Connect with us

Hi, what are you looking for?

LuduNwayOo

သတင်း

မန္တလေးမြို့ပေါ်ရပ်ကွက်တွေမှာ စစ်မှုထမ်းဖို့ စစ်ကောင်စီစာရင်းကောက်ယူ

စစ်မှုထမ်းဖို့လူသစ်စုရာမှာအမျိုးသမီးတွေကိုဦးစားပေးခေါ်ယူမှာမဟုတ်ဘဲ အသက် ၁၈ နှစ်ကနေ ၃၅နှစ်ကြား လူငယ်အမျိုးသားတွေကို ခေါ်ယူမှာပါ။

မန္တလေးတိုင်းအတွင်း စစ်ကောင်စီရဲ့ စစ်သင်တန်းကိုတွေ့ရစဉ်
မန္တလေးတိုင်းအတွင်း စစ်ကောင်စီရဲ့ စစ်သင်တန်းကိုတွေ့ရစဉ်

မန္တလေးမြို့ပေါ်ရပ်ကွက်တွေမှာ စစ်မှုထမ်းဖို့သတ်မှတ်အသက်အကြုံးဝင်သူတွေကို စစ်ကောင်စီ လက်အောက်ခံ အုပ်ချုပ်ရေးပိုင်းကစာရင်းကောက်ယူနေပါပြီ။

ချမ်းအေးသာစံ ၊မဟာအောင်မြေနဲ့ အောင်မြေသာစံမြို့နယ်တွေမှာ ဒီနေ့ နေ့ခင်းပိုင်းက တစ်အိမ်တက်ဆင်း စာရင်းကောက်ပြီး စစ်မှုထမ်းအရွယ်ရောက်သူတွေ စာရင်းသွင်းရမယ့် ပုံစံစာရွက် ပေးသွားတယ်လို့ ဒေသခံတွေဆီကသိရပါတယ်။

” အုပ်ကြီးနဲ့ အုပ်ကြီးနောက်လိုက် နှစ်ယောက်လာသွားတာ ၊ ဖောင်ဖြည့်ဖို့စာရွက်တွေပေးသွားတယ်”လို့ လုံခြုံရေးအရ နေရပ်မဖော်ပြလိုတဲ့ အသက် ၁၉အရွယ်လူငယ်တစ်ဦးကပြောပါတယ်။

စာရင်းကောက်ယူရာမှာ အမည် ၊ မှတ်ပုံတင် ၊ မွေးသက္ကရာဇ်နဲ့ အလုပ်အကိုင် အချက်အလက်တွေ ကောက်ယူသွားတာပါ။

Public Service Announcement

Public Service Announcement

မဟာအောင်မြေမြို့နယ်မှာတော့ အသက် ပြည့်မီတဲ့ အမျိုးသားတွေကို ပုံစံစာရွက်နဲ့ ဓာတ်ပုံ ၆ ယူပြီး ရပ်ကွက်ရုံး ဆီ လာဖို့ တပါတည်း အသိပေးသွားတယ်လို့သိရပါတယ်။

ဒီနေ့ စာရင်းကောက်တာကို ချမ်းအေးသာစံမြို့နယ် ကံကောက် ၊ ယာဉ်ပျံ ၊ကျန်းမာရေး ၊ ရွှေယဉ်မွန် ၊ အောင်မြေသာစံမြို့နယ် ကညောင်ကွဲနဲ့ မဟာအောင်မြေမြို့နယ်ထဲ က စိန်ပန်း ၊ဟေမာလာတောင် ရပ်ကွက်တွေမှာကောက်ယူသွားတာပါ။

စစ်ကောင်စီဟာ စစ်မှုထမ်းဥပဒေကိုအကောင်အထည်ဖော်ဖို့ အသက်ပြည့်မီသူတွေကို စာရင်းကောက်ယူတာ ၊ ရပ်ကွက်ရုံးတွေဆီ ဆင့်ခေါ်တာကို နေပြည်တော် ၊ရန်ကုန်နဲ့ မန္တလေးမြို့ကြီးတွေမှာ အခုရက်ပိုင်းတွေ အတွင်း အပူတပြင်းလုပ်ဆောင်လာတာပါ။

စစ်မှုထမ်းဥပဒေ အတွက်သုံးစွဲမယ့် ကုန်ကျစရိတ်ကို လာမယ့်ဧပြီလ ၁ ရက် မှာ စတင်မယ့် ဘတ်ဂျက်မှာ ထည့်သွင်းထားပြီးဖြစ်သလို စစ်သင်တန်းကျောင်းတွေကို ပြင်ဆင်ထားပြီးပြီလို့ စစ်ကောင်စီက ကြေညာထားပါတယ်။

စစ်မှုထမ်းဖို့လူသစ်စုရာမှာအမျိုးသမီးတွေကိုဦးစားပေးခေါ်ယူမှာမဟုတ်ဘဲ အသက် ၁၈ နှစ်ကနေ ၃၅နှစ်ကြား လူငယ်အမျိုးသားတွေကို ခေါ်ယူမှာပါ။

အပတ်စဉ်တစ်ခုကို လူငါးထောင်နှုန်းနဲ့တစ်နှစ်ကို လူခြောက်သောင်းစုမှာဖြစ်ပြီး လာမယ့်ဧပြီ သင်္ကြန်ရုံးပိတ်ရက် အပြီး အကောင်အထည်ဖော်မှာလည်းဖြစ်ပါတယ်။

ဓာတ်ပုံ − စစ်ကောင်စီ

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ခလရ(၁၄၂)အား KIA က မသိမ်းပိုက်မီ ယင်းတပ်ရင်းထဲမှ ကျပ်သိန်းပေါင်း ငါးသောင်းကျော်အား နယ်စပ်ဖြတ်ကျော်၍ ယူဆောင်လာခွင့်ပြုရန် စစ်ကောင်စီ၏တောင်းဆိုမှုကို တရုတ်ကပယ်ချခဲ့ကြောင်း People's Spring က စုံစမ်းသိရှိရသည်။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။