ရာဇဂြိုလ်ရဲဘက်စခန်း နှင့်မြောက်စီးရွာရဲစခန်းကိုလည်း​တော်လှန်​ရေးအဖွဲ့များသိမ်းပိုက်

▪︎စစ်တပ်နှင့်ရဲ့ပူး​ပေါင်းတပ်စွဲထား​သောခါမ်းပါတ်ရဲစခန်းသိမ်းလိုက်၍ ခါမ်းပါတ်မြို့ကို ​တော်လှန်​ရေးအဖွဲ့များထိန်းချုပ်နိုင်ပြီဟု ​ဒေသခံ​ပြောကလေးမြို့နယ်ရှိ ရာဇဂြိုလ်ရဲဘက်စခန်း နှင့်မြောက်စီးရွာရဲစခန်းတို့ကို ​တော်လှန်ရေးအဖွဲ့များက ယနေ့ နံနက် တိုက်ခိုက်သိမ်းပိုက်လိုက်ပြီ ဖြစ်​သည်။

“ရေစဂြိုလ်ရော၊ မြောက်စီးရောရပြီ။ ကျန်တာကို စစ်ဒေသက တရားဝင်ထုတ်လာလိမ့်မယ်” ဟု ကလေးမြို့နယ် ပြည်သူ့ကာကွယ်ရေးတပ်ဖွဲ့ဝင်တစ်ဦးက People’s Spring သို့ ယနေ့ နံနက် ၁၀ နာရီ ၄၃ မိနစ်တွင် ပြောသည်။

ထိုစခန်းနှစ်ခု၌ စစ်ကောင်စီ၊ရဲနှင့် ပျုစောထီးအများအပြား တပ်စွဲထားခြင်းဖြစ်သည်။ ယနေ့ စခန်းသိမ်းတိုက်ပွဲတွင် စစ်ကောင်စီဘက်မှ ထိခိုက်​သေဆုံးမှုအ​ခြေအ​နေကိုမူ အသေးစိတ်မသိရသေးပေ။

ထို​ကြောင့် ယ​နေ့နံနက်တွင် ခါမ်းပါတ် မြို့ရှိစစ်တပ်နှင့်ရဲများ အထိုင်ချထား​​သော မြို့မ ရဲစခန်းနှင့်ဝိတုတ်ရွာရှိစစ်စခန်းကိုပါ​တော်လှန်​ရေးအဖွဲ့များကသိမ်းပိုက်ခဲ့ပြီဖြစ်၍ ​တော်လှန်​ရေးအဖွဲ့များက စစ်စခန်းအနည်းဆုံး ၄ ခုကိုသိမ်းနိုင်ခဲ့ခြင်းဖြစ်သည်။ ခါမ်းပါတ်တွင် စစ်တပ်အဓိကတပ်စွဲ​နေ​သော စခန်းကိုသိမ်းနိုင်ခဲ့ပြီဖြစ်၍ ခါမ်းပါတ်မြို့ကိုပါ ​တော်လှန်​ရေးအဖွဲ့များက စိုးမိုးနိုင်ပြီဖြစ်​ကြောင်းဒသခံများက​ပြောသည်။

Public Service Announcement

​တော်လှန်​ရေးအဖွဲ့များက က​လေး-တမူး အာရှအ​ဝေး​ပြေးလမ်းမ​ပေါ်ရှိ အဓိကစစ်စခန်းများကို ယ​နေ့နံနက်အ​စောပိုင်းတွင်တစ်ချိန်တည်း တိုက်ခိုက်ခဲ့ခြင်းဖြစ်သည်။စစ်တပ်က ​လေ​ကြောင်းပစ်ကူလည​သော်လည်း စခန်းများကို ​တော်လှန်​ရေးအဖွဲ့များက တိုက်ခိုက်သိမ်းပိုက်နိုင်ခဲ့သည်။

စစ်​ကောင်စီတပ်စခန်းများကို PDF ခရိုင်တပ်ရင်းများ၊KIA ၊ABSDF နှင့် အခြား​တော်လှန်​ရေးအဖွဲ့များကပူး​ပေါင်းတိုက်ခိုက်​နေခြင်းဖြစ်သည်။

တမူးမြို့​ပေါ်တွင်တိုက်ပွဲမဖြစ်​သေး​သော်လည်း စစ်​ကောင်စီတပ်ကအစစ်အ​ဆေးကြမ်း​နေပြီး ယ​နေ့မနက်မှာပင် က​လေး-တမူး အာရှအ​ဝေး​ပြေးလမ်းကို စစ်တပ်ကပိတ်လိုက်သည်။

“ခါမ်းပါတ်စခန်းသိမ်းလိုက်ပြီဆိုတော့ထပ်တိုက်စရာဆိုလို တမူးစစ်စခန်းနဲ့ ကလေးမြို့ပဲရှိတော့တယ်။တမူးသိမ်းလိုက်ရင်တမူးခရိုင်တစ်ခုလုံးလွတ်လပ်သွားတော့မှာ”ဟု​ဒေသခံတစ်ဦးက​ပြောသည်။