လက်နက်များနှင့် ပြည်သူ့ဘက်ကူးပြောင်းရပ်တည်လာသော အရာရှိ၊ စစ်သည် ၁၈ ဦးကို ကျပ် သိန်း ၄၄၀ NUG ချီးမြှင့်

စစ်ကောင်စီတပ်မှ လက်နက်များနှင့် အတူ ပြည်သူ့ဘက်ကူးပြောင်းရပ်တည်လာသော အရာရှိ၊ စစ်သည် ၁၈ ဦးကို ကျပ် သိန်း ၄၄၀ ချီးမြှင့်ခဲ့ကြောင်း NUG ကာကွယ်ရေးဝန်ကြီးဌာနက ယနေ့ထုတ်ပြန်သည်။

ဗိုလ်မှူးတစ်ဦး၊ ဗိုလ်ကြီးတစ်ဦးနှင့်ဗိုလ်တစ်ဦးအပါအဝင် လက်နက်နှင့်တကွပြည်သူ့ရင်ခွင်ဝင်ရောက်လာသူ ၁၈ ဦး ကို ၎င်းတို့ ယူဆောင်လာခဲ့သော လက်နက်၊ခဲယမ်း၊ချပ်ဝတ်တန်ဆာ အမျိုးအစားများပေါ်မူတည်ပြီး NUG က အထက်ပါချီးမြှင့်ငွေ ပေးအပ်ခဲ့ခြင်းဖြစ်သည်။

အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနသည် လက်နက်နှင့်တကွ ပြည်သူ့ရင်ခွင်ဝင်ရောက်လာသူများကို ဥပဒေများဖြင့်အကာအကွယ်ပေးသွားမည်ဖြစ်ပြီး ဂုဏ်ပြုဆုငွေများဆက်လက်ချီးမြှင့်သွားမည်ဟု အသိပေးထုတ်ပြန်သည်။

NUG သည် လက်နက်နှင့်တကွ ပြည့်သူ့ရင်ခွင်ဝင်ရောက်လာသူများကို ပြည်သူ့သူရဲကောင်းအဖြစ်သတ်မှတ်ထားပြီး လက်ရှိတွင် အကြမ်းဖက်စစ်ကောင်စီတပ်ကို စွန့်ခွာသူများစွာရှိကြောင်း ထုတ်ပြန်သည်။

Public Service Announcement