Connect with us

Hi, what are you looking for?

LuduNwayOo

သတင်း

သပိတ်ကျင်းမြို့နယ်တွင် ပြည်သူသုံးထောင်ခန့် စစ်ရှောင်နေရပြီး စားနပ်ရိက္ခာအခက်အခဲများရှိ​နေ

မတ်လ ၇ရက်တွင် စစ်ကောင်စီက လေကြောင်းမှ သုံးကြိမ် ဗုံးကြဲတိုက်ခိုက်ပြီး စက်သေနတ်ဖြင့် ပစ်ခတ်တိုက်ခိုက်ခဲ့ကြောင်း၊ တိုက်ပွဲအတွင်း PDF ရဲဘော် တစ်ဦးကျဆုံးခဲ့ရကြောင်း အမှတ် (၁)စစ်ဒေသရုံးက ထပ်မံအသိပေးသည်။

(ပြီးခဲ့သည့် ၂၀၂၃က သပိတ်ကျင်းမြို့နယ်အတွင်း တိုက်ပွဲများကြောင့် တိမ်းရှောင်ခဲ့ရသည့်ပြည်သူများအား တွေ့ရစဥ်။ ဓာတ်ပုံ - CJ)
(ပြီးခဲ့သည့် ၂၀၂၃က သပိတ်ကျင်းမြို့နယ်အတွင်း တိုက်ပွဲများကြောင့် တိမ်းရှောင်ခဲ့ရသည့်ပြည်သူများအား တွေ့ရစဥ်။ ဓာတ်ပုံ - CJ)

မန္တလေးတိုင်း၊ သပိတ်ကျင်းမြို့နယ်တွင် တိုက်ပွဲပြင်းထန်ခဲ့၍ ဒေသခံပြည်သူသုံးထောင်ခန့် စစ်ရှောင်နေရပြီး စားနပ်ရိက္ခာအတွက် အခက်အခဲများရှိ​နေကြောင်း သတင်းရရှိသည်။

မတ်လ ၅ရက်‌မှ ၇ရက်‌အထိ သပိတ်ကျင်းမြို့နယ်ရှိ မတောင်ရွာ၊ မန်ကျည်းကုန်းရွာနှင့် ဆင်ညှပ်ကုန်းကျေးရွာများသို့ တကောင်းမြို့ဘက်မှအပါအဝင် စစ်ကောင်စီစစ်ကြောင်းနှစ်ကြောင်း ထိုးလာခဲ့သည်။

အဆိုပါ စစ်ကြောင်းနှစ်ကြောင်းနှင့် အထူးလှုပ်ရှားတပ်ရင်း-၃၊ အမှတ် (၅၁၁) တပ်ရင်း၊ အမှတ် (၅၁၂) တပ်ရင်း၊ မန္တလေးတိုင်း ဒရုန်းတပ်ဖွဲ့နှင့် သပိတ်ကျင်းမြို့နယ် ပကဖတို့က သုံးရက်​ကြာ တိုက်ပွဲဖြစ်ပွားခဲ့သည်။

တိုက်ပွဲများကြောင့် ကျေးရွာ ငါးရွာမှ ဒေသခံပြည်သူပေါင်း သုံးထောင်ခန့် ထွက်ပြေးတိမ်းရှောင်နေရကြောင်း သပိတ်ကျင်းပကဖအဖွဲ့ တာဝန်ရှိသူက ပြောသည်။

Public Service Announcement

Public Service Announcement

“တိုက်ပွဲနဲ့ ပက်သက်ပြီး ပြောရရင် အောင်မြင်ခဲ့တဲ့ ပွဲလို့ ပြောနိုင်ပါတယ်။ ဒါပေမယ့် စစ်ကြောင်းထိုးလာပြီ တိုက်ပွဲဖြစ်ပြီဆို ပထမဆုံး အခက်အခဲကြုံရတာ ပြည်သူတွေပါ။ စစ်ရေးတင်းမာနေလို့ ကားလမ်းတွေ ပိတ်ထားတာ ဖြစ်တဲ့အတွက် ကြောင့်လည်း စစ်ရှောင်ပြည်သူတွေအတွက် စားနပ်ရိက္ခာ အခက်အခဲ ဖြစ်ရပါတယ်။ ကျွန်တော်တို့က စစ်ရေးမှာ အောင်မြင်တာနဲ့ နည်းတူ ပြည်သူလူထုတွေကလည်း ကျွန်တော်တို့နယ်က စစ်ရှောင်တွေကို ကူညီထောက်ပံ့ပေးကြဖို့ တိုက်တွန်းချင်ပါတယ်။”ဟု သပိတ်ကျင်း ပကဖအဖွဲ့ တာဝန်ရှိသူက ပြောသည်။

