Connect with us

Hi, what are you looking for?

LuduNwayOo

သတင်း

လက်နက်စမ်းသပ်ရင်း CRAရဲဘော်များ ထိခိုက်ဒဏ်ရာရရှိ

ချောင်းဦးမြို့နယ် တော်လှန်ရေးတပ် CRAသည် စစ်ကိုင်းတိုင်းအပြင် မကွေးတိုင်းနှင့် မန္တလေးတိုင်းဘက်ကပါ ကူးသန်းပြီး ဒေသတွင်း PDFများနှင့်ပူးပေါင်းကာ အာဏာသိမ်းစစ်ကောင်စီအား တော်လှန်တိုက်ခိုက်လျက်ရှိသည်။

ဓာတ်ပုံ - CRA
ဓာတ်ပုံ - CRA

▪️အစားထိုးလက်နက်ဝယ်ယူရန် တော်လှန်ဒီဇင်ဘာလှုပ်ရှားမှုဖြင့် ရန်ပုံငွေရှာဖွေမည်ဟုပြော

စစ်ကိုင်းတိုင်း၊ ချောင်းဦးမြို့နယ်တွင် လက်လုပ် လက်နက်များစမ်းသပ်ရင်း ရဲဘော်များ ကိုယ်လက်အင်္ဂါထိခိုက်ပျက်စီးမှုများ ဖြစ်ပေါ်ခဲ့ပြီး အစားထိုးလက်နက်များဝယ်ယူရန် တော်လှန်ဒီဇင်ဘာ လှုပ်ရှားမှုပြုလုပ်ကာ ရန်ပုံငွေရှာဖွေရန် စီစဥ်နေကြောင်း ချောင်းဦးမြို့နယ် တော်လှန်ရေးတပ် (CRA)အဖွဲ့ တာဝန်ခံက ပြောသည်။

CRA ရဲဘော်များသည် ယခုလကို တော်လှန်ဒီဇင်ဘာ ကာလအဖြစ် စစ်အာဏာရှင် အမြစ်ပြုတ်ရန်အတွက် တော်လှန်ရေးလုပ်ငန်းများ အရှိန်မြှင့် လုပ်ဆောင်နိုင်ရန် ရည်ရွယ်ထားကြောင်း၊ သို့သော် အရှိန််မြှင့်လုပ်ဆောင်နိုင်ရန် လက်နက်ခဲယမ်း ဖြည့်ဆည်းရန်ငွေအင်အား လိုအပ်သည့်အတွက် ယခုဒီဇင်ဘာအတွင်း “တော်လှန်ဒီဇင်ဘာ” ရန်ပုံငွေရှာဖွေရေးလှုပ်ရှားကို ဒီဇင်ဘာ၂ ရက်မှ ဇန်နဝါရီ၂ ရက်အထိ ပြုလုပ်သွားမည်ဖြစ်ကြောင်း

ဓာတ်ပုံ - CRA
ဓာတ်ပုံ – CRA

“ကျွန်တော်တို့ CRA -2 ရဲဘော်များဟာ လက်လုပ် စမ်းသပ်ရာက ထိခိုက်ပျက်စီးမှုများ ဖြစ်ပေါ်ကြသည့်အတွက် ရရှိလာတဲ့ ရန်ပုံငွေများကို လက်လုပ် အစားထိုး လက်နက်များဝယ်ယူသွားမှာ ဖြစ်ပါတယ်။ ကမ်းပိန်းကာလအတွင်း အလှူငွေ ထည့်ဝင်သူများကိုလည်း ပြည်သူများက လှူဒါန်းထားတဲ့ ပစ္စည်းများကို မဲဖောက်ပြီး အမှတ်တရ လက်ဆောင်ပြန်လည် ပေးအပ်မယ့် အစီအစဉ်လဲ ရှိပါတယ်။”ဟု CRAအဖွဲ့ တာဝန်ခံက ပြောသည်။

မဲလက်မှတ်တစ်စောင်ကို ကျပ်ငွေတစ်သောင်း၊ အမေရိကန်ဒေါ်လာ ၅ ဒေါ်လာစသဖြင့် ရောက်ရှိနေသည့် နိုင်ငံပေါ်မူတည်၍ ဝယ်ယူနိုင်မည်ဖြစ်ပြီး ရန်ပုံငွေလက်မှတ်များကို Chaung U Revolution Army (ချောင်းဦးမြို့နယ်တော်လှန်ရေးတပ်)စာမျက်နှာအပါအဝင် CRAနှင့် လက်တွဲထားသူများထံ ဝယ်ယူနိုင်မည်​ဖြစ်ကြောင်း CRA၏ Facebook စာမျက်နှာ https://www.facebook.com/revolutionarmy.chaungu/?mibextid=ZbWKwL တွင် ရေးသားအသိပေးထားသည်။

ချောင်းဦးမြို့နယ် တော်လှန်ရေးတပ် CRAသည် စစ်ကိုင်းတိုင်းအပြင် မကွေးတိုင်းနှင့် မန္တလေးတိုင်းဘက်ကပါ ကူးသန်းပြီး ဒေသတွင်း PDFများနှင့်ပူးပေါင်းကာ အာဏာသိမ်းစစ်ကောင်စီအား တော်လှန်တိုက်ခိုက်လျက်ရှိသည်။

You May Also Like

သတင်း

ကျောက်လုံးကြီးKLG တပ်မဟာသည် အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၏ အောက်တွင် ယင်းမာပင်ခရိုင်၊ အမှတ် ၂၁၊၂၂၊ ၂၃ တပ်ရင်းများအဖြစ် ဖွဲ့စည်းထားပြီးဖြစ်သည်။

သတင်း

ဇန်နဝါရီ ၂၅ ရက်ကလည်း ယမ်းချက်ရင်း မတော်တဆဖြစ်ကာ ရဲဘော်တစ်ဦး မီးလောင်ဒဏ်ရာပြင်းထန်ပြီး တစ်ဦးမှာ လက်နှင့်မျက်နှာ အနည်းငယ်ထိခိုက်ခဲ့ကြောင်းသိရသည်။

သတင်း

ရဲဘော် သုံးဦးကျဆုံးခဲ့၍ အထူးဝမ်းနည်းပြီး စစ်ကောင်စီတပ်အား လက်တုံ့ပြန်သွားမည်ဟု BLACK WOLF - ARMY က အသိပေးသည်။

သတင်း

ဖြစ်စဥ်အရ ဇန်နဝါရီ ၃၀ ရက် ညနေ ၆နာရီ ၁၅ မိနစ်ခန့်တွင် ခလရ (၂၇၄)တပ်ရင်းမှ ထိုးစစ်ဆင် လာသည့် စစ်ကောင်စီတပ်သားများထဲမှ တပ်သားတစ်ဦးသည် ဂန့်ဂေါခရိုင်တပ်ရင်း (၈) ကင်းပုန်းဝပ်နေသော နေရာသို့ နယ်ကျွံလာခဲ့ခြင်းဟု ဆိုသည်။