Connect with us

Hi, what are you looking for?

LuduNwayOo

သတင်း

ပြည်သူလူထု သတင်းသိပိုင်ခွင့် ပိုမိုအားကောင်းစေရေး၊ သတင်းရယူပိုင်ခွင့် ပိုမိုအားကောင်းစေရေး ကြိုးပမ်းအားထုတ်သွားမည်ဟု NUG ထုတ်ပြန်

ယနေ့(မေလ ၃ ရက်)ကျရောက်သော ကမ္ဘာ့စာနယ်ဇင်းလွတ်လပ်ခွင့်နေ့တွင် စာနယ်ဇင်းလွတ်လပ်ခွင့်နှင့် သတင်းမီဒီယာဆိုင်ရာ အမျိုးသားညီညွတ်ရေးအစိုးရ သဘောထားရပ်တည်ချက်ကို ထုတ်ပြန်ခဲ့ခြင်းဖြစ်သည်။

(၂၀၂၁ ​ဖေ​ဖော်ဝါရီလ ၂၇ ရက်တွင် ရန်ကုန်မြို့၌ ငြိမ်းချမ်းစွာဆန္ဒပြ​နေ​သော ပြည်သူများကို စစ်​ကောင်စီတပ်ကအကြမ်းဖက်ဖြိုခွင်းရာ ထွက်​ပြေး​နေ​သောပြည်သူအချို့နှင့် စစ်​ကောင်စီ ရန်မှ လွတ်​အောင်​ပြေးရင်း သတင်းဓါတ်ပုံရိုက်ကူး​နေ​​သော သတင်း​ထောက်တစ်ဦး ။ဓါတ်ပုံ-ရိုက်တာ)
(၂၀၂၁ ​ဖေ​ဖော်ဝါရီလ ၂၇ ရက်တွင် ရန်ကုန်မြို့၌ ငြိမ်းချမ်းစွာဆန္ဒပြ​နေ​သော ပြည်သူများကို စစ်​ကောင်စီတပ်ကအကြမ်းဖက်ဖြိုခွင်းရာ ထွက်​ပြေး​နေ​သောပြည်သူအချို့နှင့် စစ်​ကောင်စီ ရန်မှ လွတ်​အောင်​ပြေးရင်း သတင်းဓါတ်ပုံရိုက်ကူး​နေ​​သော သတင်း​ထောက်တစ်ဦး ။ဓါတ်ပုံ-ရိုက်တာ)

လီလီယန်/People’s Spring

ပြည်သူလူထု၏ သတင်းသိပိုင်ခွင့် ပိုမိုအားကောင်းစေရေး၊ လွတ်လပ်သည့် သတင်းမီဒီယာများ သတင်းရယူပိုင်ခွင့် ပိုမိုအားကောင်းစေရေး ကြိုးပမ်းအားထုတ်သွားမည်ဟု အမျိုးသားညီညွတ်ရေးအစိုးရ NUG က ယနေ့ထုတ်ပြန်သည်။

ယနေ့(မေလ ၃ ရက်)ကျရောက်သော ကမ္ဘာ့စာနယ်ဇင်းလွတ်လပ်ခွင့်နေ့တွင် စာနယ်ဇင်းလွတ်လပ်ခွင့်နှင့် သတင်းမီဒီယာဆိုင်ရာ အမျိုးသားညီညွတ်ရေးအစိုးရ သဘောထားရပ်တည်ချက်ကို ထုတ်ပြန်ခဲ့ခြင်းဖြစ်သည်။

NUG ၏ သဘောထားရပ်တည်ချက် ၈ ချက်ပါဝင်ပြီး ပြည်သူလူထုအနေဖြင့် တိုင်းရေးပြည်ရာကိစ္စအဝဝကို သေချာစွာ သိရှိ နားလည် သဘောပေါက်ပြီး အရေးကြီးသည့် ဆုံးဖြတ်ချက်များကို မှန်ကန်စွာ ရွေးချယ် ချမှတ်နိုင်စေရန် စာနယ်ဇင်းလွတ်လပ်ခွင့် နှင့် လွတ်လပ်၍ တာဝန်ယူမှု၊ တာဝန်ခံမှုရှိသော သတင်းမီဒီယာများ၏ အခန်းကဏ္ဍ အထူးအရေးပါသည်ကို လေးနက်စွာ အသိအမှတ်ပြုကြောင်း ဖော်ပြသည်။

