Connect with us

Hi, what are you looking for?

LuduNwayOo

သတင်း

ပခုက္ကူတွင် ဆိုင်ကယ်ကို တစ်ဦးတည်းသာစီးရန်နှင့် ညနေ ၆ နာရီနောက်ပိုင်းမစီးရန် စစ်ကောင်စီ တားမြစ်

ထိုသို့ကန့်သတ်လိုက်မှုကြောင့် ပြည်သူများသွားလာရေးအခက်အခဲများ ကြုံ​တွေ့ရမည်ဖြစ်ပြီး အလုပ်အကိုင်နှင့် စီးပွားရေးပါ ကျပ်တည်းလာနိုင်ကြောင်း ဒေသခံများက ပြောသည်။

ပခုက္ကူတွင် ဆိုင်ကယ်ကို တစ်ဦးတည်းသာစီးရန်နှင့် ညနေ ၆ နာရီနောက်ပိုင်းမစီးရန် စစ်ကောင်စီ တားမြစ်
ပခုက္ကူတွင် ဆိုင်ကယ်ကို တစ်ဦးတည်းသာစီးရန်နှင့် ညနေ ၆ နာရီနောက်ပိုင်းမစီးရန် စစ်ကောင်စီ တားမြစ်

မကွေးတိုင်း၊ ပခုက္ကူမြို့နယ်တွင် ယနေ့မှစ၍ ဆိုင်ကယ်စီးလျှင် တစ်ဦးတည်းသာစီးရန်နှင့် ညနေ ၆ နာရီမှ နောက်တစ်နေ့နံနက် ၈ နာရီအတွင်း ဆိုင်ကယ်စီးနင်းခြင်း လုံးဝမပြုရန် စစ်ကောင်စီ၏ မြို့နယ်အထွေထွေအုပ်ချုပ်ရေးမှူးက တားမြစ်လိုက်ကြောင်း ဒေသခံများက ပြောသည်။

စစ်ကောင်စီ၏ Non CDM ဝန်ထမ်းများ၊ စစ်ကောင်စီခန့်အုပ်ချုပ်ရေးမှူးများ၊ ၎င်းတို့၏ရုံးဌာနများသို့ မိုင်းခွဲခြင်း၊ ပစ်ခတ်တိုက်ခိုက်ခြင်းများ ခံနေရကြောင်း၊ ထို​တိုက်ခိုက်မှူများကို မော်တော်ဆိုင်ကယ်ဖြင့် ပြုလုပ်နေကြောင်း စစ်ကောင်စီလက်အောက်ခံ ပခုက္ကူထွေအုပ်၏ ထုတ်ပြန်ချက်တွင် ဖော်ပြသည်။

ပခုက္ကူတွင် ဆိုင်ကယ်ကို တစ်ဦးတည်းသာစီးရန်နှင့် ညနေ ၆ နာရီနောက်ပိုင်းမစီးရန် စစ်ကောင်စီ တားမြစ်
ပခုက္ကူတွင် ဆိုင်ကယ်ကို တစ်ဦးတည်းသာစီးရန်နှင့် ညနေ ၆ နာရီနောက်ပိုင်းမစီးရန် စစ်ကောင်စီ တားမြစ်

ထို့ကြောင့် ယနေ့ (နိုဝင်ဘာ ၂၄ ရက်)ကစပြီး ပခုက္ကူမြို့နယ်အတွင်း နံနက် ၈ နာရီမှ ညနေ ၆ နာရီအတွင်းသာ ဆိုင်ကယ်စီးနင်းရန်၊ ဆိုင်ကယ်စီးရာတွင် မောင်းနှင်သူတစ်ဦးတည်းသာစီးနင်းရန်၊ ညနေ၆ နာရီမှ နောက်တစ်နေ့နံနက် ၈ နာရီအတွင်း ဆိုင်ကယ်စီးနင်းခြင်း မပြုလုပ်ရန် စစ်ကောင်စီက ကန့်သတ်လိုက်သည်။

ထိုသို့ကန့်သတ်လိုက်မှုကြောင့် ပြည်သူများသွားလာရေးအခက်အခဲများ ကြုံ​တွေ့ရမည်ဖြစ်ပြီး အလုပ်အကိုင်နှင့် စီးပွားရေးပါ ကျပ်တည်းလာနိုင်ကြောင်း ဒေသခံများက ပြောသည်။

“ဒုက္ခကတော့များတာပေါ့။ ဥပမာ ပစ္စည်းနောက်ကသယ်တဲ့သူတွေတို့ ဆိုင်ကယ်မစီးတတ်တဲ့သူတွေတို့ အတော်ဒုက္ခရောက်တယ်။ အလုပ်သမားတွေရော။ အမျိုးသမီးတွေနှစ်ယောက်မစီးရတာကြီးကတော့အတော်ဆိုးတယ်အခုလိုခေတ်ကြီး အမျိုးသမီးတစ်ယောက်တည်း သွားလာဖို့ဆိုတာ အန္တရာယ်များတယ်လေ။”ဟု ပခုက္ကူမြို့ခံ အမျိုးသားတစ်ဦးက ပြောသည်။

စစ်ကောင်စီက ၎င်းတို့အား ဆန့်ကျင်မှုအားကောင်းသည့်နယ်ဒေသများတွင် ဆိုင်ကယ်အား နှစ်ယောက်မစီးရန် ကန့်သတ်ထားပြီး ဖမ်းဆီးစစ်ဆေးအရေးယူခြင်းများ ပြုလုပ်နေသည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။