မိုချာဆိုင်ကလုန်းမုန်တိုင်း​မေ ၁၄ ရက် နံနက်တွင် မြန်မာနှင့် ဘင်္ဂလားဒေ့ရှ်ကြားမှ တစ်နာရီ​လေတိုက်နှုန်း မိုင် ၇၀ ခန့်မှ ၈၀ ဖြင့် တိုက်ခတ်မည်ဟု အိန္ဒိယမိုးဇလခန့်မှန်း

▪︎နာဂစ် ၊ဂီရိမုန်တိုင်းတို့ထက် အားများစွာ​လျော့နည်းမည်

မိုချာဆိုင်ကလုန်းမုန်တိုင်းသည် ​မေ ၁၄ ရက် မနက် ပိုင်းတွင် မြန်မာနိုင်ငံ​ကျောက်မြို့ဖြူ နှင့် ဘင်္ဂလားဒေ့ရှ်နိုင်ငံ ​ကော့ဘဇားကြားမှ ကမ်းရိုးတန်းကို ဦးတည်၍ တစ်နာရီ​လေတိုက်နှုန်းအနည်းဆုံး ၆၈ မိုင် မှ အများဆုံး မိုင် ၈၀ ​ကျော်နှုန်းဖြင့်တိုက်ခတ်နိုင်​ကြောင်း အိန္ဒိယမိုး​လေဝသနှင့်ဇလ​ဒ​ဗေဒ ဌာနကခန့်မှန်းချက်ထုတ်ပြန်လိုက်သည်။

ဘင်္ဂလားပင်လယ်အော်အရှေ့တောင်ပိုင်းတွင် ဖြစ်ပေါ်နေသော​လေဖိအားနည်းရပ်ဝန်းသည် ​ယမန်​နေ့( မေ ၉ ရက်) ညပိုင်တွင်မုန်တိုင်းငယ်အဖြစ်အား​ကောင်းလာပြီး ယ​နေ့(​မေ၁၀ )ည​နေပိုင်းတွင် ဆိုင်ကလုန်းမုန်တိုင်းအဖြစ်အား​ကောင်းလာမည်ဟု အိန္ဒိယမိုးဇလက ခန့်မှန်းသည်။ မုန်တိုင်လမ်း​ကြောင်းနှင့် မုန်တိုင်း၏ ​လေတိုက်နှုန်းတို့ကိုပါ အ​သေးစိတ် တွက်ချက်ထုတ်ပြန်ထားရာ ​မေ ၁၀ ရက်တွင် အိန္ဒိယမိုးဇလက ထုတ်ပြန်ခြင်းဖြစ်သည်။

မုန်တိုင်းသည် ​မေ ၁၄ ရက်ရက် ၁၀ နာရီ ခွဲ ဝန်ကျင်တွင်မြန်မာနိုင်ငံ​ကျောက်မြို့ဖြူ နှင့် ဘင်္ဂလားဒေ့ရှ်နိုင်ငံ ​ကော့ဘဇားကြားမှ ကမ်းရိုးတန်းကို ဦးတည်၍ တစ်နာရီ​လေတိုက်နှုန်း ၆၈-၇၄ မိုင်​ကျော်( ၁၁၀-၁၂၀ ကီလိုမီတာ)မှ အများဆုံး ၈၀ မိုင်(ကီလိုမီတာ ၁၃၀)နှုန်းဖြင့်ကမ်း​ခြေကိုဖြတ်​ကျော်ဝင်​ရောက်နိုင်​ကြောင်း အိန္ဒိယမိုးဇလကခန့်မှန်းထုတ်ပြန်သည်။ အဆိုပါခန့်မှန်းချက်မှာ ​အိန္ဒိယမိုးဇလက ​မေ ၁၀ ရက်ခန့်မှန်းချက်များဖြစ်ပြီး အ​ပြောင်းအလဲထပ်မံရှိနိုင်​သေးပါသည်။

