စစ်ကောင်စီတပ် လေကြောင်းတိုက်ခိုက်
စစ်ကောင်စီတပ် လေကြောင်းတိုက်ခိုက်ရှမ်းပြည်နယ်မြောက်ပိုင်း လားရှိုးမြို့နယ်တွင် တအာင်းတပ်မတော်(TNLA)နှင့် စစ်ကောင်စီတပ်တို့ နှစ်ရက်ဆက် တိုက်ပွဲဖြစ်ပွားခဲ့ကြောင်း TNLAက သတင်းထုတ်ပြန်သည်။
ယမန်နေ့ (ဩဂုတ် ၁၀ရက်)က TNLA တပ်မဟာ (၆)စစ်ဒေသ၊ လားရှိုးမြို့နယ်၊ မိုင်းယော်တိုက်နယ်၊ နမ့်လောင်းကျေးရွာအနီးရှိ PSLF/TNLA ၏တပ်စခန်းအား စစ်ကောင်စီက ရဟတ်ယာဉ်ဖြင့် လာရောက်ပစ်ခတ်ပြီးနောက် တိုက်ပွဲဖြစ်ပွားခဲ့သည်ဟု ဆိုသည်။
နေ့လယ် ၂နာရီခန့်တွင် တိုက်ခိုက်ရေးရဟတ်ယာဉ်ဖြင့် လာရောက်ပစ်ခတ်ပြီးနောက် နာရီဝက်ခန့်အကြာတွင် စစ်ကောင်စီတပ်နှင့် TNLA တို့ တိုက်ပွဲဖြစ်ပွားခဲ့ရာ ၄နာရီခန့်ကြာ တိုက်ပွဲပြင်းထန်ခဲ့သည်ဟု ဆိုသည်။
စစ်ကောင်စီ၏ ခမရ (၁၆)၊ ခလရ(၆၈)နှင့် TNLA တို့ တိုက်ပွဲဖြစ်ပွားခဲ့ခြင်းဖြစ်ပြီး စစ်ကောင်စီတပ်မှ ထိခိုက်ကျဆုံးရှိနေသည်ဟု ဖော်ပြသည်။
Public Service Announcement
စစ်ကောင်စီတပ် သေဆုံးမှုအရေအတွက်ကို မသိရသေးဟု TNLAက ထုတ်ပြန်သည်။
အဆိုပါ စစ်ကောင်စီတပ်နှင့် TNLA တို့သည် ဩဂုတ် ၉ရက်ကလည်း နေ့လယ် ၁နာရီခွဲမှ ညနေ ၅နာရီထိ တိုက်ပွဲပြင်းထန်ခဲ့ကြောင်း အသိပေးသည်။
“ဒီနေ့ကတော့ အခုအချိန်ထိတော့ ငြိမ်နေသေးတာပေါ့”ဟု TNLA သတင်းပြန်ကြားရေးအရာရှိက ပြောသည်။
ထို့အပြင် စစ်ကောင်စီတပ်က ထပ်မံအင်အားဖြည့်တင်းနေကြာင်းလည်း TNLAက ထုတ်ပြန်သည်။
TNLAနှင့် စစ်ကောင်စီတပ်တို့သည် ဇူလိုင်အတွင်းကလည်း တိုက်ပွဲများပြင်းထန်ခဲ့ပြီး ဇူလိုင် ၂၃ ရက်မှယနေ့အထိ တိုက်ပွဲ ၁၁ကြိမ်ဖြစ်ပွားခဲ့ရာ စစ်ကောင်စီတပ်ဖွဲ့ဝင် ၂၅ဦးထက်မနည်းသေဆုံးကာ ဒဏ်ရာရသူများလည်းရှိခဲ့သည်။ TNLA ရဲဘော်အချို့ ထိခိုက်ကျဆုံးရှိခဲ့သော်လည်း တရားဝင် သတင်းထုတ်ပြန်ခြင်းမရှိသေးပေ။
