ရှမ်းပြည်နယ်နဲ့ ကချင်ပြည်နယ် အစပ်က ရွှေလီကြိုးတံတား မှာ ရှိတဲ့ စစ်ကောင်စီတပ်စခန်းကို ဒီနေ့မနက်ပိုင်းမှာ တိုက်ယူလိုက်တယ်လို့ တအာင်းတပ် (TNLA) က စစ်ရေးသတင်းထုတ်ပြန်ပါတယ်။
ရွှေလီမြစ်ကူး ကြိုးတံတားမှာ ရှိတဲ့ စစ်ကောင်စီတပ်စန်းကို မနက် ၆ နာရီ ၅၅ မိနစ်မှာ သိမ်းယူလိုက်တာလို့ သိရပါတယ်။
အဲဒီတံတားဟာ ရှမ်းပြည်နယ် နမ့်ခမ်းမြို့နယ်နဲ့ကချင်ပြည်နယ် မန့်ဝိန်းကြီးမြို့ကို ဆက်သွယ်ထားပြီး စစ်ရေးအရ ဗျုဟာကျတဲ့နေရာမှာရှိပါတယ်။
ကြိုးတံတားခြေရင်းမှာရှိတဲ့ စစ်ကောင်စီတပ်စခန်းကို တိုက်ခိုက်နေချိန်မှာ စစ်ကောင်စီလေတပ်က တိုက်လေယာဉ်နဲ့ ၃ ကြိမ် လာရောက်ပစ်ခတ်တိုက်ခိုက်ခဲ့တယ်လို့ TNLA က ဆိုပါတယ်။
Public Service Announcement
ဒီမနက်တိုက်ခိုက်မှုဟာ မြောက်ပိုင်းညီနောင်မဟာမိတ်သုံးဖွဲ့ ကိုးကန့်တပ် MNDAA နဲ့ တအာင်းတပ်TNLA နဲ့ ရက္ခိုင့်တပ်( AA) တို့ ရဲ့ ၁၀၂၇ စစ်ဆင်ရေး အဖြစ် တိုက်ခိုက်တာလို့သိရပါတယ်။
