Connect with us

Hi, what are you looking for?

LuduNwayOo

သတင်း

သပိတ်ကျင်းမြို့နယ်တွင် စစ်ကောင်စီယာဉ်တန်းမိုင်းဆွဲတိုက်ခိုက်၊ စစ်တပ်က ရမ်းသမ်းပစ်၍ ပြည်သူသုံးဦးထိခိုက်

ယမန်နေ့(ဇန်နဝါရီ ၂၁)ရက် နေ့လယ် ၂ နာရီခွဲခန့်က တကောင်းတိုက်နယ် (၄)မိုင်‌ကျေးရွာအနီး ပီလောပစ်‌ဘုန်းကြီးကျောင်း အထိုင်ချထားသော စစ်အုပ်စုမှ အင် အား (၄၀)ခန့်ကို ယာဉ်သုံးစီးဖြင့် ထွက်လာစဥ် ရှေ့ထွက်မိုင်းနှစ်လုံးဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။

(ပြည်သူ့ကာကွယ်ရေးတပ် ဖွဲ့-တကောင်းမှ ရဲဘော်များ လက်နက်ခဲယမ်းများပြုလုပ်နေစဉ်)
(ပြည်သူ့ကာကွယ်ရေးတပ် ဖွဲ့-တကောင်းမှ ရဲဘော်များ လက်နက်ခဲယမ်းများပြုလုပ်နေစဉ်)

သပိတ်ကျင်းမြို့နယ် တကောင်းတိုက်နယ်တွင် စစ်ကောင်စီတပ်များလိုက်ပါလာသော ကားသုံးစီးကို မိုင်းခွဲတိုက်ခိုက်ခဲ့ကြောင်း ပြည်သူ့ကာကွယ်ရေးတပ် ဖွဲ့-တကောင်းက ပြောသည်။

ယမန်နေ့(ဇန်နဝါရီ ၂၁)ရက် နေ့လယ် ၂ နာရီခွဲခန့်က တကောင်းတိုက်နယ် (၄)မိုင်‌ကျေးရွာအနီး ပီလောပစ်‌ဘုန်းကြီးကျောင်း အထိုင်ချထားသော စစ်အုပ်စုမှ အင် အား (၄၀)ခန့်ကို ယာဉ်သုံးစီးဖြင့် ထွက်လာစဥ် ရှေ့ထွက်မိုင်းနှစ်လုံးဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။

ထိုသို့တိုက်ခိုက်ရာတွင် စစ်ကောင်စီတပ်မှ ယာဉ်သုံးစီးအနက် ဒုတိယမြောက်နှင့် နောက်ဆုံးယာဉ်မှာ မိုင်းထိသွားပြီး စစ်ကောင်စီတပ်ဘက်မှ ထိခိုက်သေဆုံးမှုရှိနိုင်သော်လည်း အတိအကျမသိရသေးဟု ပြည်သူ့ကာကွယ်ရေးတပ်ဖွဲ့-တကောင်းက ပြောသည်။

“သတင်းကြိုရပြီး ပီလောပစ်ဘုန်းကြီးကျောင်းအထွက် ၄ မိုင်ရွာအနီးမှာ ၂ နာရီခွဲလောက်က မိုင်းနှစ်လုံးနဲ့ ဒုတိယ‌ မြောက်အစီးနဲ့ နောက်ဆုံးအစီးကိုခွဲလိုက်တာ။ တော်တော်ထိသွားပုံပဲ။ မိုင်းဆွဲပြီးချင်းပဲ ကားလမ်းထိပ်ရော အောက်ရော ပိတ်လိုက်ပြီးအသွားအလာတားလိုက်တယ်”ဟု ပြည်သူ့ကာကွယ်ရေးတပ်ဖွဲ့-တကောင်းမှ တာ ဝန်ရှိသူတစ်ဦးက ပြောသည်။

