Connect with us

Hi, what are you looking for?

LuduNwayOo

သတင်း

မုံရွာနယ်တွင် စစ်ကောင်စီတပ်နှင့်ပျူများကို တိုက်ခိုက်ရာ နှစ်ဦးသေဟုဆို

မုံရွာခရိုင်တွင် တပ်ရင်းတပ်ဖွဲ့တပ်ခွဲများ ထိုးစစ်ဆင်နေ၍ လက်နက်ခဲယမ်းများစွာ လိုအပ်နေကြောင်း Chindwin Attack Force အဖွဲ့က အသိပေးထားသည်။

စစ်အုပ်စုနှင့်ပျူများအား တိုက်ခိုက်နေသည့် ပြည်သူ့ရဲဘော်များအား တွေ့ရစဥ်
စစ်အုပ်စုနှင့်ပျူများအား တိုက်ခိုက်နေသည့် ပြည်သူ့ရဲဘော်များအား တွေ့ရစဥ်

စစ်ကိုင်းတိုင်း၊ မုံရွာမြို့နယ်၊ ကြေးမုံရွာအနောက် ဘက်သို့ ထွက်လာသော စစ်ကောင်စီတပ်နှင့်ပျူစောထီးများကို အလစ်ဝင်တိုက်ရာ နှစ်ဦးသေ​ဆုံးကြောင်း မုံရွာခရိုင်ပြည်သူကာကွယ်ရေးတပ်မတော်(Chindwin Attack Force ) တပ်ရင်း -၂ တာဝန်ခံက ပြောသည်။

နိုဝင်ဘာ ၂၃ ရက် ညနေ ၄ နာရီခန့်က မုံရွာမြို့နယ်၊ ကြေးမုံရွာအနောက်ဘက်သို့ထွက်လာသော စစ်ကောင်စီတပ်နှင့်ပျူ ၃၅ဦးခန့်အား လက်နက်ကြီး၊လက်နက်ငယ်များဖြင့် အလစ်ဝင်ရောက်တိုက်ခိုက်ခဲ့ကြောင်း၊ စစ်ကောင်စီနှင့်ပျူများဘက်က နှစ်ဦးသေဆုံးကာ ခုနစ်ဦးဒဏ်ရာရရှိပြီး သုံးဦးဒဏ်ရာပြင်းထန်ကြောင်း Chindwin Attack Force တာဝန်ခံက ပြောသည်။

ည ၁၀နာရီခန့်တွင်လည်း ပျူစောထီးကြီးစိုးရာတောပုရွာအား လက်နက်ကြီးဖြင့် ထပ်မံပစ်ခတ်တိုက်ခိုက်ခဲ့သည်ဟု ဆိုသည်။

Public Service Announcement
Public Service Announcement

အဆိုပါ စစ်ဆင်ရေးကို မုံရွာခရိုင်ပြည်သူကာကွယ်ရေး တပ်မတော် ( Chindwin Attack Force ) တပ်ရင်း ၂၊တပ်ခွဲ ၂ Monywa Special ဒိတ်ဒိတ်ကြဲ PDF၊ Area 71 Defense Force – (Monywa)၊ Special 11 Force၊ PDF- South Monywa အဖွဲ့များ ပူးပေါင်းဆောင်ရွက်ခဲ့ကြောင်းအသိပေးထားသည်။

မုံရွာခရိုင်တွင် တပ်ရင်းတပ်ဖွဲ့တပ်ခွဲများ ထိုးစစ်ဆင်နေ၍ လက်နက်ခဲယမ်းများစွာ လိုအပ်နေကြောင်း Chindwin Attack Force အဖွဲ့က အသိပေးထားသည်။

နိုဝင်ဘာ ၂၃ရက်ကလည်း တောပုရွာရှိ ပျုစောထီးများအား ဒေသကာကွယ်ရေးအဖွဲ့များက သုံးကြိမ်တိုင် တိုက်ခိုက်ခဲ့ပြီး ပျူဘက်က ထိခိုက်သေဆုံးမှုများ ရှိခဲ့သည်။

You May Also Like

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

အိမ်ခြေ ၁၃၀ကျော်ရှိ ခဝါသည်ရွာကို စစ်ကောင်စီတပ် မီးရှို့ခဲ့ရာ နေအိမ် ၉၅ လုံး ပျက်စီးခဲ့ရကြောင်း အသိပေးထားသည်။ မီးလောင်မှုကြောင့် စားနပ်ရိက္ခာများ၊ အဝတ်အထည်နှင့် အိမ်အသုံးအဆောင်များ မီးလောင်ပျက်စီးခဲ့ရသည်ဟု ဆိုသည်။

သတင်း

စစ်ကောင်စီသည် အန္ဒိယနိုင်ငံဘက်မှ တင်သွင်းလာသည့် စစ်လက်နက်ပစ္စည်းများကို တမူး-ကလေးလမ်းမကြီးအတိုင်း သယ်ယူလာပြီး ပြည်သူ့ကာကွယ်ရေးမဟာမိတ်များက တားဆီးနိုင်ရန် ကြိုးစားနေသည်။

သတင်း

ပုလောမြို့၊ ကဒဲကျေးရွာအနီးတွင်နိုဝင်ဘာ ၂၅ ရက်နေ့လယ်ပိုင်းက တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား ၅ ဦးသေဆုံးပြီး ၅ဦးထက်မနည်း ဒဏ်ရာရရှိခဲ့ခြင်းဖြစ်သည်။