရွံ့မုန်းတီးမှုများ ဆန့်ကျင်ရေးအပြည်ပြည်ဆိုင်ရာနေ့အတွက် ရန်ကုန်အခြေစိုက် နိုင်ငံတကာသံရုံးများကလည်း LGBTIQ များ၏ အခွင့်အရေးများကို လေးစားလိုက်နာရန်နှင့် မြှင့်တင်ရန် တိုက်တွန်းထုတ်ပြန် ထားသည်။

ဆက်စပ်သတင်းများ

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

ယခု ဇွန်လဆန်းပိုင်းမှ စတင်၍ စစ်ကောင်စီသည် ပြည်သူလူထု အများဆုံးအသုံးပြုသည့် ဖေ့ဘုတ်နှင့် မက်ဆန်ဂျာ အသုံးပြုမှုခက်ခဲစေရန် VPN ပိတ်ဆို့မှုကို တိုးမြှင့်လုပ်ဆောင်နေ​ကြောင်း သိရသည်။