'/%3E%3C/svg%3E){kind=small}
ကန့်ဘလူမြို့နယ် ကိုးတောင်ဘို့ တိုက်နယ်တွင် ရက်ပိုင်းအတွင်း ကျေးရွာငါးရွာမှ နေအိမ် ၁,၀၀၀ခန့်ကို မီးရှို့ဖျက်ဆီးခဲ့သည်။
” စစ်ကောင်စီတွေ ရက်စက်သလို ကျွန်တော်တို့ ရက်စက်တတ်တယ်။ သူတို့မိသားစုတွေ ဘယ်မှာနေလဲဆိုတာ ကျွန်တော်တို့သိတယ်။ လက်နက်ကိုင်းချင်း ချချင်လို့၊ မရက်စက်ချင်လို့ နေနေတာ။ အရပ်သားတွေကို လိုက်မဲနေရင်တော့ ကျတော်တို့လည်း ရက်စက်တတ်တာ သိရစေမယ်” ဟု ကိုးတောင်ဘို့ပြည်သူ့ကာကွယ်ရေးတပ်ဖွဲ့မှ ရဲဘော်တစ်ဦးက ပြောသည်။
ကန့်ဘလူမြို့နယ်ရှိ ကိုးတောင်ဘို့၊ ကုန်းမ၊ လျော်ဖြူကုန်း၊ နှောကုန်းနှင့် ကျွန်းကုန်းကျေးရွာမှ နေအိမ်များကို ဇွန်လ ၂ရက်ကစ၍ မီးရှို့ဖျက်ဆီးနေသည့် စစ်ကောင်စီတပ်သည် ဇွန် လ ၈ရက် တွင် ဇော်ချောင်းရွာသို့ရောက်ရှိလာပြီး တစ်အိမ်ချင်းကို ဓာတ်ဆီလောင်း၍ မီးရှို့သွားသည်ဟု ဒေသခံများက ပြောသည်။
“ကိုးတောင်ဘို့ တိုက်နယ်တစ်နယ်လုံးကို မီးရှို့နေတာ။ သူတို့ရည်ရွယ်ချက်က အရပ်သားဘဝတွေကိုပါ အပြီး ဖျက်ဆီးချင်နေကြတာ။ လျှော်ဖြူကုန်းရွာဆိုရင် တစ်ရာလုံးမှာ ဘုန်းကြီး ကျောင်းပဲ ကျန်တယ်”ဟု ဒေသခံတစ်ဦးက ပြောသည်။
Public Service Announcement
ဇွန်လ ၆ရက်က မီးရှို့ဖျက်ဆီးမှုတွင် ပြည်ခိုင်ဖြိုးပါတီအမာခံနေအိမ်များနှင့် မုံရွာမြို့တွင် တာဝန်ကျနေသော ဒုရဲအုပ်တစ်ဦး၏ မိဘအိမ်လည်းပါဝင်သွားကြောင်း ကိုးတောင်ဘို့ပြည်သူ့ကာကွယ် ရေးအဖွဲ့က သတင်းထုတ်ပြန်ထားသည်။
ဇော်ချောင်းရွာကို မီးမရှို့မီ လက်နက်ကြီးဖြင့် ပစ်ခတ်ခဲ့ရာ အရပ်သားတစ်ဦး ထိမှန်ခဲ့ပြီး ပေါင်တစ်ဖက် ပြတ်သွားသည်ဟု ဒေသခံများကပြောသည်။
“စစ်ကောင်စီယုတ်မာနေတာ ကမ်းကုန်နေပြီ။ သူတို့အင်အားလည်း မရှိတော့ဘူး။ အခု မီးလိုက်ရှို့နေတာ အခြားရွာက ပျုစောထီးတွေ ခေါ်လာတာတွေ့တယ်”ဟု ကိုးတောင်ဘို့ပြည်သူ့ကာကွယ်ရေးတပ်ဖွဲ့မှ ရဲဘော်တစ်ဦးက ပြောသည်။
