Connect with us

Hi, what are you looking for?

LuduNwayOo

သတင်း

ပဲခူးခရိုင် ဗကသဒုဥက္ကဋ္ဌကို စစ်တပ် သတ်ဖြတ်လိုက်တယ်လို့ ဗကသ အသိပေး

ပြီးခဲ့တဲ့ မေလ ၂၈ ရက်က ကိုခန့်လင်းနိုင်အပါအဝင် နိုင်ငံရေးအကျဉ်းသား ၄ဦးကို ထောင်ထဲကနေ စစ်ကောင်စီတပ်က ခေါ်ထုတ်သွားပြီးနောက်အဆက်အသွယ်ပြတ်တောက်သွားတာပါ။

ပဲခူးခရိုင် ဗကသဒုဥက္ကဋ္ဌကို စစ်တပ် သတ်ဖြတ်လိုက်တယ်လို့ ဗကသ အသိပေး
ပဲခူးခရိုင် ဗကသဒုဥက္ကဋ္ဌကို စစ်တပ် သတ်ဖြတ်လိုက်တယ်လို့ ဗကသ အသိပေး

ပဲခူးတိုင်း၊ ဒိုက်ဦးမြို့နယ်၊ ကျိုက်ဇကော ထောင်မှာ ဖမ်းဆီးခံထားရတဲ့ ဗကသ ကျောင်းသား ကိုခန့်လင်းနိုင်ကို စစ်ကောင်စီက သတ်ဖြတ်လိုက်တယ်လို့ ဗကသများအဖွဲ့ချုပ်က ဒီနေ့မနက်ပိုင်းမှာအသိပေးပါတယ်။

ပြီးခဲ့တဲ့ မေလ ၂၈ ရက်က ကိုခန့်လင်းနိုင်အပါအဝင် နိုင်ငံရေးအကျဉ်းသား ၄ဦးကို ထောင်ထဲကနေ စစ်ကောင်စီတပ်က ခေါ်ထုတ်သွားပြီးနောက်အဆက်အသွယ်ပြတ်တောက်သွားတာပါ။

အဆက်အသွယ်ပြန်ရချိန် မှာတော့ ကိုခန့်လင်းနိုင် စစ်တပ်လက်ချက်နဲ့သေဆုံးသွားပြီဆိုတာကို မနေ့ ဇူလိုင်လ ၇ ရက်မှာ သိရတာလို့ ဗကသများအဖွဲ့ချုပ်ကဆိုပါတယ်။

” မနေ့ညကမှ ကိုခန့်လင်းနိုင် ကျသွားပြီ ဆိုတဲ့ သတင်းကို ကြားရတာပါ။ ကျွန်တော်လည်း မယုံနိုင်လို့ မဟုတ်ပါစေနဲ့ ဆုတောင်းနေတာ ဆုတောင်းမပြည့်ခဲ့ဘူး။ ဒီမနက် ဗကသအဖွဲ့ချုပ်မှာလည်း ကိုခန့်လင်းနိုင် ကျသွားတဲ့ သတင်း တင်ထားတာ တွေ့ပါတယ်။ ဖြစ်စဥ်အသေးစိတ်ကိုတော့ သေချာမသိရသေးဘူး။ စုံစမ်းနေကြတုန်းပါပဲ ” လို့ တော်လှန်ရေးအင်အားစုမှ ကျောင်းသားတစ်ဦးက ပြောပါတယ်။

Public Service Announcement

Public Service Announcement

ပဲခူးခရိုင် ဗကသ ဒုဥက္ကဋ္ဌ ကိုခန့်လင်းနိုင်ကို စစ်ကောင်စီတပ်က ၂၀၂၁ ခုနှစ် ဒီဇင်ဘာလ အတွင်းဖမ်းဆီးခဲ့တာပါ။

အဲဒီနောက်အကြမ်းဖက်ပုဒ်မနဲ့ ထောင်ဒဏ် ၁၅ နှစ်ချထားတာဖြစ်ပါတယ်။

မုံရွာထောင်မှာလည်း ဗကသ ကျောင်းသား ကိုနိုင်ထွန်းဦးကို စစ်ကောင်စီတပ်က ပြီးခဲ့တဲ့ ဖေဖော်ဝါရီလအတွင်း ထောင်ကနေ ခေါ်ထုတ်သွားပြီး ဒီနေ့ထိ အဆက်အသွယ်ပြတ်တောက်နေတယ်လို့သိရပါတယ်။

ဆက်စပ်သတင်းများ

သတင်း

ဒေသခံများသည်၀က်ဝံအားအရှင်ဖမ်းမိရန်(သို့မဟုတ်)သစ်တောဝန်ထမ်းအကူအညီဖြင့် မေ့ဆေးသေနတ်အသုံးပြုပစ်ခတ်ဖမ်းဆီးရန် ကြိုးစားမှုမရှိခဲ့ဘဲ အသေဖမ်းဆီးရန်သာရည်ရွယ်ခဲ့သည်ဟု မြို့ခံကပြောသည်။

သတင်း

စစ်ရာဇဝတ်မှု၊ လူသားမျိုးနွယ်အပေါ် ပြစ်မှုများကို လက်ရဲဇက်ရဲ ဆက်တိုက်ကျူးလွန် ခဲ့သော ဖက်ဆစ် စစ်ကောင်စီအား ကန့်ကွက်ရှုတ်ချကြောင်း AAက ထုတ်ပြန်ခဲ့ပြီး သတိပေးမှုများလည်း ပြုလုပ်ခဲ့သည်။

သတင်း

ဒေသခံအချို့သည် အဆိုပါကျေးရွာမှ ထွက်ပြေးလာပြီး ပြည်သူ့အုပ်ချုပ်ရေးအဖွဲ့များ၊ ပြည်သူ့ကာကွယ်ရေးအဖွဲ့များထံ ခိုလှုံလေ့ရှိကြသည်။

သတင်း

PNO ပြည်သူ့စစ်သည် စစ်ရှောင်များအား တက်ကြွစွာအကူအညီပေးနေသည့် ခွန်ဇာခွန်ကို အညိုးအတေးဖြင့် လိမ်ညာခေါ်ယူသတ်ဖြတ်ခဲ့ခြင်းဖြစ်ပြီး သတ်ဖြတ်ရာ၌လည်း နှိပ်စက်ခဲ့ကြောင်း PNLA ပြောရေးဆိုခွင့်ရှိသူ ခွန်ရိန်းယံက ပြောကြားထားသည်။