Public Service Announcement

Public Service Announcement

ဒေသဆိုင်ရာ တိုင်းရင်းသားမီဒီယာများအပါအဝင်လွတ်လပ်၍ တာဝန်ယူမှု၊ တာဝန်ခံမှုရှိသော သတင်းမီဒီယာများ ခိုင်မာအားကောင်းစွာ ရပ်တည်နိုင်ရေး အားပေးထောက်ခံပြီး စာနယ်ဇင်းလွတ်လပ်ခွင့်သည် ပြည်သူလူထု၏ သတင်းအချက်အလက် သိပိုင်ခွင့် နှင့် စဥ်းစားဆင်ခြင် တွေးခေါ်နိုင်စွမ်း မြင့်မားရေးအတွက် အထူး အရေးပါသည်နှင့်အညီ စာနယ်ဇင်းလွတ်လပ်ခွင့်ကို ကန့်သတ် ချုပ်ခြယ် ပိတ်ပင် တားဆီးသည့် မည်သည့်လုပ်ရပ်မျိုးကိုမဆို အခိုင်အမာ ဆန့်ကျင်ကြောင်း ဖော်ပြသည်။

ထို့အပြင် သတင်းမီဒီယာများ၏ သီးခြားလွတ်လပ်မှု၊ ဘက်မလိုက်မှုနှင့် ဓမ္မဓိဋ္ဌာန်ကျမှုတို့ကို ထိခိုက်စေမည့် ကန့်သတ် တားဆီး ချုပ်ခြယ်မှု မှန်သမျှကို ပြတ်သားစွာ ဆန့်ကျင်ပြီး စာနယ်ဇင်းလွတ်လပ်ခွင့် အားကောင်းခိုင်မာစေရေး အားပေးထောက်ခံသွားမည်ဟု ဆိုသည်။

ယင်းနောက် ပြည်သူလူထု၏ သတင်းသိပိုင်ခွင့် ပိုမိုအားကောင်းစေရေး ကြိုးပမ်းအားထုတ်သွားမည်ဖြစ်ပြီး လွတ်လပ်သည့် သတင်းမီဒီယာများ သတင်းရယူပိုင်ခွင့် ပိုမိုအားကောင်းစေရေး ကြိုးပမ်းအားထုတ်သွားမည်ဟု ဖော်ပြသည်။

နောက်ဆုံးတစ်ချက်မှာ သတင်းမီဒီယာသမားများအား ခြိမ်းခြောက် နှောင့်ယှက်သည့် မည်သည့်လုပ်ရပ်မျိုးကိုမဆို ပြတ်သားစွာ ဆန့်ကျင်ပြီး ထိုလုပ်ရပ်များ ပပျောက်သွားစေရန်နှင့် သတင်းသမားများကို ကာကွယ်ပေးနိုင်ရန် ကြိုးပမ်း လုပ်ဆောင်သွားမည်ဟု NUG ကထုတ်ပြန်သည်။

လွတ်လပ်သော သတင်းမီဒီယာအခန်းကဏ္ဍ အထူးသဖြင့် သတင်းရယူခွင့်နှင့် ပြည်သူများ၏ သတင်းသိပိုင်ခွင့်ကို အသိအမှတ်ပြုထားသည့်အတွက် ကြိုဆိုကြောင်းနှင့် ပူးပေါင်းဆောင်ရွက်သွားမည်ဟု လွတ်လပ်သောမြန်မာသတင်းမီဒီယာကောင်စီ(IPCM)အတွင်းရေးမှူး ဦးတိုးဇော်လတ်က ပြောသည်။

“အခုလိုမျိုး အစိုးရတရပ်အနေနဲ့ တာဝန်သိသိ အချက် ၈ ချက်ပါ အထူးသဖြင့် သတင်းထောက်တွေရဲ့ လုပ်ငန်းဖြစ်တဲ့ သတင်းရယူရေး၊​ အကာအကွယ်ပေးရေးတွေကို လေးစားအသိအမှတ်ပြုပြီး ကူညီသွားမယ်ဆိုတော့ တော်တော် အပြုသဘောဆောင်တယ်လို့ ယူဆပါတယ်။ လောလော

ဆယ် ပြည်တွင်းမှာရော၊ နယ်စပ်ဒေသမှာရော သတင်းရယူခွင့်နဲ့ပတ်သက်လို့ ပြဿနာနည်းနည်းလေးရှိနေတယ်ဗျ။ အဲဒီလိုအချိန်မှာ အခုလိုမျိုး အစိုးရတရပ်အနေနဲ့ ဒါမျိုးထွက်လာတော့ ကျွန်တော်တို့အနေနဲ့ တတပ်တအား ပိုပြီးအားတက်မိပါတယ်” ဟု ၎င်းက ဆိုသည်။

