Connect with us

Hi, what are you looking for?

သတင်း

ဓနု​ဒေသတွင် ပြည်သူ့စစ်ဖွဲ့ရန်ကြိုးပမ်း​နေ​သောပြည်ခိုင်ဖြိုးအမတ်​​လောင်းကို PDF က​သေနတ်ဖြင့်ပစ်ခတ်ရှင်းလင်း

“ဦးကျော်ငြိမ်းက ဓနုဒေသမှာပြည်သူ့စစ်အဖွဲ့ဖွဲ့ဖို့ ရွာတွေမှာလိုက်ပြီးငွေအကုန်အကျခံစည်းရုံးနေတဲ့သူ။ သူ့အိမ်မှာ ဝင်ပစ်သွားတာ။ ကျန်တဲ့သူတွေကို ဘာမှ မလုပ်ဘဲ ဦးကျော်ငြိမ်းကိုပဲ ပစ်သွားတာ”ဟု ဦးကျော်ငြိမ်း၏လူရင်းမိတ်ဆွေတစ်ဦးကပြောသည်။

ဦးကျော်ငြိမ်း
ဦးကျော်ငြိမ်း

ဓနုဒေသတွင် စစ်ကောင်စီလက်အောက်ခံပြည်သူ့စစ်ဖွဲ့စည်းရန်ငွေကြေးအကုန်အကျခံလူစုစည်းနေသည့် ပင်းတယမြို့ ပြည်​ထောင်စုကြံ့ခိုင်ရေးနှင့်ဖွံ့ဖြိုး​ရေးပါတီလွှတ်တော်ကိုယ်စားလှယ်လောင်းနှင့် ဒေသစီမံအုပ်ချုပ်ရေးကောင်စီအဖွဲ့ဝင်ဖြစ်သူကို ရှမ်းတောင်အခြေစိုက်ပြည်သူ့ကာကွယ်ရေးအဖွဲ့က ​သေနတ်ဖြင့်ပစ်ခတ်သုတ်သင်ရှင်းလင်းလိုက်​သည်။

ပင်းတယမြို့ ကြံ့ခိုင်ရေးပါတီဒုတိယဥက္ကဌဖြစ်ပြီး ၂၀၂၀ ရွေးကောက်ပွဲ တွင်ဝင်​ရောက်ယှဥ်ပြိုင်ရှုံးနိမ့်ခဲ့​သောအမတ်လောင်းဖြစ်သောဦးကျော်ငြိမ်းကို ယနေ့(ဇွန် ၁၈ရက်)တွင် ၎င်း၏နေအိမ်၌ သေနတ်ဖြင့် ပစ်ခတ်သုတ်သင်လိုက်ခြင်းဖြစ်ကြောင်း ရှမ်းပြည်နယ်တောင်ပိုင်းအခြေစိုက် ပြည်သူ့ကာကွယ်ရေးအဖွဲ့တစ်ဖွဲ့ကပြောသည်။

“ဦးကျော်ငြိမ်းက ဓနုဒေသမှာပြည်သူ့စစ်အဖွဲ့ဖွဲ့ဖို့ ရွာတွေမှာလိုက်ပြီးငွေအကုန်အကျခံစည်းရုံးနေတဲ့သူ။ သူ့အိမ်မှာ ဝင်ပစ်သွားတာ။ ကျန်တဲ့သူတွေကို ဘာမှ မလုပ်ဘဲ ဦးကျော်ငြိမ်းကိုပဲ ပစ်သွားတာ”ဟု ဦးကျော်ငြိမ်း၏လူရင်းမိတ်ဆွေတစ်ဦးကပြောသည်။

ဦးကျော်ငြိမ်း အသတ်ခံရသည့်သတင်းကိုဓနုဒေသအခြေစိုက် ပြည်သူ့ကာကွယ်ရေးအဖွဲ့အချို့ထံ ဆက်သွယ်မေးမြန်းရာ ၄င်းတို့မသိရှိသေးဟု​ပြောသည်။ တောင်ကြီးနှင့်ကလောမြို့အခြေစိုက်ပြည်သူ့ကာကွယ်ရေးတပ်ဖွဲ့မဟာမိတ်အဖွဲ့များက ပူးပေါင်းလုပ်ဆောင်ခဲ့ခြင်းဟု သတင်းများထွက်ပေါ်နေသည်။

