Connect with us

Hi, what are you looking for?

LuduNwayOo

သတင်း

စစ်တပ်အင်အား ၅၀၀ကျော်ရှိ မောင်တောမြို့နယ် ကြိမ်ချောင်းဗျူဟာစခန်းသိမ်းရဟု AA ထုတ်ပြန်

မောင်တောမြို့နယ်၊ ကံပြင်သာစည်ကျေးရွာ၏ အရှေ့ဘက် တွင်လည်း ဧပြီ ၁၀ရက်က တိုက်ပွဲဖြစ်ပွားရာ စစ်ကောင်စီတပ်မှ ၆ဦးသေဆုံးပြီး၈ဦးခန့် ဒဏ်ရာရခဲ့ကြောင်း ထုတ်ပြန်သည်။

(ရက္ခိုင့်တပ်တော်(AA)မှ ရဲဘော်များအား စစ်ကောင်စီတပ်စခန်းတစ်ခု သိမ်းပိုက်ပြီးနောက် တွေ့ရစဉ်။ ဓာတ်ပုံ - AA)
(ရက္ခိုင့်တပ်တော်(AA)မှ ရဲဘော်များအား စစ်ကောင်စီတပ်စခန်းတစ်ခု သိမ်းပိုက်ပြီးနောက် တွေ့ရစဉ်။ ဓာတ်ပုံ - AA)

▪️ရန်သူ့အလောင်းများစွာနှင့် စစ်သုံ့ပန်းအချို့၊ လက်နက်ခဲယမ်းများစွာရဟု ဖော်ပြ

▪️အမ်းအခြေစိုက် နပခ စစ်တိုင်းနှင့် စကခ-၁၅၊ စကခ -၅ အပါအဝင် ကျန်စစ်ကောင်စီစခန်းတိုင်းကို ထိုးစစ်ဆင်မည်ဟုဆို

ရှိုင်း/People’s Spring

ရက္ခိုင်ပြည်နယ် မောင်တောမြို့ရှိ ကြိမ်ချောင်းဗျူဟာစခန်းအား ဧပြီ ၁၂ရက်တွင် သိမ်းပိုက် နိုင်ခဲ့ကြောင်း ရက္ခိုင့်တပ်တော်(AA)က ထုတ်ပြန်သည်။

AA အနေဖြင့် အဆိုပါတပ်စခန်းအား သိမ်းပိုက် နိုင်ရေး လနှင့်ချီ ဝန်းရံပိတ်ဆို့ကာ မတ်လ ၂၃ရက်တွင် ထိုးစစ်အရှိန်မြှင့်တင်ခဲ့ရာ ရက် ပေါင်း ၂၀ကျော်အကြာတွင် အပြီးသတ်သိမ်းနိုင်ခဲ့ခြင်းဖြစ်သည်။

စစ်ကောင်စီတပ်ဖွဲ့ဝင် ၁၀၀ကျော်နှင့် နယ်ခြားစောင့်တပ်ဖွဲ့ဝင် ၄၀၀ခန့် ၊ တပ်မိသားစုဝင် ၁၅၀ခန့်ရှိသည့် အဆိုပါ တပ်စခန်းသိမ်းတိုက်ပွဲတွင် ရန်သူ့အလောင်းအမြောက်အများ ၊ သုံ့ပန်းအချို့နှင့် တပ်မိသားစုဝင်အချို့ကိုဖမ်းဆီးရရှိခဲ့ပြီး လက်နက်ခဲယမ်းများစွာ သိမ်းဆည်းရရှိခဲ့ဟု ထုတ်ပြန်သည်။ ယင်းစခန်းတွင် ဗျူဟာမှူး ဒု-ဗိုလ်မှူးကြီး မင်းစိုးနှင့် ဒုဗိုလ်မှူးကြီးရဲမှူးကြီး ဝင်းမြင့်အောင်တို့ ဦးဆောင်ပြီး AA၏ထိုးစစ်အား အသည်းအသံ ခုခံနေသော ဗျူဟာဖြစ်သည်ဟုလည်း အသိပေးသည်။

Public Service Announcement

Public Service Announcement

ကြိမ်ချောင်းဗျူဟာတိုက်ပွဲတွင် AA ဘက်က ထိခိုက်ကျဆုံးသူ အချို့ရှိခဲ့သည်ဟုလည်း ဖော်ပြသည်။

AA အနေဖြင့် ယခင်ထုတ်ပြန်ထားသည့်အတိုင်း လက်နက်ချအညံ့မခံသေးသောအကြမ်းဖက် စစ်ကောင်စီ၏ စခန်းတိုင်းကို တစ်ခုပြီးတစ်ခု ဆက်လက်တိုက်ခိုက်သွားမည်ဟုလည်း ထုတ်ပြန်ခဲ့ပြီး ကြိမ်ချောင်းဗျူဟာကဲ့သို့ လက်နက်ချအညံ့မခံသော စခန်းများအနေဖြင့် အမြန်ဆုံးလက်နက်ချရန် ထပ်မံသတိပေးသည်။