Public Service Announcement

Public Service Announcement

Public Service Announcement
Public Service Announcement

ယာဉ်သုံးစီးတိုက်ခိုက်ခံရပြီးနောက် တကောင်းမြို့ပေါ်ရှိ စစ်ကောင်စီတပ်က ယာဉ်တစ်စီးဖြင့်ထွက်လာပြီး (၃)မိုင်ကျေးရွာ အနီးမှနေ၍ ရမ်းသမ်းပစ်ခတ်ရာ အဆိုပါ ကျေးရွာသစ်စက်လိုင်းခန်းမှ ပြည်သူသုံးဦး ကျည်ထိမှန်ဒဏ်ရာများရခဲ့ကြောင်း အထက်ပါတာဝန်ရှိသူက ရှင်းပြသည်။

“(၃)မိုင်သစ်ခွဲစက်က သပိတ်ကျင်းမြို့နယ်ရဲ့ ကြံ့ခိုင်ရေးလွှတ်တော်ကိုယ်စားလှယ်ရဲ့ သစ်စက်။ သူက တကောင်းသားပေါ့။ (၃)မိုင်မှာ လုပ်ငန်းထောင်ထားတာ။ မြို့ထဲက စစ်ကူထွက်တဲ့ကားရောက်လာတော့ လုပ်ငန်းဆိုဒ်ထဲက ပြည်‌သူတွေကပြေးမိပြေးရာပြေးတော့ ရမ်းပစ်တာနဲ့ မှန်သွားတာ။ တစ်ယောက်ကတော့ အခြေအနေမကောင်းဘူး။ အသက်အန္တရာယ်စိုးရိမ်ရတယ်”ဟု ၎င်းတာဝန်ရှိသူက ဆိုသည်။

ထို့ကြောင့် ပြည်သူများအနေဖြင့် တိုက်ခိုက်မှုဖြစ်ပွားရာနေရာများနှင့် စစ်ကောင်စီတပ်နှင့် နီးစပ်သည့်နေရာများတွင် အချိန်ကြာကြာရပ်တန့်နေခြင်းမပြုကြရန်နှင့် စစ်ကောင်စီယာဥ်တန်းများနှင့် ကပ်မလိုက်ကြရန် ပြည်သူ့ကာကွယ်ရေးတပ်ဖွဲ့ -တကောင်းက အသိပေးထားသည်။

ဆက်စပ်သတင်းများ

သတင်း

ပြည်တွင်း၌ ဆေးဝါးများ ရှားပါးလာပြီး ဈေးတက်​​နေချိန်တွင် စစ်ကောင်စီက ​ဈေးကျ​စေရန် ဆိုကာ ဆေးကုမ္ပဏီများကို အရောင်းပြပွဲလုပ်၍ တိုက်ရိုက်ရောင်းချခိုင်းနေကြောင်း ဆေးကုမ္ပဏီထံမှသိရသည်။

သတင်း

မကွေးတိုင်း၊ ချောက်မြို့နယ်၊ ဆူးတောရွာ၌ တပ်စွဲထားသော စစ်ကောင်စီတပ် တိုက်ခိုက်ခံရကြောင်း သတင်းရရှိသည်။

သတင်း

မန္တလေးတိုင်း၊ သပိတ်ကျင်းမြို့နယ်၊ အင်းနက်ကျေးရွာရှိ စစ်ကောင်စီစခန်းကုန်းနှင့် စစ်ဆေးရေးဂိတ်အား တိုက်ခိုက်သိမ်းပိုက်စဉ် စစ်ကောင်စီတပ်သား ရှစ်ဦးသေဆုံးပြီး ရှစ်ဦးဖမ်းမိကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ်(၁)စစ်ဒေသက သတင်းထုတ်ပြန်သည့်။

သတင်း

ချင်းအမျိုးသားတပ်မတော်(CNA) ပူးပေါင်းတပ်ဖွဲ့က စစ်ကောင်စီနှင့် ပူးပေါင်းပြီး ချင်းညီနောင်နှင့် မဟာမိတ်များကို ထိုးစစ်ဆင်ခဲ့ကြောင်း ချင်းညီနောင် အဖွဲ့ဝင်များက ဖမ်းမိ စစ်သုံ့ပန်း ဗိုလ်မှူးရဲမင်းထွန်း၏ ထွက်ဆိုချက်ကို ထုတ်ပြန်ခဲ့သည်။