စစ်ကိုင်းတိုင်း၊ မုံရွာမြို့နယ်၊ ကြေးမုံရွာအနောက် ဘက်သို့ ထွက်လာသော စစ်ကောင်စီတပ်နှင့်ပျူစောထီးများကို အလစ်ဝင်တိုက်ရာ နှစ်ဦးသေဆုံးကြောင်း မုံရွာခရိုင်ပြည်သူကာကွယ်ရေးတပ်မတော်(Chindwin Attack Force ) တပ်ရင်း -၂ တာဝန်ခံက ပြောသည်။
နိုဝင်ဘာ ၂၃ ရက် ညနေ ၄ နာရီခန့်က မုံရွာမြို့နယ်၊ ကြေးမုံရွာအနောက်ဘက်သို့ထွက်လာသော စစ်ကောင်စီတပ်နှင့်ပျူ ၃၅ဦးခန့်အား လက်နက်ကြီး၊လက်နက်ငယ်များဖြင့် အလစ်ဝင်ရောက်တိုက်ခိုက်ခဲ့ကြောင်း၊ စစ်ကောင်စီနှင့်ပျူများဘက်က နှစ်ဦးသေဆုံးကာ ခုနစ်ဦးဒဏ်ရာရရှိပြီး သုံးဦးဒဏ်ရာပြင်းထန်ကြောင်း Chindwin Attack Force တာဝန်ခံက ပြောသည်။
ည ၁၀နာရီခန့်တွင်လည်း ပျူစောထီးကြီးစိုးရာတောပုရွာအား လက်နက်ကြီးဖြင့် ထပ်မံပစ်ခတ်တိုက်ခိုက်ခဲ့သည်ဟု ဆိုသည်။
အဆိုပါ စစ်ဆင်ရေးကို မုံရွာခရိုင်ပြည်သူကာကွယ်ရေး တပ်မတော် ( Chindwin Attack Force ) တပ်ရင်း ၂၊တပ်ခွဲ ၂ Monywa Special ဒိတ်ဒိတ်ကြဲ PDF၊ Area 71 Defense Force – (Monywa)၊ Special 11 Force၊ PDF- South Monywa အဖွဲ့များ ပူးပေါင်းဆောင်ရွက်ခဲ့ကြောင်းအသိပေးထားသည်။
Public Service Announcement
မုံရွာခရိုင်တွင် တပ်ရင်းတပ်ဖွဲ့တပ်ခွဲများ ထိုးစစ်ဆင်နေ၍ လက်နက်ခဲယမ်းများစွာ လိုအပ်နေကြောင်း Chindwin Attack Force အဖွဲ့က အသိပေးထားသည်။
နိုဝင်ဘာ ၂၃ရက်ကလည်း တောပုရွာရှိ ပျုစောထီးများအား ဒေသကာကွယ်ရေးအဖွဲ့များက သုံးကြိမ်တိုင် တိုက်ခိုက်ခဲ့ပြီး ပျူဘက်က ထိခိုက်သေဆုံးမှုများ ရှိခဲ့သည်။
