Connect with us

Hi, what are you looking for?

LuduNwayOo

သတင်း

PNOပြည်သူ့စစ်က ဖမ်းထားသည့် ပအိုဝ်းဒေသခံအား ကျပ်သိန်း ၁၀၀၊ ကားတစ်စီးဖြင့် မိသားစုပြန်ရွေးရဟု PNLA ထုတ်ပြန်

ရွာလူကြီး ဦးထက်နိုင်ကို ကျေးရွာသင်္ချိုင်းကုန်းသို့ ဖမ်းဆီးခေါ်ဆောင်သွား၍ ရွာသားများက လိုက်သွားရာ PNOက သေနတ်ဖြင့် ပစ်ခတ်ခဲ့ကြောင်း၊ ထို့ကြောင့် ဦးထက်နိုင် သေ၊မသေ မသိရဖြစ်နေကြောင်း ဒေသခံကို ကိုးကားပြီး PNLAက ထုတ်ပြန်သည်။

(စစ်ကောင်စီလက်အောက်ခံ PNO ပြည်သူ့စစ်မှ စစ်သားများအား တွေ့ရစဥ်။ ဓာတ်ပုံ -PA O REGION 6)
(စစ်ကောင်စီလက်အောက်ခံ PNO ပြည်သူ့စစ်မှ စစ်သားများအား တွေ့ရစဥ်။ ဓာတ်ပုံ -PA O REGION 6)

နောင်သိမ်ရွာလူကြီးတစ်ဦးကို ဖမ်းဆီးပြီး ရွှေ၊ ငွေနှင့် မိသားစုပိုင်ပစ္စည်းများယူသွားဟု ဖော်ပြ

မောင်မောင်/People’s Spring

စစ်ကောင်စီလက်အောက်ခံ PNOပြည်သူ့စစ်က ပအိုဝ်းဒေသခံအချို့အား ဖမ်းဆီးပြန်ပေးဆွဲခြင်း ၊ ငွေကြေးပစ္စည်းများ အဓမ္မယူဆောင်ခြင်းတို့ ဆက်လက်ကျူးလွန်းနေကြောင်း ပအိုဝ်းအမျိုးသားလွတ်မြောက်ရေးတပ်မတော်(PNLA)က ထုတ်ပြန်သည်။

ဆီဆိုင်မြို့နယ်အတွင်း စစ်ကြောင်းထိုးနေသည့် PNOသည် မေလ ၂၂ ရက်တွင် ဆီဆိုင်မြို့နယ် နမ့်စေမဲးကျေးရွာမှ (၅၀)အရွယ်ခွန်ဝင်းနိုင်ဆိုသူကို ဖမ်းဆီးသွားကြောင်း၊ ယင်းနောက် မိသားစုဝင်များက ကျပ်သိန်း ၁၀၀နှင့် ကားတစ်စီးပေးကာ ခွန်ဝင်းနိုင်ကို ပြန်လည်ရွေးခဲ့ရကြောင်း ဖော်ပြထားသည်။

ထိုသို့ သွားရောက်ရွေးယူစဉ် PNO ပြည်သူ့စစ်များနှင့် ညှိနှိုင်းမှုပြုလုပ်ရာ PNO ပြည်သူ့စစ်မှ သေနတ်ဖြင့် ပစ်ခတ်သဖြင့် ခွန်ဝင်းနိုင်၏ ဇနီးဖြစ်သူမှာ ပေါင်၌ သေနတ်မှန် ဒဏ်ရာရခဲ့သည်ဟုလည်း ထုတ်ပြန်သည်။