Public Service Announcement

Public Service Announcement

ဦးကျော်ငြိမ်းသည် ၂၀၂၀ ရွေးကောက်ပွဲတွင် ပင်းတယမြို့နယ် အမှတ်(၂)ပြည်နယ်လွှတ်တော်နေရာ၌ ကြံ့ခိုင်ရေးပါတီကိုယ်စားပြု ဝင်ပြိုင်ခဲ့ပြီး ရှုံးနိမ့်ခဲ့သူဖြစ်သည်။သို့သော် စစ်တပ်အာဏာသိမ်းပြီးနောက် စစ်ကောင်စီကဖွဲ့စည်းသည့် ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးကောင်စီအဖွဲ့တွင် တာဝန်ထမ်းဆောင်ခဲ့ပြီး ယခုအခါ ပြည်သူ့စစ်နှင့်ပျုစောထီးများဖွဲ့စည်းရေးကို အင်တိုက်အားတိုက်လုပ်နေ၍လူမုန်းများခြင်းခံနေရသူဖြစ်သည်။

“ဦးကျော်ငြိမ်းကပြည်နယ်(၂)မှာဝင်ပြိုင်ပြီး ရှုံးတာတောင် စစ်ကောင်စီအောက်မှာ ဝင်အလုပ်လုပ်နေသေးတယ်။ ပြည်နယ်(၁)မှာက ဦးအာကာလင်းဝင်ပြိုင်တာ။ ဦးအာကာလင်းလည်းဒေသခံတွေရဲ့ မျက်နှာကို မကြည့်ဘဲစစ်ကောင်စီဘောကိုပဲမနေတာတွေ့နေရတယ်။မြင်နေရတယ်။ ” ဓနုတိုင်းရင်းသားတစ်ဦးကပြောသည်။

ဦးအာကာလင်းသည်လက်ရှိတွင်လည်း ဓနုကိုယ်ပိုင်အုပ်ချုပ်ခွင့်ရဒေသဦးစီးဥက္ကဌ တာဝန်ယူထားပြီး စစ်ကောင်စီ၏ လုံခြုံရေးအစောင့်အလျှောက်ဖြင့် နေထိုင်နေသူဖြစ်သည်။

ဓနုကိုယ်ပိုင်အုပ်ချုပ်ခွင့်ရဒေသခံများသည် စစ်ကောင်စီအုပ်ချုပ်မှုကို ပြင်းပြင်းထန်ထန်ဆန့်ကျင်နေကြသည်။ ဇွန်လ ၁၅ရက်ကလည်း ရွာငံမြို့မှ စစ်ကောင်စီဒေါက်တိုင် ဒလန်တစ်ဦးကို ပြည်သူ့ကာကွယ်ရေးအဖွဲ့ တစ်ဖွဲ့က သုတ်သင်ရှင်းလင်းခဲ့သေးသည်။

ဆက်စပ်သတင်းများ

သတင်း

ကချင်ပြည်နယ်၊ ခေါင်လန်ဖူးမြို့နယ်မှာ စစ်တပ်က ပြည်သူ့စစ်တွေနဲ့ အင်အားဖြည့်တင်းတာ၊ ဒေသခံလူငယ်တွေကို လူသစ်စုဆောင်း ပေါ်တာဆွဲဖမ်းဆီးတာတွေ လုပ်ဆောင်နေကြောင်း ဒေသခံ သတင်းရင်းမြစ်နဲ့ ကချင်စစ်ရေးသတင်းရင်းမြစ်တို့က ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

အာဏာသိမ်းစစ်တပ်က စစ်သင်တန်းအပြီး ရက္ခိုင်စစ်မြေပြင်ကို ချက်ချင်းပို့ဆောင်ခဲ့တဲ့ တပ်သားတွေထဲက တပ်သား ၂ဦးဟာ စစ်မြေပြင်က ထွက်ပြေးပြီး အာရက္ခတပ်တော်(AA)ထံ အလင်းဝင်ခဲ့ကြောင်း ကာယကံရှင် တွေက ပြောပြပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

Facebook