အိမ်နီးချင်းနိုင်ငံများ၏ ပြည်တွင်းနိုင်ငံရေးကို အနှောင့်အယှက်ဖြစ်စေသော လှုပ်ရှားမှုများမှ ရှောင်ကြဉ်ရန် ချင်းလူမျိုးတစ်ဦးချင်းနှင့် အဖွဲ့အစည်းများကို အားပေးတိုက်တွန်းကြောင်း ချင်းအမျိုးသားတပ်ဦး(CNF)က ထုတ်ပြန်သည်။
ဇူလိုင် ၁၆ရက် နေ့စွဲဖြင့် ချင်းအမျိုးသားတပ်ဦးက အင်္ဂလိပ်ဘာသာဖြင့် ထုတ်ပြန်ထားသည့် ကြေညာချက်ကို Chinland Information Center က ယနေ့တွင် မြန်မာဘာသာဖြင့် ထုတ်ပြန်ခဲ့ခြင်းဖြစ်သည်။
ပြည်ပနိုင်ငံများ၏ ID entity ကတ်များကို လိမ်လည်ရယူရန် ကြိုးစားခြင်း၊ သို့မဟုတ် တရားဥပဒေစိုးမိုးရေးကို ထိခိုက်စေနိုင်သော တရားမဝင် လှုပ်ရှားမှုများပြုလုပ်ခြင်းများ ရှောင်ကြဉ်ရန်လည်း CNFက ထုတ်ပြန်သည်။
CNF နှင့် မဟာမိတ်များသည် အိမ်နီးချင်းနိုင်ငံများထံ မူးယစ်ဆေးဝါးများ အထူးသဖြင့် မူးယစ်ဆေးဝါးရောင်းဝယ်ဖောက်ကားမှု သို့မဟုတ် တရားမဝင်မှောင်ခိုပစ္စည်းများကို သည်းမခံနိုင်ကြောင်း၊ အိမ်နီးချင်းနိုင်ငံများနှင့် ဖော်ရွေစွာနေထိုင်နိုင်ပြီး လုံခြုံသောပတ်ဝန်းကျင်ရှိစေရေး အာမခံကြောင်း ဖော်ပြထားသည်။
Public Service Announcement
ချင်းလူမျိုးများအတွက် အန္တရာယ်ဖြစ်စေနိုင်သော လုပ်ဆောင်ချက် သို့မဟုတ် လုပ်ဆောင်ချက်မှန်သမျှကို လက်ခံနိုင်ဖွယ်မရှိဟု မှတ်ယူမည်ဖြစ်ပြီး ယင်းအတွက် လိုအပ်သော အရေးယူဆောင်ရွက်မှုများ ပြုလုပ်မည်ဟုလည်း သတိပေးထားသည်။
အာဏာသိမ်းပြီးနောက် ချင်းပြည်နယ် ဒေသခံအများအပြားသည် စစ်ကောင်စီရန်ကြောင့် နယ်မြေချင်း စပ်ဆက်နေသည့် အိန္ဒိယနိုင်ငံဘက်သို့ စစ်ဘေးရှောင်ရောက်ရှိလျက်ရှိသည့် အခြေအနေတွင် CNFက ယခုကဲ့သို့ ကြေညာချက် ထုတ်ပြန်ခဲ့ခြင်းဖြစ်သည်။
