Connect with us

Hi, what are you looking for?

LuduNwayOo

သတင်း

ဒေသအသီးသီးရှိ PDF တပ်ဖွဲ့များက ဒေါ်အောင်ဆန်းစုကြည်မွေးနေ့ ဆုတောင်းမှုများပြုလုပ်၊ အချုပ်အနှောင်မှ လွတ်မြောက်ရန် ဆုတောင်းကြ

ပြည်သူ့စွမ်းအားတပ်ပေါင်းစုကလည်း ဒေါ်အောင်ဆန်းစုကြည်မွေးနေ့အထိမ်းအမှတ် ဆုတောင်းပွဲ၊ ဓာတ်ပုံကမ်ပိန်းပြုလုပ်ခဲ့ပြီး “အမေစုနှင့်တကွမတရားဖမ်းဆီးခံထားရသောသူများအားလုံး မြန်မာတပြည်လုံးအမြန်ဆုံးအာဏာရှင်လက်အောက်မှလွတ်မြောက်ပါစေ”ဟု ဆုတောင်းပေးခဲ့သည်။

ဒေသအသီးသီးရှိ PDF တပ်ဖွဲ့များက ဒေါ်အောင်ဆန်းစုကြည်မွေးနေ့ ဆုတောင်းမှုများပြုလုပ်
ဒေသအသီးသီးရှိ PDF တပ်ဖွဲ့များက ဒေါ်အောင်ဆန်းစုကြည်မွေးနေ့ ဆုတောင်းမှုများပြုလုပ်

လူထုခေါင်းဆောင် ဒေါ်အောင်ဆန်းစုကြည်၏ ယနေ့ ကျရောက်သည့် (၇၇)နှစ်မြောက်မွေးနေ့တွင်ဒေသအသီးသီးရှိ ပြည်သူ့ကာကွယ်ရေးတပ်(PDF)များက ဆုတောင်းမှုများ ပြုလုပ်ခဲ့ပြီး ဒေါ်အောင်ဆန်းစုကြည်နှင့် ပြည်သူများ အချုပ်အနှောင်မှ အမြန်ဆုံးလွတ်မြောက်ရန် ဆုတောင်းခဲ့ကြသည်။

ပြည်သူ့ကာကွယ်ရေးတပ်ဖွဲ့-ရေစကြို ရေလည်ကျွန်းဒေသတပ်ခွဲရဲဘော်များ၊ ရှေ့တန်းရောက် ကချင်ဒေသပြည်သူ့ကာကွယ်ရေးတပ်(KPDF) ရဲဘော်များ၊ ပြည်သူ့စွမ်းအားတပ်ပေါင်းစု(PPC)မှ ရဲဘော်များ၊ YDF Htilin Battalion 3 မှရဲဘော်များ၊ ဂန့်ဂေါ PDF မှ ရဲဘော်များ၊ အမှတ် -၁၀၀၈ တပ်ရင်း(ရှမ်းတောင်)မှ ရဲဘော်များ၊ NUG အနောက်ပိုင်းတိုင်း စစ်ဌာနချုပ် တပ်မဟာ(၇) ရဲဘော်များ၊ က ဒေါ်အောင်ဆန်းစုကြည် မွေးနေ့အတွက် မွေးနေ့ဆုတောင်းပေးခဲ့ကြသည်။

“အမေစုကျန်းမာပါစေ ၊ သက်တော်ရာကျော်ရှည်ပါစေ ၊ အမေ့ခေါင်းမှာပန်ဖို့ သားတို့ပန်းတွေခူးနေကြတယ်အမေ”ဟု ရေစကြို PDF ရဲဘော်များက ဆုတောင်းပေးသည်။

ပြည်သူ့စွမ်းအားတပ်ပေါင်းစုကလည်း ဒေါ်အောင်ဆန်းစုကြည်မွေးနေ့အထိမ်းအမှတ် ဆုတောင်းပွဲ၊ ဓာတ်ပုံကမ်ပိန်းပြုလုပ်ခဲ့ပြီး “အမေစုနှင့်တကွမတရားဖမ်းဆီးခံထားရသောသူများအားလုံး မြန်မာတပြည်လုံးအမြန်ဆုံးအာဏာရှင်လက်အောက်မှလွတ်မြောက်ပါစေ”ဟု ဆုတောင်းပေးခဲ့သည်။

