Connect with us

Hi, what are you looking for?

LuduNwayOo

သတင်း

လက်ပံတန်းမြို့နယ်တိုက်ပွဲ စစ်ကောင်စီတပ်ဖွဲ့ဝင်တစ်ဦး သေဆုံး၊ ကိုးဦးဒဏ်ရာရ

လက်ပံတန်းမြို့သည် ဧရာဝတီတိုင်း၊ ဟင်္သာ တမြို့နှင့် ဧရာဝတီမြစ်ခြားလျက်တည်ရှိပြီး စစ်ကောင်စီသည် ဟင်္သာတမြို့မြို့နယ်ဘယ်ခြမ်းမှလည်း အင်အားတိုးထားကြောင်း သတင်းရရှိသည်။

(သာယာဝတီခရိုင် တပ်ရင်း(၃၈၀၂) လက်အောက်ခံ တပ်ခွဲတစ်ခုမှရဲဘော်အချို့အား မြေပြင်ကွင်းဆင်းခရီးစဥ်တစ်ခုတွင် တွေ့ရစဥ်။ ဓာတ်ပုံ - ပေးပို့)
(သာယာဝတီခရိုင် တပ်ရင်း(၃၈၀၂) လက်အောက်ခံ တပ်ခွဲတစ်ခုမှရဲဘော်အချို့အား မြေပြင်ကွင်းဆင်းခရီးစဥ်တစ်ခုတွင် တွေ့ရစဥ်။ ဓာတ်ပုံ - ပေးပို့)

▪️စစ်တပ်က ပြည်သူ ၃၀ကျော်ကို ဓားစာခံဖမ်းဆီးထားပြီး တစ်ဦးကို ပစ်သတ်

ဆလိုင်းမာန်အောင်၊ ကျော်ဇော/People’s Spring

ပဲခူးတိုင်း၊ လက်ပံတန်းမြို့နယ်တွင် စစ်ကောင်စီနှင့် ပြည်သူ့ကာကွယ်ရေးတပ်ဖွဲ့များ တိုက်ပွဲဖြစ်ခဲ့ပြီး စစ်ကောင်စီတပ်ဖွဲ့ဝင်တစ်ဦးသေဆုံးကာ ကိုးဦးဒဏ်ရာရခဲ့ကြောင်း သာယာဝတီခရိုင် တပ်ရင်း(၃၈၀၂)တပ်ခွဲ (၂ )က ထုတ်ပြန်သည်။

စစ်ကြောင်းထိုးလာသည့် စစ်ကောင်စီတပ်ဖွဲ့ကို လက်ပံတန်းမြို့နယ်၊ ရေငံကျေးရွာထိပ်တွင်သာယာဝတီခရိုင် တပ်ရင်း ၃၈၀၂ တပ်ခွဲ (၂) နှင့် တပ်ခွဲ (၃)ရဲဘော်များက ယမန်နေ့ (မေလ ၁၃ရက်) နံနက် ၇နာရီခန့်တွင် စောင့်ကြိုတိုက်ခိုက်ခဲ့ခြင်းဖြစ်သည်။

ပူးပေါင်းတပ်ဖွဲ့ ပစ်ခတ်သည့် ၄၀ မမကျည်များ စစ်‌ကောင်စီတပ်၏ ရှေ့ကင်းပွိုင့်အတွင်း ကျရောက်ပေါက်ကွဲသဖြင့် စစ်ကောင်စီတပ်သား တစ်ဦးသေဆုံး၊ သုံးဦးပြင်းထန်ဒဏ်ရာရကာခြောက်ဦး မစိုးရိမ်ရဒဏ်ရာရရှိခဲ့ကြောင်း သတင်းထုတ်ပြန်ထားသည်။

Public Service Announcement

Public Service Announcement

“ရှေ့ဆုံးက ကြိုပွိုင့်ကင်းထောက် စကစအုပ်ထဲကို ကျွန်တော်တို့ပစ်ခတ်တဲ့ ၄၀ မမကျည်တွေ ကွက်တိကျပြီးကွဲလို့ စကစ ၁၀ ကောင်ထိတာ။ ကားနဲ့တင်သွားကြတယ်”ဟု သာယာဝတီခရိုင် တပ်ရင်း(၃၈၀၂)မှ တာဝန်ရှိသူတစ်ဦးက လူထုနွေဦးသို့ ပြောသည်။

အဆိုပါ ဒဏ်ရာရစစ်ကောင်စီတပ်သားများအနက်မှ တစ်ဦးမှာ ကားဖြင့်သယ်ဆောင်သွားစဥ် လမ်း၌သေဆုံးခြင်းဖြစ်ပြီး ပြင်းထန်ဒဏ်ရာရသူသုံးဦးမှာလည်း ထပ်မံသေဆုံးနိုင်​ခြေရှိသော်လည်း အတိအကျ မသိရသေးကြောင်း ၎င်းက ဆက်ပြောသည်။

