Connect with us

Hi, what are you looking for?

သတင်း

စစ်ရှိန်မြင့်နေသည့် တောင်သာမြို့နယ်အတွင်း လမ်းပိုင်းများအသုံးပြုမှု ကန့်သတ်

စစ်ရှိန်မြင့်နေသည့် မန္တလေးတိုင်း၊ တောင်သာမြို့နယ်အတွင်းနှင့် မြို့နယ်ချင်းစပ် လမ်းပိုင်းများ အသုံးပြုမှုကို ကန့်သတ်ကြောင်း တောင်သာမြို့နယ်ပြည်သူ့ကာကွယ်ရေးတပ်ဖွဲ့က ယနေ့(ဇန်နဝါရီ ၁၄ ရက်)ကစ၍ ထုတ်ပြန်သည်။

တောင်သာမြို့လယ်တနေရာအား တွေ့ရစဉ်။ ဓာတ်ပုံ - CJ

ရဲခေါင်/People’s Spring

စစ်ရှိန်မြင့်နေသည့် မန္တလေးတိုင်း၊ တောင်သာမြို့နယ်အတွင်းနှင့် မြို့နယ်ချင်းစပ် လမ်းပိုင်းများ အသုံးပြုမှုကို ကန့်သတ်ကြောင်း တောင်သာမြို့နယ်ပြည်သူ့ကာကွယ်ရေးတပ်ဖွဲ့က ယနေ့(ဇန်နဝါရီ ၁၄ ရက်)ကစ၍ ထုတ်ပြန်သည်။

တောင်သာ-မြင်းခြံလမ်းပိုင်း၊ တောင်သာ-ဝဲလောင် – ကျောက်ပန်းတောင်းလမ်းပိုင်း၊ တောင်သာ-မလှိုင်လမ်းပိုင်း၊ တောင်သာ-ရုံးစဉ်-မလှိုင်လမ်းပိုင်း၊ တောင်သာ-နွားထိုးကြီးလမ်းပိုင်းတို့အပြင် မြို့နယ်အတွင်း ကျေးရွာချင်းဆက် လမ်းပိုင်းများအားလုံး ပါဝင်သည်ဟု ဆိုသည်။

“စစ်ရေးကြိုတင်ပြင်ဆင်တာပါသလို ဒီကာလမှာ စခတွေက အယောင်ဖျောက်ပြီး ပြည်သူ့ကားတွေ နဲ့ ကုန်တင်ကားတွေ၊Faw ကားတွေ အသုံးပြုတာကိုဟန့်တာ ချင်လို့ပါ”ဟု တောင်သာမြို့နယ် ပြည်သူ့ကာကွယ်ရေးတပ်တာဝန်ရှိသူက လူထုနွေဦးသို့ ပြောသည်။

Public Service Announcement

Public Service Announcement

ကန့်သတ်မှုအရ ယာဉ်များအားလုံး ညနေ ၆ နာရီမှ နံနက်၆ နာရီ အတွင်း လုံးဝမောင်းနှင်အသုံးပြုခြင်း မပြုလုပ်ရန်နှင့် အရေးပေါ်ကျန်းမာရေးအခြေအနေအရ ကန့်သတ်အချိန်အတွင်း သွားလာမည်ဆိုလျှင် ကားအတွင်းမီးထွန်း၍ မှန်ချမောင်းနှင်ရန် သတိပေးသည်။

ထို့အတူ ကုန်တင်ကားကြီးများ ဖြတ်သန်းမောင်းနှင် အသုံးပြုပါက မိုးရွာခြင်းမရှိ၍ မိုးကာအုပ်မောင်းနှင်ခြင်းမပြုရန် နှင့် ပြည်သူ့ကာကွယ်ရေး၊ ပြည်သူ့လုံခြုံရေးအရ ပူးပေါင်းဆောင်ရွက်ခြင်းဖြင့် လိုက်နာဆောင်ရွက်ပေးကြရန် မေတ္တာရပ်ခံထားသည်။

လိုက်နာဆောင်ရွက်ခြင်း မပြုပါက မိမိတာဝန်သာဖြစ်ကြောင်းလည်း တောင်သာမြို့နယ် ပြည်သူ့ကာကွယ်ရေးတပ်ဖွဲ့က အသိပေးသည်။

ဇန်နဝါရီ ၁၃ရက် နေ့လည်၁၂ နာရီ၁၅မိနစ်ခန့်က တောင်သာမြို့ အထက(၁)ကျောင်း၌ တပ်စွဲထားသည့် စစ်ကောင်စီတပ်ကို တော်လှန်ရေးတပ်ဖွဲ့များက ဝင်​ရောက်တိုက်ခိုက်ခဲ့ရာ စစ်သား ၁၀ဦးခန့်သေဆုံးပြီး MA-1 တစ်လက်နှင့် ကျည်ဘောက်၊ကျည်တချို့ကို သိမ်းယူနိုင်ခဲ့ကြောင်း သိရသည်။

ဆက်စပ်သတင်းများ

သတင်း

ယခုနှစ်ဆန်းကစပြီး လောင်းလုံးမြို့နယ် ပြည်သူ့ကာကွယ်ရေးအဖွဲ့-ပကဖ ထံဆက်သွယ်၍ စစ်ကောင်စီ၏အမှတ်(၂၅) ခြေလျင်တပ်ရင်း(ခလရ-၂၅) မှ စစ်မှုထမ်းဥပ​ဒေဖြင့်​ခေါ်ယူစု​ဆောင်းခံရ​သော စစ်သားသစ်ငါးဦး ပြည်သူ့ရင်ခွင်ခိုလှုံကာအလင်းဝင်လာကြောင်းလောင်းလုံး ပကဖမှတာဝန်ရှိသူတစ်ဦးကလူထုနွေဦးသို့ပြောသည်။

သတင်း

စစ်ကိုင်းတိုင်း၊ ရေဦးမြို့ပေါ် တပ်စွဲထားသည့် စစ်ကောင်စီတပ် ဂိတ်စခန်းတစ်ခုကို မြို့နယ်ပြည်သူ့ကာကွယ်ရေးအဖွဲ့(ပကဖ)က တိုက်ခိုက်ခဲ့ပြီးနောက် စစ်ကောင်စီတပ်က လက်နက်ကြီးများဖြင့် ရမ်းသမ်းပစ်ခတ်နေသည်။

သတင်း

နောက်ဆုံးလက်ကျန် မြို့အစွန်ရှိ ဂျပန်လှိုင်ဂူကုန်းအား စတင်ထိုးစစ်ဆင်တိုက်ခိုက်နေဟု အသိပေး

သတင်း

မန္တလေးတိုင်း ၊ တောင်သာမြို့နယ်ထဲက သာစည်ကျေးရွာကို ဒီနေ့ ဇန်နဝါရီလ ၂၃ ရက်မနက်အစောပိုင်း လူအများအိပ်မောကျနေချိန်မှာ စစ်ကောင်စီတပ်ရဲ့ လူလိုက်ပါတဲ့ စက်တပ်လေထီးနဲ့ ဗုံးချ တိုက်ခိုက်မှုကြောင့် ဒေသခံအမျိုးသမီးကြီး တစ်ဦး သေဆုံးခဲ့ရပါတယ်။