စစ်ကိုင်းမြို့နယ် မြင်းဆည်ရွာကို စစ်တပ်လေကြောင်းတိုက်ခိုက်

ဇေအောင်/People’s Spring

စစ်ကိုင်းမြို့နယ်၊ မြင်းဆည်ကျေးရွာကို စစ်တပ်က လေကြောင်းတိုက်ခိုက်ရာ စာသင်ကျောင်း၊ဘုန်းကြီးကျောင်းနှင့် နေအိမ်များပျက်စီးကြောင်း ဒေသခံများက ပြောသည်။

ယနေ့(နိုဝင်ဘာ ၂၀ရက်)နေ့လည် ၁နာရီ မိနစ် ၄၀ ခန့်က မြင်းဆည်ကျေးရွာကို ဂျက်ဖိုက်တာတစ်စီးဖြင့် ပေါင် ၁၀၀ဗုံးသီးများ၊ ရော့ကတ်များဖြင့် ပစ်ခတ်တိုက်ခိုက်ခဲ့ကြောင်း ဒေသတွင်းစစ်ရှောင်ကူညီနေသူများက ပြောသည်။

တိုက်ခိုက်မှုကြောင့် မြင်းဆည်ကျေးရွာရှိ စာသင်ကျောင်း၊ ဘုန်းကြီးကျောင်းများပျက်စီးပြီး လူထိခိုက်မှုမရှိကြောင်း ဒေသတွင်းစစ်ရှောင်ကူညီနေသူတစ်ဦးက ပြောသည်။

Public Service Announcement

“မြင်းဆည် စာသင်ကျောင်း၊ဘုန်းကြီးကျောင်းနဲ့ လူနေအိမ်အချို့ ပစ်ခတ်ခံရပြီး ပျက်စီးမှုရှိပါတယ်။နွား ၃ ကောင်ထိတယ်။ လူတော့မထိဘူးလို့ သိရပါတယ်။”ဟု စစ်ကိုင်းမြို့နယ် သတင်းမှန်ပြန်ကြားရေးအဖွဲ့တာဝန်ရှိသူက ပြောသည်။

ပျက်စီးသွားသည့် နေအိမ်အရေအတွ​က်ကိုမူ မသိရသေးပေ။

နိုဝင်ဘာ ၁၇ရက်ကလည်း စစ်ကိုင်းမြို့နယ်၊ လက်ပါယ်တောရွာကို စစ်တ​ပ်က လေကြောင်းတိုက်ခိုက်ခဲ့ရာ ကလေးတစ်ဦးအပါအဝင် ပြည်သူ ၆ ဦးထိခိုက်ဒဏ်ရာရရှိခဲ့ပြီး လူနေအိမ်၂လုံး ပျက်စီးခဲ့သည်။