“တိုက်ပွဲက နာရီဝက်ခန့်အထိ ကြာသွားတယ်လို့သိရတယ်။ အရင်ရက်ကလည်း တိုက်ပွဲဖြစ်သေးတယ်။အခုအချိန်မှာတော့ စစ်ရေးသတင်းကိုနားစွင့်နေရတယ်”ဟု လက်ပံတန်းမြို့ခံတစ်ဦးကပြောသည်။

တိုက်ခိုက်ခံရပြီးနောက် စစ်ကောင်စီတပ် အင် အား ၁၀၀ခန့်သည် ရွာငံကျေးရွာအတွင်း ဝင် ရောက်တပ်စွဲလျှက်ရှိရာ ဒေသခံပြည်သူအများစု ထွက်ပြေးလွတ်မြောက်ခဲ့သော်လည်း ပြေးလွှားနိုင်ခြင်းမရှိသည့် သက်ကြီးရွယ်အိုနှင့် ကလေးငယ်များအပါအဝင် ပြည်သူ ၃၀ကျော်ကို စစ်ကောင်စီတပ်က ဖမ်းဆီးထားပြီး ဖမ်းဆီးခဲရသူများအနက်မှ ဦးဝင်းချိုဦးဆိုသူကို စစ်တပ်က ယနေ့(မေ ၁၄)တွင် ပစ်သတ်ခဲ့ကြောင်း တပ်ရင်း (၃၈၀၂)ထံမှ သိရသည်။

“ခုမနက်(မေ ၁၄)အဲ့ရွာထဲမှာ ပုန်းနေတဲ့ ကိုဝင်းချိုဦးကို စကစတွေတွေ့ပြီး သတ်ဖြတ်သွားတာ ခုထိအလောင်းကောက်သူမရှိသေးဘူး”ဟု တပ်ရင်း (၃၈၀၂)မှ တာဝန်ရှိသူက ပြောသည်။

မေလ ၈ရက် နံနက်ကလည်း လက်ပံတန်းမြို့နယ် ကွမ်းခြံကျေးရွာစစ်ကောင်စီဂိတ်ကို သာယာဝတီခရိုင် အမှတ် (၂)တပ်ရင်း၏ တပ်ခွဲ (၂၊၃၊၆) ၊ MBDF (မြေလတ်ဗမာကာကွယ်ရေးတပ်ဖွဲ့) နှင့် သာယာဝတီခရိုင် အမှတ် (၃) တပ်ရင်း -Myanmar Defense Force တို့ ပူပေါင်းတိုက်ခိုက်ခဲ့ရာစစ်ကောင်စီတပ်ဖွဲ့ဝင်သုံးဦး သေဆုံးပြီး ခုနစ်ဦးဒဏ်ရာရခဲ့သည်။

လတ်တလောတွင် လက်ပံတန်းမြို့နယ်အ တွင်း စစ်ရေးတိုက်ခိုက်မှုများဆက်တိုက်ဖြစ်ပေါ်လျှက်ရှိရာ ယမန်နေ့(မေ ၁၃)က တိုက်ခိုက်မှုဖြစ်ပွားခဲ့သော ရွာငံကျေးရွာအပါအဝင် စီတုံး၊ ထန်းတက်၊ ထန်းပင်ချောင်၊ အုတ်ဖိုစု စသည့်ကျေးရွာများမှ ဒေသခံပြည်သူအများအပြား ဘေးလွတ်ရာထွက်ပြေးနေကြရကြောင်း စုံစမ်းသိရသည်။

လက်ပံတန်းမြို့သည် ဧရာဝတီတိုင်း၊ ဟင်္သာ တမြို့နှင့် ဧရာဝတီမြစ်ခြားလျက်တည်ရှိပြီး စစ်ကောင်စီသည် ဟင်္သာတမြို့မြို့နယ်ဘယ်ခြမ်းမှလည်း အင်အားတိုးထားကြောင်း သတင်းရရှိသည်။

သို့ဖြစ်ရာ စစ်ကောင်စီနှင့် တိုက်ပွဲများ ဆက် လက်ဖြစ်ပွားလာနိုင်သဖြင့် ပြည်သူများအနေဖြင့် စစ်အုပ်စုနှင့် အနီးကပ်သွားလာနေထိုင်ခြင်းများ လုံးဝမပြုလုပ်ကြရန် သာယာဝတီခရိုင် တပ်ရင်း(၃၈၀၂)တပ်ခွဲ (၂ )က သတိပေးထားသည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။