ကလေးမြို့သံဖိုရွာတိုက်ပွဲတွင် စစ်ကောင်စီတပ်သား ၃ ဦးသေဟု CDF(KKG)​ပြော

ကလေးမြို့နယ်၊ သံဖိုရွာတွင် စစ်ကောင်စီတပ်နှင့် တိုက်ပွဲနှစ်ကြိမ်ဖြစ်ပွားခဲ့ရာစစ်ကောင်စီတပ်သား ၃ ဦးသေဆုံးခဲ့​ကြောင်း CDF(KKG)က သတင်းထုတ်ပြန်သည်။

ကလေးမြို့နယ်၊ ရန်ကြီးအောင်ရွာတပ်စခန်းတွင်စစ်ကောင်စီတပ်သား ၁၃ ယောက်သည် နယ်လှည့်သွားလာရင်း သံဖိုကျေးရွာအနီးတွင်ချင်း​ဒေသကာကွယ်​ရေးတပ်-က​လေး-က​ဘော်-ဂန့်​​ဂေါ( CDF-KKG)တပ်များနှင့် သြဂုတ် ၂၂ ရက်တွင်တိုက်ပွဲဖြစ်ပွားခဲ့ခြင်းဖြစ်သည်။

ယမန့်​နေ့ မနက် ၈နာရီခွဲမှ ၁၀နာရီခွဲအထိ တိုက်ပွဲဖြစ်ပွားခဲ့ခြင်းဖြစ်ပြီးစစ်ကောင်စီတပ်သား ၂ ဦးသေဆုံးပြီး​နောက် ရန်ကြီးအောင်ရွာကို ပြန်လည်ဆုတ်ခွာသွားသည်။

ထိုနောက် စစ်ကောင်စီတပ်သားများနောက်တစ်ကြိမ် ထပ်မံလာရောက်ပြန်ရာ CDF(KKG) ၊CNDF(Vakok)၊CNDF(NA)၊ PDF(ကလေး)၊RKDFနှင့်ပကဖတို့ကပူးပေါင်းတိုက်ခိုက်ခဲ့ခြင်းဖြစ်သည်။

Public Service Announcement

အဆိုပါတိုက်ပွဲတွင်စစ်ကောင်စီတပ်သားတစ်ဦးထပ်မံသေဆုံးခဲ့သည်။ စစ်​ကောင်စီတပ်သားများ​သေဆုံး မှုနှင့်ပတ်သက်၍ People’s Spring က သီးခြားအတည်မပြုနိုင်ပါ ။

ယနေ့တိုက်ပွဲများတွင် ဒေသခံကာကွယ်ရေးတပ်များဘက်မှ တစုံတရာထိခိုက်မှုမရှိကြောင်းလည်း CDF(KKG)ကအသိ​ပေးထားသည်။

တိုက်ပွဲအပြီးတွင်စစ်ကောင်စီတပ်ကကျေးရွာထဲသို့လက်နက်ကြီး၊လက်နက်ငယ်များဖြင့်ပစ်ခတ်ခဲ့သည်။