စစ်တပ်အာဏာမသိမ်းမီက မြန်မာနိုင်ငံ၏ သတင်းမီဒီယာညွှန်းကိန်းမှာ နိုင်ငံပေါင်း ၁၈၀ အနက် ၁၃၉ အထိ ရှိခဲ့ပြီး အိမ်နီးချင်း ထိုင်းနိုင်ငံထက် တဆင့်ပိုမြင့်ခဲ့သော်လည်း အာဏာသိမ်းအပြီး သုံးနှစ်အတွင်းအဆိုးရွားအခြေအနေနှင့် မြန်မာသတင်းသမားများရင်ဆိုင်နေရကြောင်း ဦးတိုးဇော်လတ်က ပြောသည်။

“အာဏာမသိမ်းခင်က မြန်မာပြည်ရဲ့သတင်းလွတ်လပ်ခွင့်ညွှန်းကိန်းက ၁၃၉ ရှိတယ်။ ထိုင်းထက်တောင် တစ်ပွိုင့်သာသေးတယ်။ ထိုင်းက ၁၄၀။ ထိုင်းထက် မီဒီယာလွတ်လပ်ခွင့်ရှိခဲ့တယ်။ အခု အဲဒီအခြေအနေကနေ သုံးနှစ်အတွင်း အဆိုးဆုံးဖြစ်သွားတယ်။ ဒီအချိန်မှာတော့ သတင်းမီဒီယာလွတ်လပ်ခွင့် အဆိုးရွားဆုံးနဲ့ မီဒီယာတွေကို ရည်ရွယ်ချက်ရှိရှိ နှိပ်ကွပ်နေတယ်လို့ပြောပါရစေ” ဟု ၎င်းက ဆိုသည်။

နယ်စည်းမခြားသတင်းထောက်များအဖွဲ့(RSF)၏ ယခုနှစ်(၂၀၂၄) ကမ္ဘာတဝန်းသတင်းမီဒီယာညွှန်းကိန်းတွင် နိုင်ငံပေါင်း ၁၈၀အနက် မြန်မာနိုင်ငံက ၁၇၁ တွင် ရပ်တည်နေပြီး RSF စာရင်းအရ အာဏာသိမ်းစစ်ကောင်စီက သတင်းသမား ၅၉ ဦးနှင့် မီဒီယာအလုပ်လုပ်သူ ၃ ဦး စုစုပေါင်း ၆၂ ဦး ဖမ်းဆီးချုပ်နှောင်ထားကြောင်း သိရသည်။

(၂၀၂၁ ​ဖေ​ဖော်ဝါရီလ ၂၇ ရက်တွင် ရန်ကုန်မြို့၌ ငြိမ်းချမ်းစွာဆန္ဒပြ​နေ​သော ပြည်သူများကို စစ်​ကောင်စီတပ်ကအကြမ်းဖက်ဖြိုခွင်းရာ ထွက်​ပြေး​နေ​သောပြည်သူအချို့နှင့် စစ်​ကောင်စီ ရန်မှ လွတ်​အောင်​ပြေးရင်း သတင်းဓါတ်ပုံရိုက်ကူး​နေ​​သော သတင်း​ထောက်တစ်ဦး ။ဓါတ်ပုံ-ရိုက်တာ)

ဆက်စပ်သတင်းများ

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။

သတင်း

အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေဟာ စစ်တပ်ကို နိုင်ငံရေး လုပ်ပိုင်ခွင့်အာဏာ ကြီးကြီးမားမား ပေးအပ်ထားခဲ့သလို လွှတ်တော် ကိုယ်စားလှယ် လေးပုံတစ်ပုံကိုစစ်တပ်ကခန့်အပ်ရမယ်လို့ ပြဋ္ဌာန်းထားခဲ့ပါတယ်။

သတင်း

စစ်အုပ်စုဝင်များသည် ကျေးရွာအတွင်းရှိ နေအိမ်များ မီးရှို့ဖျက်ဆီးခဲ့ရာ တစ်ရွာလုံးမီးလောင်ပြာကျခဲ့ကြောင်း၊ ထို့ပြင် ကလေးသူငယ်များနှင့် အမျိုးသမီးများအပါအဝင် အရပ်သားပြည်သူ ၂၀ ကျော်ကို ဂွေးပင်တောရွာ ဘုန်းကြီးကျောင်းသို့ လူသားဒိုင်းအဖြစ် ဖမ်းဆီးခေါ်ဆောင်သွားခဲ့ကြောင်း သိရသည်။