ဆားလင်းကြီးတွင် ရဲတပ်သားတစ်ဦးသည်သေနတ် ၂လက်နှင့်ခဲယမ်းများယူ ဆောင်လာပြီး အလင်းဝင်

ဆားလင်းကြီးမြို့နယ်တွင် ရဲတပ်သားတစ်ဦးသည် သေနတ်နှစ် လက်၊ကျည်ဆံနှင့်ခဲယမ်းအများအပြားယူ ဆောင်လာပြီး ပြည်သူ့ကာကွယ်ရေးတပ်ဖွဲ့ထံအလင်းဝင်လာသည်။

ဆားလင်းကြီးမြို့မရဲစခန်းမှရဲတပ်သား ဝေလျှံကျော်သည် ဆားလင်းကြီးမြို့နယ် သမန်းကျားပြည်သူ့ကာကွယ်ရေးတပ်ဖွဲ့ထံ ဒီဇင်ဘာလ ၆ ရက်တွင် အလင်းဝင်လာခဲ့ခြင်းဖြစ်သည်။

“သမန်းကျားအဖွဲ့ဘက်ကို ချိတ်ဆက်ဝင်လာတာ။သေနတ် နှစ်လက်တောင်ပါတယ်” ဟု ဆာလင်းကြီးမြို့နယ်မှ ပြည်သူ့ကာကွယ်ရေးရဲဘော်တစ်ဦးကပြောသည်။

အလင်းဝင်ရဲတပ်သားသည် G3 သေနတ် တစ်လက်၊MA 4 တစ်လက်၊ ကျည်ဘောက် ခြောက်ခု၊ ကျည်ဆံ ၇၀၀ ကျော်၊ ၄၀ မမ ဗုံးသီးအပါအဝင် ဗုံးလေးလုံးလည်း ယူဆောင်လာကြောင်းသတင်းရရှိသည်။

Public Service Announcement

ထနုအပြင် ကနီမြို့တွင်လည်း စစ်ကောင်စီတပ်ဖွဲ့ဝင်တစ်ဦး လက်နက်ခဲယမ်းများနှင့်အတူ ပြည်သူ့ကာကွယ်ရေးတပ်ဖွဲ့ထံ လက်နက်ချအလင်းဝင်လာကြောင်း ကနဦးသတင်းရရှိထားသည်။

စစ်ကိုင်းတိုင်းအတွင်းမှ မြို့နယ်ပြည်သူ့အုပ်ချုပ်ရေးအဖွဲ့များက စစ်ကောင်စီလက်အောက်ခံ Non CDM များ အလင်းဝင်ရန် တိုက်တွန်းချက်များ ဆက်တိုက်ထုတ်ပြန်နေသည်။