တနင်္သာရီတိုင်း ထားဝယ်မြို့နယ်ရှိ တော်လှန်ရေးလှုပ်ရှားမှု သပိတ်ကော်မတီဝင် လူငယ်နှစ်ဦးဖြစ်သူ ကိုအောင်ကိုကိုလွင်နှင့် ကိုဟိန်းဇေအောင်တို့ကို စစ်ကောင်စီက အကြမ်းဖက်ဖမ်းဆီးခဲ့ကြောင်း Dawei Youth Revolutionary Movement Strike Committe (DYRMSC)က ယနေ့ (စက်တင်ဘာ ၁၀) ထုတ်ပြန်သည်။
၎င်းတို့နှစ်ဦးမှာ ယမန်နေ့ (စက်တင်ဘာ ၉ ရက်နှင့် ၁၀ ရက်) နှစ်ရက်အတွင်း ဆက်တိုက် ဖမ်းဆီးခံလိုက်ရကြောင်း သိရသည်။
“အောင်ကိုကိုလွင် အရင်အဖမ်းခံရတာပါ။ ၉ ရက်ညက လမ်းမှာ အဖမ်းခံရတာတဲ့။ ၁၀ ရက် မနက် ၆ နာရီ လောက်မှာတော့ ဟိန်းဇေအောင်ကို အိမ်မှာဝင်ပြီး ဖမ်းသွားကြတယ်။ လက်ရှိတော့ သူတို့အခြေအနေကို လိုက်စုံစမ်းနေပါတယ် ” DYRMSCဟု ပြောသည်။
ထား၀ယ်မြို့နယ်တွင် အကြမ်းဖက်စစ်အုပ်စုမှ ပြည်သူများအား နည်းလမ်းမျိုးစုံဖြင့် ခြိမ်းခြောက်အကြပ်ကိုင်ကာ တော်လှန်မှုအပေါ် သွေဖယ် အောင် ဆောင်ရွက်လျက်ရှိသည်။
Public Service Announcement
ထို့ကြောင့် မိဘပြည်သူများအနေဖြင့် စုစည်းညီညွတ်စွာ စစ်အာဏာရှင်စနစ်အား ဆက်လက်ဖီဆန်အံတုကြပါရန် DYRMSC က တိုက်တွန်းနှိုးဆော်ထားသည်။
