Connect with us

Hi, what are you looking for?

LuduNwayOo

သတင်း

ဒိုက်ဦးအကျဉ်းထောင်၌ ဆေးဝါးစောင့်ရှောက်မှုမရ၍ နိုင်ငံရေးအကျဥ်းသားတစ်ဦး ထပ်မံသေဆုံး၊ ၄လအတွင်း သေဆုံးသူသုံးဦးအထိရှိလာ

ယခု ၂၀၂၄အတွင်း အကျဥ်းထောင်အသီးသီး၌ ဆေးဝါးစောင့်ရှောက်မှု လုံလောက်စွာမရရှိ၍ နိုင်ငံရေးအကျဉ်းသား ၈ဦးသေဆုံးခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)က ထုတ်ပြန်ထားသည်။

(ဒိုက်ဦးအကျဥ်းထောင်အား တွေ့ရစဥ်။ ဓာတ်ပုံ - PPNM Facebook)
(ဒိုက်ဦးအကျဥ်းထောင်အား တွေ့ရစဥ်။ ဓာတ်ပုံ - PPNM Facebook)

အောင်ဇေယျ/People’s Spring

ပဲခူးတိုင်း ဒိုက်ဦးအကျဉ်းထောင်၌ ဆေးဝါးစောင့်ရှောက်မှု လုံလောက်စွာမရရှိ၍ နိုင်ငံရေးအကျဥ်းသားတစ်ဦး ထပ်မံသေဆုံးခဲ့ပြီး ၄လအတွင်းသေဆုံးသူ သုံးဦးအထိရှိလာကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)၏ ဦးဆောင်ကော်မတီဝင် ကိုသိုက်ထွန်းဦးက ပြောသည်။

ဒိုက်ဦးအကျဉ်းထောင်၌ အရေးပေါ် ဆေးဝါးကုသမှုခံယူရန်အတွက် ပြင်ပဆေးရုံသို့ပို့ရန် လိုအပ်သည့် (၃၂)နှစ်အရွယ်နိုင်ငံရေးအကျဉ်းသား ကိုလင်းလင်းထွန်း(ခ)လယ်ဝေးသည် မေလ ၈ရက် ည၈နာရီခန့်က အကျဉ်းထောင်ပြင်ပ၌ အသက်သေဆုံးခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)က ယနေ့ (မေလ ၁၁ရက်)တွင် ထုတ်ပြန်သည်။

မေလ ၇ရက်က ကိုလင်းလင်းထွန်း၏ ကျန်းမာရေးအခြေအနေ အရေးပေါ်ဖြစ်ချိန်တွင် အကျဉ်းထောင်အာဏာပိုင်များက ထောင်ပြင်ပဆေးရုံသို့‌ အချိန်မီပို့ဆောင်ပေးခြင်း မရှိဘဲ အသက်သေဆုံးခါနီး အချိန်ရောက်မှသာ ဆေးရုံကို ပို့ဆောင်ခဲ့၍ အသက်မသေဆုံးသင့်ဘဲ သေဆုံးခဲ့ရခြင်းဖြစ်ကြောင်း PPNM၏ ဦးဆောင် ကော်မတီဝင် ကိုသိုက်ထွန်းဦးက ပြောသည်။

Public Service Announcement

Public Service Announcement

ကိုလင်းလင်းထွန်းသည် ပုဒ်မ ၅၀(ည)ဖြင့် ထောင်ဒဏ်၁၀နှစ် မတရားအမိန့်ချခံထားရသည့် လယ်ဝေးသားတစ်ဦး ဖြစ်သည်။

ကိုလင်းလင်းထွန်းသည် ဖမ်းဆီးခံရပြီး‌နောက် စစ်ကြောရေး၌ ရရှိခဲ့သည့် ပြင်းထန်ဒဏ်ရာများကြောင့် ဒိုက်ဦးအကျဉ်းထောင်အတွင်း ဆေးဝါးစောင့်ရှောက်မှုရရှိရန် မကြာခဏတောင်းခံခဲ့ကြောင်း၊ သို့သော် လုံလောက်သောဆေးဝါးစောင့်ရှောက်မှုမရရှိခဲ့ကြောင်း PPNM အဖွဲ့ထံမှ သိရသည်။