တိုက်ပွဲများပြင်းထန်ခဲ့၍ စဥ့်ကူး – သပိတ်ကျင်း – တကောင်းလမ်းပိုင်းအား လက်ရှိအချိန်ထိ ယာယီပိတ်ထားသည်။

အဆိုပါ တိုက်ပွဲတွင်မူ စစ်ကောင်စီတပ်မှ အလောင်း ၁၄ လောင်းရရှိပြီး သေနတ်(၁၈) လက်အပါအဝင် ခဲယမ်းများ သိမ်းဆည်းနိုင်ခဲ့ကြောင်း အမှတ်(၁)စစ်ဒေသရုံးက သတင်းထုတ်ပြန်ထားသည်။

သုံးရက်ဆက်ဖြစ်ပွားသောတိုက်ပွဲအတွင်း သေဆုံး၊ဒဏ်ရာရသည့် အရာရှိများကို လေကြောင်းပစ်ကူသုံး၍ စစ်ကောင်စီကပြန်လည်ကောက်ယူသွားသော်လည်း စစ်ကောင်စီတပ်သားလေးဦးအား ပြည်သူ့ကာကွယ်ရေးတပ်ဖွဲ့များက အရှင်ဖမ်းမိခဲ့သည်။

” တပ်သားတွေက အရပ်ဝတ်တွေနဲ့လာတာ။ ကျတော်‌တို့က ဖမ်းမိတော့ ပျုတွေမှတ်လို့။ စစ်ဆေးတော့မှ ဘယ်တပ်ရင်း၊ ကိုယ်ပိုင်အမှတ်ကဘယ်လောက်ဆိုပြီးတော့ ပြောတာ။ ယူနီဖောင်းနဲ့ အရာရှိတွေကို ရအောင်ဆွဲခေါ်သွားပြီး တပ်သားတွေကိုထားခဲ့တာ”ဟု ပြည်သူ့ကာကွယ်ရေး ရဲဘော်တစ်ဦးက ပြောသည်။

မတ်လ ၇ရက်တွင် စစ်ကောင်စီက လေကြောင်းမှ သုံးကြိမ် ဗုံးကြဲတိုက်ခိုက်ပြီး စက်သေနတ်ဖြင့် ပစ်ခတ်တိုက်ခိုက်ခဲ့ကြောင်း၊ တိုက်ပွဲအတွင်း PDF ရဲဘော် တစ်ဦးကျဆုံးခဲ့ရကြောင်း အမှတ် (၁)စစ်ဒေသရုံးက ထပ်မံအသိပေးသည်။

ဆက်စပ်သတင်းများ

သတင်း

ဒေါ်အောင်ဆန်းစုကြည်ဟာ အရင် စစ်အစိုးရ လက်ထက်ကလည်း နေအိမ် အကျယ်ချုပ် ဘဝမှာ ၁၅ နှစ်လောက် နေထိုင်ခဲ့ရပြီး သားနှစ်ဦးဖြစ်တဲ့ အလက်ဇန္ဒားနဲ့ ကင်မ်တို့ကတော့ မိခင်နဲ့ဝေးရာ ဗြိတိန်နိုင်ငံမှာ ကြီးပြင်းခဲ့ကြပါတယ်။

နိုင်ငံတကာ

ရှိန်ဘွမ်က သူဟာ အော့ဘရာဒို လက်ထက်မှာ ရရှိခဲ့တဲ့ တိုးတက်မှုတွေကို ဆက်လက် ထိန်းသိမ်း ပျိုးထောင်ရင်း ပိုမိုကောင်းမွန်အောင် ကြိုးစားသွားမယ်လို့ မဲဆွယ်ခဲ့တာ ဖြစ်ပါတယ်။

သတင်း

စစ်ရာဇဝတ်မှု၊ လူသားမျိုးနွယ်အပေါ် ပြစ်မှုများကို လက်ရဲဇက်ရဲ ဆက်တိုက်ကျူးလွန် ခဲ့သော ဖက်ဆစ် စစ်ကောင်စီအား ကန့်ကွက်ရှုတ်ချကြောင်း AAက ထုတ်ပြန်ခဲ့ပြီး သတိပေးမှုများလည်း ပြုလုပ်ခဲ့သည်။

သတင်း

မေလ ၁၀ ရက်နေ့က တိုက်ပွဲတွေ ပြန်လည် ငြိမ်သက်သွားတဲ့နောက် ရွာသားတချို့က အရဲစွန့်ပြီး နေရပ် ပြန်ကြပေမယ့် လူ ၄၀ ကျော်လောက်ကတော့ လုံခြုံရေး စိတ်မချရသေးတာကြောင့် ထိုင်းပိုင်နက်ဖက်မှာပဲ ဆက်လက် ခိုလှုံနေခဲ့တယ်လို့ ဆိုပါတယ်။