'/%3E%3C/svg%3E){kind=small}
သုည/People’s Spring
ရန်ကုန်မြို့၊ အလုံမြို့နယ် အောက်ကြည့်မြင် တိုင်လမ်းမပေါ် အလုံမီးပွိုင့်အနီးတွင် ယနေ့ (စက်တင်ဘာ ၁၃) နံနက်က YBS (၂၂)ယာဉ် မီးလောင်ကျွမ်းမှုဖြစ်ပွားခဲ့ကြောင်း ဒေသခံပြည်သူများက ပြောသည်။
အဆိုပါ မီးလောင်ကျွမ်းမှုကြောင့် ခရီးသည်များထိခိုက်ဒဏ်ရာရမှုမရှိသော်လည်း ကားတစ်စီးလုံး မီးလောင်ခဲ့ကြောင်း မျက်မြင်တွေ့ရှိခဲ့သူတစ်ဦးက ပြောသည်။
Public Service Announcement
“YBS ဘက်စ်ကားက အရင်ထဲက ပျက်နေတာ ထင်တယ်။ မီးလောင်တဲ့အချိန် ခရီးသည်တွေတော့ မရှိတော့ဘူး။ ကားသမားလည်း ထိခိုက်တာ မရှိပါဘူး။ လောင်တာကတော့ ကားနောက်ဖက် အင်ဂျင်ခန်းဘက်ကနေ စလောင်တာပါ။ ၅ မိနစ်၊ ၁၀မိနစ်အတွင်းကို ကားတစ်စီးလုံးနီးပါး ပြာကျသွားတယ်။ မီးသတ်တွေလာငြှိမ်းလို့ မီးကတော့ ငြိမ်းသွားပါပြီ” ဟု အလုံမြို့နယ်နေ ပြည်သူတစ်ဦးက ပြောသည်။
ယနေ့ နံနက် ၁၀ နာရီ ၄၂ မိနစ်တွင် အလုံမြို့နယ်၊ အောက်ကြည့်မြင်တိုင်လမ်း၊ အလုံမီးပွိုင့်အနီးတွင် YBS ယာဉ်(၁)စီး မီးလောင်မှုဖြစ်ပွားကြောင်းသတင်းရရှိသဖြင့် အလုံမြို့နယ်မီးသတ်စခန်းမှ မီးသတ်ယာဉ်(၁)စီး၊ ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာ ၁၀ နာရီ ၅၂ မိနစ်တွင် မီးငြိမ်းခဲ့ကြောင်း မြန်မာနိုင်ငံမီးသတ်တပ်ဖွဲ့က ဖော်ပြထားသည်။
သို့သော် မည်သည့်အတွက်ကြောင့် မီးလောင် ကျွမ်းခြင်းနှင့် ပျက်စီးဆုံးရှုံးမှုကို ထည့်သွင်းဖော်ပြထားခြင်း မရှိသေးပေ။
