အောင်ဇေယျ/People’s Spring
ကာလအတန်ကြာငြိမ်သက်နေခဲ့သည့် စစ်ကိုင်းမြို့နယ် အနောက်မြောက်ခြမ်း၌ စစ်ကောင်စီတပ်က စစ်ကြောင်းပြန်ထိုးနေ၍ ဒေသခံများ ထွက်ပြေးတိမ်းရှောင်နေရကြောင်း သတင်းရရှိသည်။
ယမန်နေ့(နိုဝင်ဘာ ၂၄ရက်)နံနက်ပိုင်းက စစ်ကိုင်းမြို့နယ်၊ ပဒူရွာ၌ အထိုင်ချထားသော စစ်ကောင်စီတပ်က အင်အား ၇၀ခန့်ပါ စစ်ကောင်စီတပ်က စစ်ကြောင်းပြန်ထွက်လာပြီး တောင်ရင်းကျေးရွာကို ဝင်ရောက်မွှေနှောက်သွားကြောင်း ဒေသခံများက ပြောသည်။
“တိုက်ပွဲဖြစ်တာမရှိဘူး။ တောင်ရင်းရွာတစ်ရွာထဲ တောင်ရွာမြောက်ရွာ မွှေသွားတယ်ပြောတယ်။”ဟု ဒေသခံတစ်ဦးက ပြောသည်။
Public Service Announcement
ယနေ့နံနက်ပိုင်းတွင် အဆိုပါစစ်ကြောင်းသည် ပဒူကျေးရွာဘက်သို့ စစ်ကြောင်းပြန်ဦးတည်နေကြောင်း Wetlet Informational Network အဖွဲ့က ပြောသည်။
အဆိုပါ စစ်ကြောင်းကြောင့် တောင်ရင်းကျေးရွာအပါအဝင် စစ်ကြောင်းတလျှောက်ရွာများထွက်ပြေးတိမ်းရှောင်နေရကြောင်း သိရသည်။
တောင်ရင်းကျေးရွာသည် ပြီးခဲ့သည့် ၂၀၂၂နိုဝင်ဘာအတွင်းကလည်း စစ်ကောင်စီတပ်က ဝင်ရောက် မီးရှို့ဖျက်ဆီးခဲ့၍ နေအိမ်ပေါင်း ၁၄၀ကျော် မီးလောင်ပြာကျခဲ့ဖူးသည်။
