'/%3E%3C/svg%3E){kind=small}
တက္ကသိုလ်ဝင်စာမေးပွဲကျင်းပမည့်ရက်အတွင်း မြနန္ဒာစစ်ဆင်ရေးအဖြစ် မန္တလေးမြို့၌ တိုက်ခိုက်မှုများ ပြုလုပ်မည်မဟုတ်ကြောင်း အဆိုပါ စစ်ဆင်ရေးအဖွဲ့မှတာဝန်ရှိသူတစ်ဦးက ပြောသည်။
“ခ(စစ်ကောင်စီတပ်သား)တွေက ရှယ်ပတ်နေတာ။ အခုဟာက ခတွေပတ်လို့မဟုတ်ဘူး။ ဆယ်တန်းစာမေးပွဲကြောင့် “ဟု အထက်ပါတာဝန်ရှိသူက ပြောသည်။
တက္ကသိုလ်ဝင်တန်းစာမေးပွဲကို မတ်လ ၈ မှ ၁၇ ရက် အထိပြုလုပ်မည်ဖြစ်သောကြောင့် ယင်းရက်အတွင်း မန္တလေးမြို့၌ စစ်ကောင်စီပစ်မှတ်များကိုတိုက်ခိုက်မှုများ ပြုလုပ်မည်မဟုတ်ကြောင်း မြနန္ဒာစစ်ဆင်ရေးက သတင်းထုတ်ပြန်ထားသည်။
မြနန္ဒာစစ်ဆင်ရေးအနေဖြင့် နှစ်လအတွင်း ဖောက်ခွဲတိုက်ခိုက်မှုများ ၃၀ခန့် ပြုလုပ်ခဲ့ပြီးစစ်ကောင်စီဝင် ၁၀ဦးထက်မနည်းသေဆုံးကြောင်း အထက်ပါတာဝန်ရှိသူက ဆက်ပြောသည်။
Public Service Announcement
မတ်လ ၈ ရက်တွင် စတင်ကျင်းပသည့် တက္ကသိုလ်ဝင်စာမေးပွဲတွင် တစ်နိုင်ငံလုံးအတိုင်းအတာဖြင့် ဖြေဆိုသူ ဦးရေ ၁၈၀,၀၀၀ ခန့်သာရှိကြောင်း အကြမ်းဖက်စစ်ကောင်စီလက်အောက်ခံ ပညာရေးဝန်ကြီးဌာနက သတင်းထုတ်ပြန်ထားသည်။