Public Service Announcement

Public Service Announcement

PNO ပြည်သူ့စစ် ဗိုလ်ကြီးလယ်အဖွဲ့သည် မေလ ၂၂ရက်တွင် နောင်သိမ်ကျေးရွာမှ ရပ်မိ၊ရပ်ဖ ရွာလူကြီး ဦးထက်နိုင်ကို ဖမ်းဆီးသွားကြောင်း၊ ထိုသို့ ဖမ်းဆီးသွားသည့်အပြင် ဦးထက်နိုင်မိသားစုပိုင်ဆိုင်သည့် ရွှေငွေများ၊ ဒင်္ဂါးပြားများ၊ ကား၊ ဆိုင်ကယ်များကိုလည်း PNO တပ်ဖွဲ့က ယူဆောင်သွားကြောင်း PNLA၏ ထုတ်ပြန်ချက်၌ ဖော်ပြထားသည်။

ရွာလူကြီး ဦးထက်နိုင်ကို ကျေးရွာသင်္ချိုင်းကုန်းသို့ ဖမ်းဆီးခေါ်ဆောင်သွား၍ ရွာသားများက လိုက်သွားရာ PNOက သေနတ်ဖြင့် ပစ်ခတ်ခဲ့ကြောင်း၊ ထို့ကြောင့် ဦးထက်နိုင် သေ၊မသေ မသိရဖြစ်နေကြောင်း ဒေသခံကို ကိုးကားပြီး PNLAက ထုတ်ပြန်သည်။

နောင်သိမ်ရွာလူကြီးကို ဖမ်းသွားသည့် PNO ပြည်သူ့စစ် ဗိုလ်ကြီးလယ်အဖွဲ့သည် မေလ ဒုတိယ ပတ်ကလည်း နောင်ရင်းရွာ ရွာလူကြီး ခွန်ဇာခွန်နှင့် ညီဖြစ်သူကို ဖမ်းဆီးနှိပ်စက်သတ်ဖြတ်ပြီး ခွန်ဇာခွန် မိသားစုပိုင်ကုန်တင်ကားကို သိမ်းဆည်းသွားသည်ဟု PNLAက ထုတ်ပြန်သည်။

ထို့ပြင် နောင်ဗိုကန်တော်လေးရွာ ရွာလူကြီး ဖြားခွန်လျောကိုလည်း မေလ ၂ရက်တွင် PNO ပြည်သူ့စစ် ဗိုလ်ကြီးလယ်အဖွဲ့က ဖမ်းဆီးသွားပြီး ဖြားခွန်လျော၏ ကားကို သိမ်းယူထားသည်ဟုဆိုသည်။

စစ်ကောင်စီနှင့် လက်အောက်ခံ PNO ပြည်သူ့စစ်များသည် PNLAက စစ်ကောင်စီတပ်ကို ပြန်လည်တိုက်ခိုက်ခဲ့သည့် နောက်ပိုင်း ပအိုဝ်းဒေသခံ ပြည်သူများကို ပစ်မှတ်ထားသည့် တိုက်ခိုက်မှုများ ဆက်တိုက်ကျူးလွန်လျက်ရှိသည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

KIAနှင့် ပူးပေါင်းတပ်များသည် ဇွန်လ ၁၁ရက် တစ်ရက်တာထိုးစစ်အတွင်း စစ်ကောင်စီတပ် စခန်း၊ ပြည်သူ့စစ်စခန်းနှင့် BGFစခန်းများ စုစုပေါင်း တပ်စခန်း ၁၈ခုသိမ်းယူနိုင်ခဲ့ခြင်းဖြစ်သည်။

သတင်း

KIA သည် မေလ ၂၁ရက်က ဝိုင်းမော်မြို့နယ်ရှိ ခမရ(၃၂၁)တပ်စခန်းသိမ်းပြီးနောက် ယနေ့(ဇွန်လ ၁၁ရက်)တွင် စခန်းသိမ်းထိုးစစ်ဆင်မှု ဆက်လက် လုပ်ဆောင်လာခြင်းဖြစ်သည်။

သတင်း

မဲနယ်တောင်ဒေသ ဖြစ်ရပ်မှာ စစ်ကောင်စီ လက်အောက်ခံ PNOက ပြည်သူထံ ငွေကြေးကောက်ခံပြီး PNLAကို အမည်ဖျက်ခြင်းဖြစ်နိုင်သည်ဟု ပြောသည်။