Connect with us

Hi, what are you looking for?

LuduNwayOo

သတင်း

ဗုံးပေါက်ပြီး အင်းစိန် ထောင်တွင်းတရားရုံးတွေ တစ်ပတ်ကြာ ပိတ်သိမ်း

အင်းစိန်ထောင်နဲ့ မန္တလေးအိုးဘိုထောင်တွေမှာ ထောင်ဝင်စာပါဆယ်ပို့တာကို ရက်အကန့်အသတ်မရှိ ပိတ်လိုက်တယ်လို့စုံစမ်းသိရပါတယ်။

ဗုံးပေါက်ပြီး အင်းစိန် ထောင်တွင်းတရားရုံးတွေ တစ်ပတ်ကြာ ပိတ်သိမ်း
ဗုံးပေါက်ပြီး အင်းစိန် ထောင်တွင်းတရားရုံးတွေ တစ်ပတ်ကြာ ပိတ်သိမ်း

အင်းစိန်ထောင်မှာ ပေါက်ကွဲမှုဖြစ်ပြီးနောက် နိုင်ငံရေးအကျဉ်းသားတွေကို စစ်ဆေးနေတဲ့ထောင်တွင်း စစ်ကောင်စီအထူးတရားရုံး တွေ ကို ရက်သတ္တတစ်ပတ်ကြာ ပိတ်သိမ်းလိုက်တယ်လို့ ရှေ့နေအသိုင်းအဝိုင်းက သိရပါတယ်။

ပေါက်ကွဲမှုဖြစ်တဲ့မနေ့က( အောက်တိုဘာလ ၁၉ ) ကစတင်ပြီး ထောင်တွင်းရုံးချိန်းတွေကိုတစ်ပတ်ကြာ ရွှေ့ဆိုင်းလိုက်တာလို့ နိုင်ငံရေးအကျဉ်းသားအမှုတွေကို လိုက်ပါဆောင်ရွက်ပေးနေသူ ရှေ့နေတစ်ဦးကပြောပါတယ်။

နွေဦးတော်လှန်ရေးအတွင်းဖမ်းမိတဲ့ နိုင်ကျဉ်းတွေကိုအပြင်တရားရုံးတွေမှာ ရုံးထုတ်စစ်ဆေးတာမလုပ်ဘဲ အင်းစိန်ထောင်တွင်း အားကစားရုံမှာ တရားရုံးလုပ်စေကာ စစ်ကောင်စီက စစ်ဆေးစေတာပါ။

အဲဒီတရားရုံးတွေဟာ နိုင်ကျဉ်းတွေကိုစွဲဆိုထားတဲ့ပုဒ်မရဲ့အမြင့်ဆုံးပြစ်ဒဏ်တွေကို ချလေ့ရှိတဲ့ တရားရုံးတွေလည်းဖြစ်ပါတယ်။

မနေ့က မနက်ပိုင်း အင်စိန်ထောင် ပေါက်ကွဲ၊ပစ်ခတ်မှုဖြစ်စဉ်ကြောင့် အကျဉ်းဦးစီးဝန်ထမ်း ၃ ဦးအပါအဝင် ထောင်ဝင်စာ ပါဆယ်ပို့သူအရပ်သား ၅ ဦးသေဆုံးပြီးနောက် စစ်ကောင်စီက ထောင်ဝင်စာ ပါဆယ်ပို့တာကို တပါတည်းပိတ်လိုက်ပါတယ်။

အင်းစိန်ထောင်နဲ့ မန္တလေးအိုးဘိုထောင်တွေမှာ ထောင်ဝင်စာပါဆယ်ပို့တာကို ရက်အကန့်အသတ်မရှိ ပိတ်လိုက်တယ်လို့စုံစမ်းသိရပါတယ်။

ဒီလို ထောင်ဝင်စာပိတ်လိုက်တဲ့အတွက် ကျန်းမာရေးနဲ့စားရေးသောက်ရေးဆင်းရဲတဲ့ထောင်တွင်းအခြေအနေဟာ ပိုမိုခက်ခဲသွားနိုင်တယ်လို့ နိုင်ကျဉ်းမိသားစုဝင်တွေက ပြောပြကြပါတယ်။

You May Also Like

သတင်း

စစ်ကောင်စီ ရဲ့ ပြည်ထဲရေးဝန်ကြီး အင်းစိန်ထောင်ကို ဇန်နဝါရီလ ၁၂ ရက်ကလာရောက်ပြီးတဲ့နောက် အခုလို ၂ ရက်ဆက်တိုက် ထောင်ပြောင်းတာတွေရှိလာတာပါ။

နိုင်ငံတကာ

ပြင်သစ် သမ္မတ အီမန်နျူရယ်လ် မာခရွန်ကလည်း ဘရာဇီး ပြည်သူတွေနဲ့ ဒီမိုကရေစီ စနစ်အပေါ် လေးစားမှုရှိဖို့ တောင်းဆိုခဲ့ပြီး လူလာကို အစွမ်းကုန် ထောက်ခံ အားပေးသွားမယ်လို့ ကတိပြုခဲ့ပါတယ်။

သတင်း

သူ့မိတ်ဆွေ အသတ်ခံရတဲ့ ကိစ္စနဲ့ ပတ်သက်လို့ အကြောင်းအရာတချို့ ပြန်လည်သိရှိနိုင်အောင်ကူညီပေးခဲ့တဲ့ မြန်မာနိုင်ငံက လူပုဂ္ဂိုလ် တချို့ကို ကျေးဇူးတင်တယ်လို့လည်း တာနဲလ်က Facebookပေါ်မှာ ရေးသားထားပါတယ်။

သတင်း

ဒေါ်အောင်ဆန်းစုကြည်ရဲ့စီးပွားရေးအကြံပေး သြစတြေးလျနိုင်ငံသား စီးပွားရေးပါမောက္ခ ရှောင်တာနယ်လ်ကိုဖမ်းဆီးပြီး အင်းစိန်ထောင်နဲ့ နေပြည်တော်ထောင်တွေမှာ ထားခဲ့တာပါ။