'/%3E%3C/svg%3E){kind=small}
မိထက်/People’s Spring
ပဲခူးမြစ်ရေမြင့်တက်ပြီး ရေကြီးနေသည့် ပဲခူးမြို့တွင် ပြတ်ကျနေသည့် လျှပ်စစ်ကြိုးမှ ဓာတ်လိုက်ပြီး အမျိုးသားနှစ်ဦးသေဆုံးမှုဖြစ်ပွားခဲ့သည်။
တနေ့တည်း လူနှစ်ဦး ဓာတ်လိုက်သေဆုံးမှုသည် ယနေ့(ဇူလိုင်လ ၃၀ရက်) နေ့လယ်ပိုင်း၌ ဖြစ်ပွားခဲ့ခြင်းဟု သတင်းရရှိသည်။
Public Service Announcement
ရွှေမော်ဓောဘုရားလမ်း အမှတ်(၁)ကျောင်းရှေ့အနီး၌ လူငယ်တစ်ဦး၊ နိုင်းငနိုင်တောင် ရပ်ကွက် တနေရာ၌ (၃၀)ကျော် အမျိုးသားတစ်ဦး ဓာတ်လိုက်သေဆုံးခဲ့ခြင်း ဒေသခံများကပြောသည်။
” ရေဘေးကတွေ့၊ မီးက ပြတ်ချင်ပြတ်၊လာချင်လာနဲ့ တော်တော်လေးကို အဆင်မပြေတာဗျ။ လူသေဆုံးလည်း EPCကကောင်းတွေက သာသာလေးပဲ။ ဘယ်ကောင်မှ တာဝန်မယူဘူး”ဟု ပဲခူးမြို့ခံတစ်ဦးက ပြောသည်။
ပဲခူးမြစ်ရေသည် ပဲခူးမြို့အတွင်း စိုးရိမ်ရေမှတ် အထက်၌ ၄ပေကျော်မြင့်တက်နေပြီး မြို့ပေါ်ရပ်ကွက်မှ မြေနိမ့်ပိုင်းများတွင် ရေဘေးကြုံတွေ့နေသည်။ ပဲခူးမြို့တွင် ရေဘေးသင့်ပြည်သူ ငါးသောင်းကျော်ရှိနေပြီး ရေဘေးကယ်ဆယ်ရေးစခန်းများဖွင့်လှစ်ထားရသည်။
ပဲခူးတိုင်းအတွင်းရပဲခူးမြစ်၊စစ်တောင်းမြစ်၊ ရွှေကျင်မြစ်တို့လည်း စိုးရိမ်ရေမှတ်အထက် မြင့်တက်နေပြီး မြို့နယ်အများစုမှာ ရေကြီးနစ်မြုပ်မှုကြုံတွေ့နေသည်။
