သာကေတမြို့နယ်ရှိ စစ်ကောင်စီခန့်အုပ်ချုပ်ရေးမှူးတစ်ဦးကို ပစ်ခတ်ရှင်းလင်းလိုက်ကြောင်း Soul Takers- Yangon Underground Force က ယနေ့ (စက်တင်ဘာ ၂၁)တွင်ထုတ်ပြန်သည်။
ယမန်နေ့ စက်တင်ဘာ ၂၀ ရက်နေ့ည ၇ နာရီ ၂၀ ခန့်ကသာကေတ ၄/မြောက်ရပ်ကွက်အုပ်ချုပ်ရေးမှူး ဦးဝင်းဗိုလ်အား အောင်ဇေယျလမ်းဆုံ ရိုးရိုးလေး လက်ဖက် ရည်ဆိုင်တွင် ပစ်ခတ်ရှင်းလင်းရေးလုပ်ဆောင်ခဲ့ကြောင်းဖော်ပြသည်။
“၎င်းသည် မီးသတ်ဗိုလ်မှ ရပ်ကွက်ဥက္ကဌဖြစ်လာသူဖြစ်ပြီး တော်လှန်ရေး အင်အားစုများ၊ အနီးပတ်ဝန်းကျင်ရှိ UG အဖွဲ့များအား စုံစမ်းကာ စစ်ကောင်စီသို့ သတင်းပေးခြင်း ၊ကိုယ်တိုင် လိုက်လံညွှန်ပြ ဖမ်းဆီးစေခြင်း ဝင်ရောက်စီးနင်းမှုများအား ကူညီပေးခြင်းများ ကို ဦးဆောင်ကာ အင်တိုက်အားတိုက်လုပ်ကိုင်နေသူဖြစ်ပြီး ဖမ်းဆီးပြီးပါကလည်း နှိပ်စက်ခြင်း စစ်မေးခြင်းများကိုပါ လုပ်ဆောင်နေသော အကြမ်းဖက်စစ်တပ်၏အားထားရသော အုပ်ချုပ်ရေးမှူးဖြစ်ပါသည်”ဟုဖော်ပြထားသည်။
ဦးဝင်းဗိုလ်၏အိတ်ထဲမှ နံပါတ်တုတ်များ၊ဝေါ်ကီစကားပြောစက်၊ စာရွက်စာတမ်းများနှင့် စစ်တပ်သုံး ဖုန်းတစ် လုံးပါ သိမ်းဆည်း ရမိခဲ့ပြီး ၎င်းအား သေနတ်ဖြင့် ကိုးချက်ပစ်ခတ်ခဲ့ရာ သေဆုံးသွားပြီဖြစ်ကြောင်း အသိပေးသည်။
Public Service Announcement
Soul Takers မှ ရဲဘော်များ ယခုအချိန်တွင် အထိခိုက်မရှိ ပြန်လည်ဆုတ်ခွါနိုင်ခဲ့ပြီဖြစ်ပြီး ဆက်လက်၍ စစ်ကောင်စီမှ အားထားရသော ရာအိမ်မှူး ၊ဆယ်အိမ်မှူး၊ ဒလန်များ သတင်းပေးများအားလည်း ဆက်လက်တိုက်ခိုက် တိုက်ပွဲဝင်သွားမည်ဖြစ်ကြောင်း ထုတ်ပြန်ထားသည်။
