တေဇ / People’s Spring
ပြည်သူ့ကာကွယ်ရေးတပ်မတော်-မန္တလေး(မန္တလေး PDF) အနေဖြင့် မြန်မာအမျိုးသား ဒီမိုကရက်တစ် မဟာမိတ်တပ်မတော်(MNDAA) နှင့်အနီးကပ်ပူးပေါင်းလက်တွဲကာ ဘုံရန်သူဖြစ်သော စစ်အာဏာရှင်ချုပ်ငြိမ်းရေး နှင့် ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးအတွက် ဆက်လက်ချီတတ်သွားမည်ဟုထုတ်ပြန်သည်။
စဥ့်ကူး ၊နောင်ချို ၊မိုးကုတ် မြို့သိမ်းတိုက်ပွဲများအောင်မြင်စွာဆင်နွှဲပြီးနောက် မန္တလေးPDFတပ်ဖွဲ့ဝင်များအောင်ပွဲခံနေစဥ်။ ဓါတ်ပုံ-MDY-PDF 
စဥ့်ကူး ၊နောင်ချို ၊မိုးကုတ် မြို့သိမ်းတိုက်ပွဲများအောင်မြင်စွာဆင်နွှဲပြီးနောက် မန္တလေးPDFတပ်ဖွဲ့ဝင်များအောင်ပွဲခံနေစဥ်။ ဓါတ်ပုံ-MDY-PDF 
စဥ့်ကူး ၊နောင်ချို ၊မိုးကုတ် မြို့သိမ်းတိုက်ပွဲများအောင်မြင်စွာဆင်နွှဲပြီးနောက် မန္တလေးPDFတပ်ဖွဲ့ဝင်များအောင်ပွဲခံနေစဥ်။ ဓါတ်ပုံ-MDY-PDF 
စဥ့်ကူး ၊နောင်ချို ၊မိုးကုတ် မြို့သိမ်းတိုက်ပွဲများအောင်မြင်စွာဆင်နွှဲပြီးနောက် မန္တလေးPDFတပ်ဖွဲ့ဝင်များအောင်ပွဲခံနေစဥ်။ ဓါတ်ပုံ-MDY-PDF
မတ် ၁၁တွင်ကျရောက်သည့် MNDAA ၏ ၃၆ နှစ်ပြည့် တပ်မတော်နေ့ သို့ မန္တလေးPDF ကပေးပို့သည့် ဂုဏ်ပြုသဝဏ်လွှာတွင်ထည့်သွင်းဖော်ပြထားခြင်းဖြစ်သည်။
“၁၀၂၇ စစ်ဆင်ရေး ပထမလှိုင်းနှင့် ဒုတိယလှိုင်းတို့၏ အောင်မြင်မှုများနှင့်အတူ ကိုးကန့်အမျိုးသားတို့၏ ပြီးမြောက်ခဲ့ပြီဖြစ်သော “အိမ်ပြန်ခရီး”အတွက်လည်း ကျွန်ပ်တို့ကအထူးပင်ဝမ်းသာပီတိဖြစ်ရပါတယ်” ဟု မန္တလေးPDFက ထုတ်ပြန်ထားသည်။
Public Service Announcement
၁၀၂၇ စစ်ဆင်ရေးသည် စစ်အာဏာရှင် အပြီးတိုင်ချုပ်ငြိမ်းရေး ၊ အမျိုးသားတန်းတူရေး နှင့် ကိုယ်ပိုင်ပြဌာန်းခွင့်ရရှိရေး ၊ ဖက်ဒရယ်ဒီမိုကရေစီပြည်ထောင်စု တည်ထောင်ရေးတို့အတွက် များစွာအထောက်အကူပြုခဲ့ပြီး မန္တလေးPDF အနေဖြင့် MNDAA အပါအဝင် မဟာမိတ်တော်လှန်ရေးအဖွဲ့များဖြင့်ပူးပေါင်းလုပ်ဆောင်နိုင်ခဲ့သည့်အပေါ် ဂုဏ်ယူကြောင်း ဆိုသည်။
ထို့ကြောင့် မန္တလေးPDF အနေဖြင့် မပြီးဆုံးသေးသော တော်လှန်ရေးခရီးကြမ်း၏ ရှေ့အနာဂါတ်တွင်လည်း နောင်တော် တော်လှန်ရေးအဖွဲ့အစည်းကြီးဖြစ်သော MNDAA နှင့် အနီးကပ်ပူးပေါင်း၍ ဘုံရန်သူဖြစ်သော စစ်အာဏာရှင်ချုပ်ငြိမ်းရေး နှင့် ဖက်ဒရယ်ဒီမိုကရေစီ ပြည်ထောင်စုတည်ဆောက်ရေးအတွက် ဆက်လက်ချီတတ်သွားမည်ဖြစ်ပြီး ၎င်းတို့စိုးမိုးထားသည့်ဒေသများတွင်နေထိုင်ကြသည့် ပြည်သူများ၏ လူမှုစီးပွားအဆင်ပြေစေရေးနှင့် ဒေသဖွံ့ဖြိုးရေးလုပ်ငန်းများကို လုပ်ဆောင်မည်ဟု အသိပေးထားသည်။
ထို့အပြင် ယနေ့ကျရောက်သည့် ၃၆ နှစ်မြောက်တပ်မတော်နေ့မှစ၍ MNDAA အထူးဒေသ (၁) အုပ်ချုပ်ရေးကော်မတီနှင့် ကိုးကန့်အမျိုးသားတို့ အပါအဝင် တိုင်းရင်းသား ပေါင်းစုံပြည်သူလူထုအနေဖြင့် ၎င်းတို့ဒေသရှိပြည်သူလူထု၏ ရည်မှန်းချက်များအပြည့်အဝအောင်မြင်ကာ ပြည်ထောင်စုတစ်ရပ်လုံး တိုင်းရင်းသားပြည်သူလူထုအားလုံး၏ ရည်မှန်းချက်များ အပြည့်အဝအောင်မြင်ရန် ဆုတောင်းပေးထားသည်။
မန္တလေးPDF သည် ၁၀၂၇ ဒုတိယလှိုင်း(ခေါ်) ရှမ်းမန်းစစ်ဆင်ရေးတွင် စဥ့်ကူး ၊နောင်ချို ၊မိုးကုတ် ၊မိုးမိတ် မြို့သိမ်းတိုက်ပွဲများကို မဟာမိတ်တပ်များနှင့်ပူးပေါင်း၍ အောင်မြင်စွာဆင်နွှဲခဲ့သည်။ထို့အပြင် မတ္တရာမြို့နယ် အရှေ့ရှမ်းရှိ စစ်တပ်စခန်း ၄၀ ခန့်ကိုသိမ်းပိုက်ထိန်းချုပ် ၍ မတ္တရာအရှေ့ရှမ်းကို ထိန်းချုပ်ထားသည်။ ယခုအခါ မတ္တရာ၊ သပိတ်ကျင်း ၊နောင်ချို မြို့နယ်တို့တွင် စစ်ကောင်စီတပ်ကို ဆက်လက်တိုက်ခိုက်နေသည်။
