စစ်ပွဲ​တွေ​ကြောင့်​နေရပ်စွန့်ခွာထွက်​ပြေး​နေရသူ​ပေါင်း တစ်သန်း​ကျော်လာ

UNOCHA ရဲ့စာရင်း​တွေအရ ၂၀၂၂ ​မေလ၃၁ ရက်အထိမြန်မာနိုင်ငံမှာစစ်အုပ်စု အာဏာသိမ်းမှု​​နောက်ဆက်တွဲတိုက်ပွဲ​တွေ​ကြောင့်​နေရပ်စွန့်ခွာထွက်​ပြေးရသူစုစု​ပေါင်း ပထမဆုံးအကြိမ် တစ်သန်းပြည်ပြီလို့ဆိုပါတယ်။ အာဏာမသိမ်းခင်ကတည်းက စစ်ပွဲ​တွေ​ကြောင့်ပြည်တွင်းမှာ ​နေရပ်စွန့်ခွာထွက်​ပြေး​နေရသူ ၃၄၆၆၀၀ ဦးရှိပြီး​တော့ ၊စစ်တပ်အာဏာသိမ်းတဲ့ ၂၀၂၁ ​ဖေ​ဖော်ဝါရီ ၁ ရက်​နောက်ပိုင်း အာဏာသိမ်းမှု​နောက်ဆက်တွဲ တိုက်ပွဲ​​တွေ​ကြောင့်ထွက်​​ပြေးတိမ်း​ရှောင်ရသူ ​ပေါင်း ၆၉၄၃၀၀ဦးရှိပြီလို့ဆိုပါတယ်။ စုစု​ပေါင်းအတိအကျ​ပြောမယ်ဆိုရင် ၁၀၄၀၉၀၀ ဦးရှိပြီလို့ UNOCHA ရဲ့စာရင်း​တွေကဆိုပါတယ်။

ဒါ​ပေမယ့် ကရင်နီ(ကယား)ပြည်နယ်မှာဆိုရင် စစ်​ဘေး​ရှောင်ပြည်သူ​​တွေကို ကူညီ​နေတဲ့အဖွဲ့အစည်း​တွေရဲ့စာရင်းအရ စစ်​ရှောင်ပြည်သူ နှစ်သိန်း​ကျော်ရှိ​ပေမယ့် UNOCHA စာရင်းမှာ ၉၁၇၀၀ ဦးသာရှိပါတယ်။ဒါ​ကြောင့် အမှန်တစ်ကယ်​နေရပ်စွန့်ခွာထွက်​ပြေး​နေရသူအ​ရေအတွက်ဟာ OCHA ရဲ့စာရင်းထက်ပိုများတယ်လို့ စစ်​ဘေး​ရှောင်ပြည်သူ​တွေကို ကူညီ​ပေး​နေသူ​တွေကဆိုပါတယ်။