Public Service Announcement

Public Service Announcement

“လူထုခေါင်းဆောင် ဒေါ်အောင်ဆန်းစုကြည်ပြည်သူ့မေတ္တာလွှမ်းခြုံ၍ သက်ရှည်ကျန်းမာ ဘေးဘယာကင်းဝေးပါစေ။အချုပ်အနှောင်မှ အမြန်ဆုံးလွတ်မြောက်ပါစေ။အချုပ်အနှောင်ခံနေရသော အမှန်တရားဘက်တော်သားအားလုံးလည်းအမြန်ဆုံးလွတ်မြောက်ပါစေ”ဟု ဂန့်ဂေါ PDFက ဆုတောင်းပေးသည်။

ယောဒေသကာကွယ်ရေးတပ်(ထီးလင်း) တပ်ရင်း – ၃ ကလည်း “ဒီမွေးနေ့မှသည် အမေ‌​ဒေါ်အောင်ဆန်းစုကြည်အသက်ရှည်ကျန်းမာ ပျော်ရွှင်ပါစေအချုပ်အနှောင်များမှ လွတ်မြောက်ပါစေ။ မြန်မာပြည်နှင့်အတူ ဖမ်းဆီးထိန်းသိမ်းခံပြည်သူများ အချုပ်အနှောင်များမှ လွတ် မြောက်ပါစေအာဏာရှင်စနစ်ကျဆုံးပါစေကြောင်းကျွန်တော်တို့အသက်နဲ့ သစ္စာတည်၍ ဆုတောင်းပေး လိုက်ပါတယ်ခင်ဗျာ”ဟု ဆုတောင်းပေးသည်။

မိဘပြည်သူများလည်း ဖက်ဆစ်စစ်တပ်၏ အတုအ ယောင် ဒီမိုကရေစီ၌ မနစ်မြောဘက် အကြေက်တရားကို တော်လှန်ကြရန် YDF ထီးလင်းတပ်ရင်း(၃)က တိုက် တွန်းခဲ့သည်။

ယနေ့ကျရောက်သည့် ဒေါ်အောင်ဆန်းစုကြည် မွေးနေ့အတွက် PDF တပ်ဖွဲ့များ၊ပြည်သူများနှင့် ပြည်ပရောက်မြန်မာများက မွေးနေ့ဆုတောင်းပေးခဲ့ကြပြီးအချုပ် အနှောင်မှ အမြန်လွတ်မြောက်စေရန်ကို ဆုတောင်းခဲ့ကြသည်။

ဆက်စပ်သတင်းများ

သတင်း

ပြည်သူ့ကာကွယ်ရေးတပ်မတော်(မန္တလေး)သည် ဇွန်လ ၂၆ ရက်မှစပြီး ညီနောင်မဟာမိတ်(၃)ဖွဲ့၏ ၁၀၂၇ စစ်ဆင်ရေး ဒုတိယလှိုင်းနှင့် ရှမ်းမန်းစစ်ဆင်ရေးများကို ဟန်ချက်ညီညီ ပါဝင်ဖော်ဆောင်နေသည်။

သတင်း

နောင်ချိုမြို့နယ်ရှိ ခမရ(၁၁၄) ၊ ခမရ(၁၁၅)နှင့် အမတ(၆၀၆) တပ်စခန်းများမှ အတွဲလိုက်ပစ်ဒုံးလက်နက်များအပါအဝင် လက်နက်ခဲယမ်းအများအပြားသိမ်းဆည်းရမိခဲ့ပြီး သုံ့ပန်းများလည်း ဖမ်းဆီးရမိခဲ့သည်ဟု မန္တလေး PDFက ဆိုသည်။

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

သတင်း

တိုက်ခိုက်မှုကြောင့် ရုံးပင်ကုန်းရွာရှိ နေအိမ် နှစ်လုံး အမိုးများပျက်စီးကာ ပြည်သူ သုံးဦးသေဆုံးပြီး အများအပြား ထိခိုက်ဒဏ်ရာရရှိခဲ့ကြောင်း ကင်းထောက်မြေပြင်သတင်းမှန်ပြန်ကြားရေး(စဥ့်ကူး)၏ တာဝန်ရှိသူက ပြောသည်။