'/%3E%3C/svg%3E){kind=small}
People’s Spring
ရှမ်းပြည်မြောက်ပိုင်း မူဆယ် ၊ကွတ်ခိုင် နဲ့ မန္တလေးတိုင်းမိုးကုတ်မြို့နယ်တွေထဲမှာ ပြီးခဲ့တဲ့ စက်တင်ဘာလအတွင်း စစ်ကောင်စီတပ်နဲ့ တိုက်ပွဲ ၄၀ ကျော် ဖြစ်ပွားခဲ့တယ်လို့ တအောင်းတပ်မတော် (TNLA) က စစ်ရေးသတင်းဖော်ပြပါတယ်။
အာဏာသိမ်းပြီးနောက် စစ်တပ်နဲ့ TNLA ကြား ထိတွေ့တိုက်ပွဲနည်းပါးခဲ့ရာကနေ အခုနှစ် ဇူလိုင်လလယ်ကစတင်ပြီး တိုက်ပွဲတွေ ပြန် ဖြစ်ပွားလာတာလို့ TNLA က ဆိုပါတယ်။
တရုတ် − မြန်မာ နယ်စပ် မူဆယ်မြို့က တိုက်ပွဲတွေဟာဆိုရင် စစ်ကောင်စီတပ်နဲ့ ပြည်သူ့စစ် ပူးပေါင်းအဖွဲ့ဟာ TNLA တပ်ရှိရာကို နေ့စဉ်နီးပါး ထိုးစစ်ဆင်ရာကနေ တိုက်ပွဲဖြစ်တာလို့ TNLA ရဲ့ ဖော်ပြချက်မှာပါရှိပါတယ်။
Public Service Announcement
ကွတ်ခိုင်ဘက်မှာတော့ နယ်မြေလုံခြုံရေးလုပ်နေတဲ့ TNLA တပ်နဲ့ စစ်ကောင်စီတပ်တို့ထိပ်တိုက်တွေ့ပြီး တိုက်ပွဲဖြစ်ကြတာလို့သိရပါတယ်။
မိုးကုတ်တိုက်ပွဲဟာ TNLA စခန်းတွေကို စစ်ကောင်စီတပ် ထိုးစစ်ဆင်လာလို့ တန်ပြန်တိုက်ခိုက်ရာမှာ တိုက်ပွဲပြင်းထန်ခဲ့ရတယ်လို့ TNLA ရဲ့စစ်ရေးသတင်းမှာဖော်ပြပါတယ်။
မူဆယ် ၊ကွတ်ခိုင်နဲ့ မိုးကုတ်တိုက်ပွဲတွေမှာ စစ်ကောင်စီက လေကြောင်းတိုက်ခိုက်မှု အကြိမ် ၂၀ ထက်မနည်း ပြုလုပ်ခဲ့ပြီး လက်နက်ကြီး နဲ့ အကြိမ် ၄၀၀ ကျော် ပစ်ခတ်ခဲ့တယ်လို့ TNLA ရဲ့စာရင်းအရသိရပါတယ်။
မူဆယ်မြို့နယ်ထဲက TNLA စခန်းတစ်ခုကိုလည်း ဖျက်အားပြင်း ပေါင် ၅၀၀ ဗုံးနဲ့ ကြဲချခံရတာရှိခဲ့ပါတယ်။