“အဓိကသေဆုံးမှုတွေကို ပြန်ကြည့်မယ်ဆိုရင် အကျဥ်းထောင်တွင်းမှာ ဆေးဝါးစောင့်ရှောက်မှု မလုံလောက်တာ၊ ထောင်ဆေးရုံတွေမှာ ဆရာဝန် တွေက အချိန်ပြည့်ရှိမနေတာ၊ အရေးကြီးလူနာတွေကို ပြင်ပဆေးရုံအချိန်နဲ့တပြေးညီမပို့ဆောင်တာ ဒီလိုပြဿနာတွေ အ​ပြင်

ထောင်ကို မိသားစုဝင်တွေကပို့တဲ့ထောင်ဝင်စာဆေးဝါးတွေပါ။ အကန့်အသတ်နဲ့လက်ခံတာ တချို့ထောက်အာဏာပိုင်တွေက နိုင်ငံခြားဆေးဝါးတွေကို လက်မခံတာတွေကြောင့် အကျဥ်းထောင်တွေထဲမှာ ပုံမှန်ရောဂါလောက်ခံစားရတဲ့သူတွေတောင်မှ မသေဆုံးသင့်ဘဲသေဆုံးခဲ့ရတာတွေဖြစ်ခဲ့တယ်။”ဟု ကိုသိုက်ထွန်းဦးက ပြောသည်။

ဒိုက်ဦးအကျဉ်းထောင်အတွင်း ယခုနှစ် ဖေဖော်ဝါရီ ၉ရက်က ပုဒ်မ ၅၀၅(က)/၁၄၂ဖြင့် ထောင်ဒဏ်(၈)နှစ် အမိန့်ချမှတ်ခံထားရသူ (၆၈)နှစ်အရွယ် နိုင်ငံရေးအကျဉ်းသား ဦးအေး‌ဝင်း၊ မတ်လ ၆ရက်တွင် ပုဒ်မ၅၀၅၊ ၅၂(က)၊ ၅၀(ည)တို့ဖြင့် ထောင်ဒဏ်(၁၄)နှစ်အမိန့်ချမှတ်ခံထားရသူ (၆၄)နှစ်အရွယ် နိုင်ငံရေးအကျဉ်းသား ဦးခင်စိုးတို့ ဆေးဝါးစောင့်ရှောက်မှု လုံလောက်စွာမရရှိ၍ သေဆုံးခဲ့သေးသည်။

ယခု ၂၀၂၄အတွင်း အကျဥ်းထောင်အသီးသီး၌ ဆေးဝါးစောင့်ရှောက်မှု လုံလောက်စွာမရရှိ၍ နိုင်ငံရေးအကျဉ်းသား ၈ဦးသေဆုံးခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)က ထုတ်ပြန်ထားသည်။

ဆက်စပ်သတင်းများ

သတင်း

အကျဥ်းသားများသည် မိသားစုဝင်များက ထောင်ဝင်စာပါဆယ်ပို့ဆောင်နိုင်ခြင်းမရှိတော့သည့်အတွက် အကျဉ်းထောင်မှ ကျွေးသည့် ထမင်းနှင့်ဟင်းကိုသာ အဓိက အားပြုနေရကြောင်း သိရသည်။

နိုင်ငံတကာ

အီရန်မှာ နိုင်ငံတော် အဓိပတိ အယာတိုလာ အလီ ခါမေနီကတော့ ခြွင်းချက်မရှိ အကြီးမားဆုံး ဩဇာကို ပိုင်ဆိုင်ထားပြီး သမ္မတ နေရာရဲ့ အထက်ကနေ ကွပ်ကဲနေပါတယ်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။