■စစ်သုံ့ပန်းအချို့ ဖမ်းမိ၊ အချို့သေဆုံးဟု KNU သတင်းရင်းမြစ်ပြော
■ပူလူတူစစ်စခန်းကို KNLA အောင်မြင်စွာသိမ်းပိုက်နိုင်ပြီဟု ထိုင်းသတင်းဌာနဖော်ပြ
ဟန်နွေ/People’s Spring
ကရင်အမျိုးသားအစည်းအရုံး(KNU) တပ်မဟာ(၇)နယ်မြေ လှိုင်းဘွဲ့မြို့နယ် ပူလူတူ စစ်ကောင်စီစခန်းမှ စစ်ကောင်စီတပ်သားများ ထိုင်းနိုင်ငံဘက်သို့ ဆုတ်ခွာထွက်ပြေးသွားကြောင်း KNU သတင်းရင်းမြစ်က ပြောသည်။
Public Service Announcement
ပူလူတူစခန်းမီးလောင်နေစဥ် နှင့် ထိုင်းဘက်ခြမ်းတွင် ထိုင်းစစ်သားများ လုံခြုံရေးဆောင်ရွက်နေစဥ်။ ဓါတ်ပုံ- မဲဆောက်မီဒီယာ ပူလူတူစခန်းမီးလောင်နေစဥ် နှင့် ထိုင်းဘက်ခြမ်းတွင် ထိုင်းစစ်သားများ လုံခြုံရေးဆောင်ရွက်နေစဥ်။ ဓါတ်ပုံ- မဲဆောက်မီဒီယာ ပူလူတူစခန်းမီးလောင်နေစဥ် နှင့် ထိုင်းဘက်ခြမ်းတွင် ထိုင်းစစ်သားများ လုံခြုံရေးဆောင်ရွက်နေစဥ်။ ဓါတ်ပုံ- မဲဆောက်မီဒီယာ
မြန်မာ-ထိုင်းနယ်စပ်ရှိ အဆိုပါ ပူလူတူစစ်ကောင်စီစခန်းကို ဖေဖော်ဝါရီ ၂၆ရက်က စတင်၍ KNU ဦးဆောင်သောပူးပေါင်းတပ်က ထိုးစစ်ဆင်လျက်ရှိရာ တိုက်ပွဲ နှစ်ပတ်ကျော်အကြာမတ်လ ၁၄ရက်တွင် စစ်ကောင်စီတပ်သားများ စခန်းစွန့်ထွက်ပြေးကြခြင်းဖြစ်သည်။KNLA တပ်မဟာ ၇ က ဦးဆောင်ထိုးစစ်ဆင်ခဲ့ခြင်းဖြစ်သည်။
“ခုဏက ပြောတာကတော့ ကျနော်တို့လူနဲ့တိုးတော့ နှစ်ယောက်သေသွားတယ်။ လေးယောက်ဖမ်းမိတယ် အဲဒီလိုမျိုးတော့ပြောတယ်။ ၁၁
ယောက်က ထိုင်းဘက်ကိုကူးသွားတယ်။စခန်းက ရလိုက်ပြီလို့ပြောတယ်။ ဒါပေမဲ့ မသေချာသေးဘူး” ဟု KNU သတင်းရင်းမြစ်က ပြောသည်။ထိုင်းသတင်းဌာနအချို့၏ ဖော်ပြချက်တွင်ပူလူတူ စစ်ကောင်စီစခန်းကို KNU လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၇)က အောင်မြင်စွာ သိမ်းပိုက်နိုင်ခဲ့သည်ဟုဖော်ပြထားသည်။ထို့ပြင် မြန်မာစစ်သား(စစ်ကောင်စီတပ်ဖွဲ့ဝင်)များ ထိုင်းဘက်ခြမ်းသို့ ဖြတ်ကျော်ထွက်ပြေးလာရာ ထိုင်းတပ်ဖွဲ့က လူသားချင်းစာနာမှုဆိုင်ရာ အကူအညီများ ပံ့ပိုးပေးထားသည်ဟုလည်း ထိုင်းနိုင်ငံအခြေစိုက် မဲဆောက်သတင်းဌာနကဖော်ပြထားသည်။
ကရင်အမျိုးသားအစည်းအရုံး(KNU) ဘက်က ပူလူတူစခန်းသိမ်းတိုက်ပွဲနှင့်ပတ်သက်ပြီး တရားဝင် သတင်းထုတ်ပြန်မှု မရှိသေးပေ။တိုက်ပွဲဖြစ်ပွားသည့်တလျှောက်လုံးတွင် ထိုင်းဘက်ခြမ်း၌ ထိုင်းစစ်တပ်ကလုံခြုံရေးမြှင့်ထားသည်။
KNUသည် စစ်တပ်အာဏာသိမ်းပြီးနောက် စစ်ကောင်စီတပ်များကိုတိုက်ခိုက်လျက်ရှိရာအာဏာသိမ်းပြီး နောက်ပိုင်း KNU ခရိုင် နှင့်တပ်မဟာ၇ ခုရှိ စစ်ကောင်စီတပ်စခန်း ၁၅၀ ကျော်ကို တိုက်ခိုက်သိမ်းပိုက်ထားနိုင်ခဲ့သည်။
ပြီးခဲ့သည့်ဖေဖော်ဝါရီလကလည်း KNLA ဦးဆောင်သည့် ပူးပေါင်းတပ်များက နှစ် ၃၀.ကြာစစ်တပ်လက်အောက်ရောက်ခဲ့သော သမိုင်းဝင် မဲသဝေါစခန်းကိုပြန်လည်သိမ်းပိုက်နိုင်ခဲ့သည်။
ထိုသို့ တိုက်ခိုက်ရာတွင် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန လက်အောက်ရှိ ပြည်သူ့ကာကွယ်ရေးတပ်(PDF)အပါအဝင် တော်လှန်ရေးအင်အားစုများဖြင့် ပူးပေါင်းစစ်ရေးဖော်ဆောင်နေခြင်းဖြစ်သည်။ ထို့ပြင် ယခု၂၀၂၅ အတွင်း စစ်ရေးအရှိန်မြှင့်တင်သွားမည်ဖြစ်ကြောင်းလည်း KNU တာဝန်ရှိသူအချို့က အသိပေးထားသည်။