စစ်ကောင်စီ၏ လက်နက်ချအညံ့မခံသေးသော နပခ၊ အမ်းဌာနချုပ်၊ ဘူးသီးတောင်၊ စကခ (၁၅) ဌာနချုပ် နှင့် တောင်ကုတ်၊ စကခ (၅)အပါအဝင် လက်ကျန်စခန်းတိုင်းကို တစ်ခုမကျန် ဆက်လက်ထိုးစစ်ဆင် တိုက်ခိုက်သွားမည်ဟု ဖော်ပြသည်။

ယခုရက်ပိုင်းအတွင်း အမ်း၊ ဘူးသီးတောင်၊ မောင်တောမြို့နယ်များ၌ တိုက်ပွဲဖြစ်ပွားခဲ့မှုကိုလည်း အသိပေးထုတ်ပြန်သည်။

ဧပြီ ၁၀ရက်က အမ်းမြို့နယ်၊ လုံးကျေးရွာ၏ အနောက်ဘက်၌ စစ်ကောင်စီ အင်အား (၅၀) ခန့်ပါစစ်ကြောင်း နှင့် AA နာရီဝက်ကြာ တိုက်ပွဲဖြစ်ခဲ့ရာ စစ်ကောင်စီတပ် အထိအခိုက်အကျဆုံးရှိခဲ့ပြီး နပခဌာနချုပ်ရှိရာ အမ်းသို့ ပြန်လည် တပ်ဆုတ်သွားသည်ဟု ဖော်ပြသည်။ တိုက်ပွဲအတွင်း AA ဘက်က ထိခိုက်သူ အချို့ရှိခဲ့သည်ဟုလည်း အသိပေးသည်။

ဧပြီ၁၁ရက်ကလည်း အမ်းမြို့နယ်၊ မင်းဘော်ရွာ၏ တောင်ဘက်တွင် တိုက်ပွဲဖြစ်ပွားရာ ရန်သူ့ဘက်မှ မျက်မြင် ငါးဦး သေဆုံးကာ ၁၀ဦးခန့်ဒဏ်ရာရရှိခဲ့သည်ဟု AAက ထုတ်ပြန်ပြီး AA ရဲဘော်များလည်း ထိခိုက်မှုရှိခဲ့သည်ဟု ဆိုသည်။

မောင်တောမြို့နယ်၊ ကံပြင်သာစည်ကျေးရွာ၏ အရှေ့ဘက် တွင်လည်း ဧပြီ ၁၀ရက်က တိုက်ပွဲဖြစ်ပွားရာ စစ်ကောင်စီတပ်မှ ၆ဦးသေဆုံးပြီး၈ဦးခန့် ဒဏ်ရာရခဲ့ကြောင်း ထုတ်ပြန်သည်။

ဆက်စပ်သတင်းများ

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။

သတင်း

အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေဟာ စစ်တပ်ကို နိုင်ငံရေး လုပ်ပိုင်ခွင့်အာဏာ ကြီးကြီးမားမား ပေးအပ်ထားခဲ့သလို လွှတ်တော် ကိုယ်စားလှယ် လေးပုံတစ်ပုံကိုစစ်တပ်ကခန့်အပ်ရမယ်လို့ ပြဋ္ဌာန်းထားခဲ့ပါတယ်။

သတင်း

ဝဲကြီးထောင့်ဆေးရုံ ဗုံးကြဲတိုက်ခိုက်ခံရမှုကြောင့် ဆေးရုံတစ်ခုလုံးနီးပါးပျက်စီးဆုံးရှုံးခဲ့ရပြီး ဆေးဝန်ထမ်း၊ လူနာ နှင့် လူနာစောင့် အရပ်သားပြည်သူ စုစုပေါင်း ၂၀ဦးထက်မနည်း ထိခိုက်ဒဏ်ရာရပြီး သေဆုံးသူအချို့ရှိခဲ့သည်ဟု အသိပေးသည်။

သတင်း

စစ်ကောင်စီ၏တိုက်ခိုက်မှုများကြောင့် ၂၀၂၃ နိုဝင်ဘာ ၁၃ရက်မှ ယခုနှစ်မတ်လ ၂၁ရက်နေ့အထိ အရပ်သား ပြည်သူ ၁၇၉ ဦးသေဆုံးကာ ၄၆၈ ဦး ဒဏ်ရာရရှိခဲ့သည်ဟု AAက ထုတ်ပြန်ထားသည်။