အဆိုပါ​လေတိုက်နှုန်းနှင့်တိုက်ခတ်ခဲ့ပါက ၂၀၀၈ ​မေလ ၂ ရက်ကတိုက်ခတ်ခဲ့​သောနာဂစ်မုန်တိုင်းထက် အင်အားများစွာ​လျော့ပြီး နာဂစ်မုန်တိုင်းသည် ​လေတိုက်နှုန်းအမြင့်ဆုံးအချိန်တွင် ၁ နာရီလျှင် မိုင် ၁၃၀ ​ကျော် (၂၁၅ ကီလိုမီတာ​ကျော်) နှုန်းဖြင့်တိုက်ခတ်ခဲ့ခြင်းဖြစ်သည်။ ထို့အပြင်၂၀၁၀ ​အောက်တိုဘာ ၂၂ ရက်ကတိုက်ခတ်ခဲ့​သော ဂီရိမုန်တိုင်းထက်လည်းအားနည်းပြီး ဂီရိမုန်တိုင်းမှာ တစ်နာရီ​လေတိုက်နှုန်း အမြင့်ဆုံအချိန်တွင် မိုင် ၁၂၀( ၁၉၅ ကီလိုမီတာ )နှုန်းရှိခဲ့သည်။

Public Service Announcement

လက်ရှိတွင်မုန်တိုင်းငယ်သည်လက်ရှိတည်​နေရာမှမြောက်-အနောက်မြောက်ဘက်သို့ ရွေ့လျားနိုင်ပြီး ယ​နေ့ (မေလ ၁၀ ရက်)ညနေပိုင်းခန့်တွင် ဆိုင်ကလုန်းမုန်တိုင်းအဖြစ်သို့ တဖြည်းဖြည်း အားကောင်းလာနိုင်သည်။မိုချာ မုန်တိုင်းသည် မြောက်-အနောက်မြောက်ဘက်သို့ ဆက်လက်ရွေ့လျားပြီး ဘင်္ဂလားပင်လယ်အော်အရှေ့တောင်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အလယ်ပိုင်းတွင် မေလ ၁၁ ရက်(မနက်ဖြန်) နံနက်ပိုင်းတွင် အားကောင်းသော ဆိုင်ကလုန်းမုန်တိုင်းအဖြစ်သို့ ​ရောက်ရှိမည်ဟုဆိုသည်။

မေလ ၁၁ ရက် ညလယ်ပိုင်းတွင် အလွန်အား​ကောင်းသော ဆိုင်ကလုန်း မုန်တိုင်းအဖြစ်သို့ ​ရောက်ရှိမည်ဟုဆိုသည်။

ထို့နောက် မြောက်-အရှေ့မြောက်ဘက်သို့ ရွေ့လျားပြီး မေလ ၁၃ ရက် နေ့တွင် အနည်းငယ် အား​လျော့မည်ဟုခန်းမှန်းသည်။ ထို​နောက် ဘင်္ဂလားဒေ့ရှ်နိုင်ငံအရှေ့တောင်ဘက် ​ကော့ဘဇား နှင့် မြန်မာကမ်းရိုးတန်း မြောက်ဘက်သို့ ကျောက်ဖြူ တို့ကြားမှ မေလ ၁၄ ရက် နံနက် ၁၀ နာရီခွဲဝန်းကျင်တွင် ဖြတ်သန်းနိုင်ဖွယ်ရှိသည်ဟု ခန့်မှန်းထားခြင်းဖြစ်သည်။

မုန်တိုင်း​ကြောင့် ရခိုင်ကမ်းရိုးတန်း၊ ဧရာဝတီမြစ်ဝကျွန်း​ပေါ်နှင့်ကမ်းရိုးတန်း ၊တနသာ်ရီကန်းရိုးတန်း ၊မတ္တမပင်လယ်​ကွေ့တို့တွင် ​လေပြင်းတိုက်ခတ်ခြင်း ၊မိုးသည်းထန်စွာရွာခြင်း၊ဒီ​ရေတက်ခြင်းများကြုနိုင်​ကြောင်း မိုး​လေဝသပညာရှင်များကခန့်မှန်းထားသည်။ ရခိုင်ပြည်နယ် ၊ဧရာဝတီတိုင်း ၊ရန်ကုန်တိုင်း ၊ တနသာ်ရီတိုင်းတို့တွင်မိုးသည်းထန်စွာရွာသွန်းပြီး ​လေပြင်းများတိုက်ခတ်နိုင်​ကြောင်းသိ့ရသည်။

မုန်တိုင်းဦးတည်ရာအရပ်​ကြောင့် ရခိုင်ကမ်းရိုးတန်း တွင် ကျန်ဒသများထက် မုန်တိုင်းသက်​ရောက်မှုကြုံရမည်ဖြစ်သည်။