'/%3E%3C/svg%3E){kind=small}
အရာတော်မြို့နယ်ရှိ ကျေးရွာသုံးရွာကို ယခုရက်ပိုင်းများတွင် စစ်ကောင်စီတပ်က မီးရှို့ဖျက်ဆီးခဲ့သည့်အပြင် ဒေသခံပြည်သူ ၁၂ဦးခန့်ကိုလည်း သတ်ဖြတ်သွားကြောင်း ဒေသခံများက ပြောသည်။
နေအိမ်များ မီးရှို့ဖျက်ဆီးခံရသည့် ကျေးရွာများမှာ သစ်ချို၊ ရွှေတွင်းကုန်းနှင့် ဟသ်ာကျေးရွာများဖြစ်ပြီး နေအိမ် ၁၃၈လုံး မီးလောင်ဆုံးရှုံးခဲ့ကြောင်း ဒေသခံများက ပြောသည်။
စစ်ကောင်စီတပ်၏ အကြမ်းဖက်သတ်ဖြတ်ခံရသူ ၁၂ဦးတွင် ဟသ်ာရွာမှ ၁၁ ဦး၊ သစ်ချိုရွာမှ တစ်ဦးဖြစ်ပြီး သစ်ချိုရွာမှ သတ်ဖြတ်ခံရသူမှာ ဦးခေါင်းကိုသေနတ်ဖြင့် ပစ်ခံထားရသည့်အပြင် ရုပ်အလောင်း၌ ထမီဇောက်ထိုးဝတ်ပေးခဲ့ကြောင်း သိရသည်။
“ရွာလေးကို စစ်တပ်ဝင်ရောက်ပြီး မီးရှို့ခံခဲ့ရတဲ့အတွက် အိမ် ၂၈ လုံး မီးလောင်ပြာကျခဲ့ရပြီး ရွာသူ၊ ရွာသား ၁၁ဦး မီးလောင်တိုက် အသွင်းခံခဲ့ရပါတယ်”ဟု ဟသ်ာရွာမှ ဒေသခံတစ်ဦးက ပြောသည်။
Public Service Announcement
အရာတော်မြို့နယ်မှ ကျေးရွာသုံးရွာအား မီးရှို့ဖျက်ဆီးခြင်းကို မေလ ၂၉ရက်နှင့် ၃၀ရက်တို့တွင် အကြမ်းဖက်စစ်ကောင်စီတပ်က ကျူးလွန်ခဲ့ခြင်း ဖြစ်သည်။
လက်ရှိတွင် သစ်ချို၊ ရွှေတွင်းကုန်းနှင့် ဟသ်ာရွာအပါအဝင် အနီးဝန်းကျင်ကျေးရွာများမှ ဒေသခံပြည်သူများမှာ အထက်ပါအဖြစ်အပျက်များကြောင့် အထိတ်တလန့်ဖြစ်ကြရပြီး အကူအညီများလည်း လိုအပ်နေကြောင်း သိရသည်။
